انها مدرسةٌ


علمتنى الحياه

ان ما اصابك ما كان ليخطأك...وما أخطائك ما كان ليصيبك

-------------------------------
علمتنى الحياه

ان الصدق اقصر طريق الى القلب

----------------------------------

علمتنى الحياه

ان من الصعب ان يغفر الناس لك اخطاءك ولكن الاصعب ان تغفر انت لنفسك تلك الاخطاء

----------------------------------

علمتنى الحياه

ان الصديق الصدوق هو من يكون معك وقت الشدة

-----------------------------------

علمتنى الحياه

ان الله يمهل ولا يهمل

------------------------------------

علمتنى الحياه

ان الخيانه جزاءها موت القلب...وانهيار الحياه...وعذاب نفسى لانهايه له

----------------------------------------

علمتنى الحياه

ان العقل سيد القلب وليس العكس

------------------------------------------

علمتنى الحياه

اان الانسان الصالح يندر وجوده

-------------------------------------------

علمتنى الحياه

ان السعادة الابديه فى قرب الله

--------------------------------------------

علمتنى الحياه

ان خير الاختيارات واصلحها اختيارت الله لك

--------------------------------------------

علمتنى الحياه

ان لا نتذمر وقت الشدة ...ان مع العسر يسر ..ان مع العسر يسر

--------------------------------------------

علمتنى الحياه

ان ربى ارحم على من امى

------------------------------------------

علمتنى الحياه

ان الحق حق وان الباطل باطل ولا يوجد بينهم متشابهات

---------------------------------------------

علمتنى الحياه

ان انشغل بعيوبى عن عيوب الناس

----------------------------------------------

علمتنى الحياه

ان احاسب نفسى قبل ان احاسب الناس

------------------------------------------------

علمتنى الحياه

الا اتفائل اكثر من الازم حتى لا يتحول التفائل الى صدمه

-----------------------------------------------

علمتنى الحياه

ان اتذكر بعد كل فرحه احزانى...حتى لا تسرقنى الفرحه

-------------------------------------------

علمتنى الحياه

الصبر ثم الصبر ثم الصبر

------------------------------------------------

علمتنى الحياه

انا عند ظن عبدى بى فليظن بى ما يشاء

------------------------------------------------

علمتنى الحياه

ان انزل كل انسان منزلته فلا اغالى فى اكرامه فيظن انى انافقه ولا اقصر معه فيظن انى اظلمه

----------------------------------------------------

علمتنى الحياه

ان لا اتعامل بحسن النية دائما بل اضع جميع الاحتمالات بالحسبان

------------------------------------------------------

علمتنى الحياه

انى اضعف مخلوقات الله ...فمن انا لكى اعصى الخالق عز وجل

--------------------------------------------------

علمتنى الحياه

ولاَ تكونُوُا كالذينَ نَسوُا الله فأنسـيهم انفْسَهُم

--------------------------------------------------

علمتنى الحياه

افأن الذى بينك وبينه عدواه كأنه ولى حميم

----------------------------------------------------

علمتنى الحياه

مَا اَصَابَكَ مِنْ حَسَنَةٍ فَمِنَ الله ومَا اصَابَكَ مِنْ سَيِئَةٍ فَمِنْ نَفْسِكَ

--------------------------------------------------

واخيرا علمتنى الحياه

يا ابن ادم افعل ما شئت فكما تدين تدان

-----------------------------------------------------------------------------------------------
كلما تعلمت شيئا جديدا فى الحياه ...ادركت مدى جهلى وانى سأظل تلميذة فى تلك المدرسه الكبيرة ...مدرسه الحياه

37 comments:

مـحـمـد مـفـيـد said...

كلنا تلاميذ في هذه المدرسه مادمنا نعيش علي هذه الارض
بجد بوست مبدع

فى القلب said...

ما اشد قسوه الحياه
تعلمنا من جانب و تجلدنا من اخر
فى النهايه نتعلم و لكن و نحن نحتضر

كراكيب عادل said...

الله ينور عليك

فعلا الحياة مدرسة

كلمات وحكم هايلة

هنفضل لاخر لحظة نتعلم ونتعلم

وكل واحد لة تجربة مختلفة عن التاني

Anonymous said...

السلام عليكم

اولا تدوينة رائعة جدا وان اختلفت معك في بعض المعاني

اسمحي لي اعلق علي الحاجات اللي اختلفت معاكي فيها لكن باقي المعاني اتفق معك وبشدة

وفي حاجات مش بختلف ولكن هعلق عليها كتكملة للمعني من وجهة نظري
=========================
----------------------------------
علمتنى الحياه
ان من الصعب ان يغفر الناس لك اخطاءك ولكن الاصعب ان تغفر انت لنفسك تلك الاخطاء


دا اذا كانت نفسي من النوع اللوامة اما اذا كانت خبيثة ولا هيهمني

وكوني بلوم نفسي دا شئ جميل ودي احد شروط التوبة

بس ف نفس الوقت لازم اتخطاها عشان اكمل مسيرة التصحيح
==================================
------------------------------------
علمتنى الحياه
ان الخيانه جزاءها موت القلب...وانهيار الحياه...وعذاب نفسى لانهايه له



جزاؤها مرض القلب وليس موته بدليل عذاب النفس ده مؤشر ان القلب لسه ممتش

وممكن ينتهي مش لا نهاية له لو الواحد فاق لنفسه وعالج قلبه بسرعه قبل ان يموت
===================================
ان العقل سيد القلب وليس العكس

دي بقي بتفق معاكي فيها بشدة عشان كدة ذكرتها بردو رغم ان ماليس اي تعليق عليها بس عجباني جدا
==================================
------------------------------------------
علمتنى الحياه
اان الانسان الصالح يندر وجوده


لا اتفق معك خصوصا في هذا التوقيت من عصر الامة وفي ظل تلك الصحوة

طبعا كلنا ذوي اخطاء بس دا لا ينفي وجود الصلاح والصالحين وكتير كمان

==================================
------------------------------------------
علمتنى الحياه
ان الحق حق وان الباطل باطل ولا يوجد بينهم متشابهات


في حديث عن النبي صلي الله عليه وسلم الحلال بين والحرام بين وبينهما امور مشتبهات

يبقي اكيد ساعات بيكون بين الحق والباطل امور مشتبهات لا يعلمها كثير من الناس
===================================
--------------------------------------------------
علمتنى الحياه
افأن الذى بينك وبينه عدواه كأنه ولى حميم


الايه ادفع بالتي أحسن فاذا الذي بينك وبينه عداوة كأنه ولي حميم

المعلقاتي said...

السعادة الأبدية في القرب من ربنا


جملة تنفع منهج حياة ربنا يسعدك يارب في قربك منه عز وجل دايما

عصفور المدينة said...

اتعلمت أشياء هامة في حياتي تمثل ركن في شخصيتي وجدت بعضها مذكور هنا
يعني أنا نقيت المشتركين معايا

ان الصدق اقصر طريق الى القلب

ان العقل سيد القلب وليس العكس

ان خير الاختيارات واصلحها اختيارت الله لك
الا اتفائل اكثر من الازم حتى لا يتحول التفائل الى صدمه

ان لا اتعامل بحسن النية دائما بل اضع جميع الاحتمالات بالحسبان

الطائر الحزين said...

لكى لا تأسوا على ما فاتكم ولا تفرحوا بما آتاكم

mohand said...

السلام عليكم

حمدلله علي السلامه

الحياة مدرسة وبتعلم كتير

ان شاء الله تكوني بخير

تحياتي

Tamer Nabil Moussa said...

اهلا بيكى فى عالم التدوين

اللى يعيش ياما يشوف والحياة مدرسة كبيرة من مواقف وحكايات وقصص

يدور الانسان فى الدنيا يقطف من هنا ومن هناك الكثير من الثمرات منها الناضج ومنها التالف

وفى كل مرة نقطف فيها الثمرة نتعلم الكثير والكثير

ربنا يوفقك ويكرمك

تحياتى

ابوزياد الفاتح said...

كل عام وانت بخير
تقبل الله منك
وفعلا موضوع جميل والله
واللى يعيش ياما يشوف
بس شدى حيلك واتعلمى كتير

مشروع انسان said...

ياه الحياة علمتك كتير اوى
هى المعانى دى موجودة عند اكثرنا بس الاهم نفتكرها وقت اللزوم ونتعامل على اساسها
انا كمان علمتنى الحياة ان العقل سيد القلب
فعلا لان بالعقل الواحد بيبصر طريقة ويدع القلب بعد ذلك كما يشاء اى ينير الطريق للقلب حتى يهيئ له الموطن
وفعلا الانسان الصالح يندر وجوده
بس ليه منحققش ده فى نفسنا بجد
اذا عايزين المجتمع يبقى صالح يبقى نبدأ بنفسنا ولكن للاسف حتى الصالحين بيبقى فيهم عيوب وهذه طبيعة الحياة ولكن الواحد بيطمن للناس اللى على فطرتها حتى لو فيها عيوب بس مبتبقاش ليها اغراض ومطامع بتكون صافية القلب
الحياة اه ممكن تكون تعب ومشقة وعناء
بس الواحد المفروض يتعلم كل يوم عن اللى قبله وميقعش فى نفس الاخطاء
ويعرف يعامل الناس ازاى باخلاقه مش باخلاقهم
هكذا نتميز

The Manager said...

فعلا بنتعلم كتير قوي من الحياة ومفيش حد مننا اتعلم كل حاجة

بس فى حاجات هي الخلاصة
زي ما قلتى مثلا ان السعادة فى رضا الله

بس إللى بنعمله مش بيدل على كدة
ودي المصيبة للأسف

ربنا ينفعك بما علمك إن شاء الله


ومبروك عودة المدونة بعد التغيير

لسة جميلة قوي برضه :))

أجدع واحد في الشارع said...

هاى

اولا انا اول مرة اجى هنا وان شاء الله مش هتكون الاخيرة

ولسه المداس ياما هتعلم

بس اللى يفتح مخه

تحياتى

Anonymous said...

بوست يدرس صح وجميل قوى قوى والف شكر على الدرس ده

أبو أمك said...

علمتني الحياة
إني أغسل سناني وأشرب سجاير قبل النوم
هي البوستات القديمة للي كانت في المدونة راحت فين ؟ اتدلقت ولا إيه ؟

Incomplete said...

حمد الله على سلامتك ياقمرتي وحشااااااااني مووووووووت
ويارب اسمع عنك كل خير دايماً
بس ايه البوستات الجامدة دي يامزتي
هو الزواج بيجي على الواحد بالحكمة كده
:P

خمسة فضفضة said...

السلام عليكم ورحمة الله وبركاته

طبعا الحياه هي اكبر مدرسه علي وجه الارض و ياما خرجت عباقره

-------------------

كل سنة وانت طيبه يا رينا ، امال فين التدوينات القديمة
وكمان الشكل القديم
مش بحب الالوان الغام بحس انها مقبضه شويه



تحياتي

رينـــــــــــا said...

محمد مفيد
--------
اكيد وسبحان الله لاخر يوم فى العمر هنكتشف اننا تلامذة صغيرين
ربنا يكرمك على تشريفك ليا
===================================
فى القلب
-------
سبحان الله كلمه ما اشد قسوة الحياه دى فكرتنى ببيت للامام الشافعى بيقول

نعيب زماننا والعيـب فينـا وما لزماننا عيـب سوانـا
ونهجوا ذا الزمان بغير ذنبٍ
ولو نطق الزمان لنا هجانـا

صدقينى التجارب بتعلم الادب
نورتينى
===================================
كراكيب عادل
-----------
استاذ عادل منورنى ربنا يكرمك على تشريفك فعلا لكل واحد تجربه مختلفه بتعلم الاخرين اشياء مختلفه وهو دا التميز الاختلاف
===================================
مصراوى اوى
----------
وعليك السلام
جزاك الله خيرا ومبسوطه ان البوست عجبك
والحمد لله اننا اتفقنا فى حاجة :D
وتعليقك اضافلى اشكرك
ومبروك الخطوبه تانى

رينـــــــــــا said...

المعلقاتى
========
مش بس منهج للحياه فى الدنيا وانما هى منهج للاخرة
لما بتكون قريب من ربنا بتكسب دنيا واخرى
نورتنى
-----------------------------------
استاذ عصفورى
===========
استاذى نورتنى بجد ودايما يارب منورنى
وحضرتك اديتنى امل انى اكون حد كويس اوى زى حضرتك لاشتراكنا فى بعض الحاجات اللى اتعلمناها
تقول ايه بئا تماحيك :D:D:D
ربنا يجزيك الجنه
-----------------------------------
الطائر الحزين
============
صدقت اخى فى الله
جزاك الله خيرا
-----------------------------------
مهند
====
وعليك السلام الله يسلمك
الحمد لله بخير
يارب انت كمان
نورتنى

رينـــــــــــا said...

تامر نبيل
=========
ربنا يكرمك على ترحيبك بيا بينكم
وجزاك الله خيرا على الدعاء
نورتنى واضافت ليا بتعليق :)
نورتنى
-----------------------------------
ابو زياد الفاتح
===============
وانت بخير
وتقبل منك صالح الاعمال
ربنا يكرمك
ادعيلى نورتنى
-----------------------------------
امام الجيل
=========
اييييييييييوة انت جبت المفيد اننا نفتكر
بس عارف يا امام لما تجارب تعلم فيك اوى صدقنى مبتنساش ابدا
اكيد لازم الواحد يبدأ بنفسه
ليه فعلا ماكونش انا الحد الصالح دا
بجد تعليقك جميل
نورتنى ودايما منورنى اخى الكريم
-----------------------------------
the manager
==========
والا عمرنا هنتعلم كل حاجة
عندك حق
لا صدقنى مش دايما
ربنا يكرمك يارب
ربنا يبارك ليك وفيك
جميله بيكم

رينـــــــــــا said...

اجدع واحد فى الشارع
------------------
هاى ورحمه الله وبركاته
نورتنى وان شاء الله اتمنى منك زيارة دائمه
===================================
رئيس جمهوريه نفسى
----------------
ربنا يكرمك يارب اخى الكريم
وسعيده بزيارتك الاولى وان شاء الله مش الاخيرة
===================================
أبو امك
------
يــــــــــا انت اتعلمت كتير اوى
واعتقد ان دى اهم الحاجات اللى الواحد لازم يطلع بيها منالمدرسه دى

البوستات كالتها القطه
نورتنى ودايما منورنى
===================================
انكمبليت
--------
الله يسلمك يا احلى ايموووووووووووو
وانتى كمان يا قمر
مش كدا والنبى
واكتر من كدا والله يابنتى
قررى انتى بس وهتشوفى :P
===================================
خمسه فضفضه
---------
وعليكى السلام ورحمه الله وبركاته
وانتى بالف خير يارب
كله راااااح فى الهوا
طبعا الاول مبهج
بس عارفه الاسود دا بيدينى فرصه انى العب فى الوان الكتابه
وانا بحب اوىىى العب بالوان

نورتينى يا قمر

Rosa said...

الله عليلكي بجد
مش عارفه اقلك ايه غير جزاكي الله خير عن البوست الجميل دا
تحياتي و اعجابي الشديد

الخيط الرفيع said...

علمتني الحيرة

ألا أحتار وألا ابني مدن بلا أسوار وأن أعشق البناء ولو للفناء
وأن أختار وان لم يكن هناك مجال للاختيار

علمتني دموعي

ألا أطلق لها العنان وألا استسلم لأبواق النكد والانهيار وأن أحبس تلك الدموع مع الهموم ولا مانع أن اسمح لها بالنزول حينما تحكم الظروف أنيابها القاسية علي

تعلمت من اليأس
أنه وهم ووحش كبير يعرف جيدا كيف يصل إليك ويجيد استخدام أدواته لكنه وهو ألد الأعداء ضعيف جبان سرعان ما يزول حينما يقترب منه شعاع الأمل لأنه يخشاه يعلم انه قاتل جرئ مغوار شديد الفتك بالنسج العنكبوتي لوهم اليأس

علمتني لوعة خوفي

ألا أخاف وأن لا شئ يستحق الخوف إلا الله وكل مقدمات وأسباب الخوف أحاسيس كاذبة تقهرها قوة الثقة بالله وكلما زاد الخوف من الله ذاب الخوف من غيره وهذا للثقة التي تتولد من معرفة الله

التشبث بالحياة معني لا عجب أن يعرفه السعداء
ولكن العجب كل العجب أن يعيش به التعساء

الاستقرار النفسي ضيف قليل الزيارة عند العاطفين
دائم الإقامة عند العقلانيين

البشر عبارة عن كومه من التناقضات العجيبة الغريبة المريبة فكن علي حذر دائم من الحبيب والصديق قبل الغريب لأنه أعلم بنقاط ضعفك وقوتك

الطموح أرق بالليل وجد بالنهار وأول شرارة له تكمن في أحلام اليقظة الغير مقيدة

الحياة تستحق منا العناء وتنتظر منا المغامرة وتهدي إلينا العبر وتسبح بنا إلي شواطئ النسيان

عندما أغضب أحدهم بقصد أو بدون قصد فيغضب

ويترجم هذا الغضب بشكل مزعج أتذكرك فتدمع عيني خجلا من حلمك علي مخلوقتك الضعيفة


دا كلام يشبه كلامك
بس اللي علمتهولك الحياه تعليم لموجوع مالك ربنا يهون عليكي

ibn nasser - ابن ناصر said...

الله امتعتينا ببعض الكلمات الرائعه
تحياتي

Noony said...

كل سنة وانتي طيبة يا جميلة على رمضان والعيد و6 أكتوبر :)
اسفة انها متأخرة

من الحاجات اللي اتعلمتها وبحاول أخليها في بالي على طول

علمتنى الحياه
ان اتذكر بعد كل فرحه احزانى...حتى لا تسرقنى الفرحه

بجد مهمة أوي

ومازلنا نتعلم لأننا مازلنا نحيا

:)
نوني

ياسر مدني ...دينامو الإخوان said...

أنا فعا إتعلمت كل ده بس مش في الحياه
في الإســــــــــلام
أما عن الحياه فهي فعلا مدرسه وأنا لسه مختش منها كتير ده أنا21 سنه لسه
بس بصراحه إتعلمت منها الحب لإنه حاجه بصراحه بتتعاش مش بالتعلم
وخصوصا لو كان في الله
وجزاكم الله خيرا

Unknown said...

ان خير الاختيارات واصلحها اختيارت الله لك


صح جدااااا الجملة دى

طول عمرك جميلة وكلامك جميل .. بس ايه التغيرات دى وفين البوستات القديمة صحيح؟؟؟

البوست اللى فات تحفة بجد .. ربنا يديم عليكى نعمه يارب اللهم آمين

تحياتى وخالص حبى

سلام

الأستاذ said...

ولكم أود أن أبقى فيها ولا أغادرها ولكن ما أصعب موادها وموضوعاتها الرتيبة والجارحة
بخاف من دنيا قاسية بخاف أقاوم لأتكسر
عايشين في غابة واسعة والحب فيها بينتحر
تحياتي

الراقـــص مع الذئـــــاب said...

السلام عليكم ورحمة الله وبركاته
اختنا اللي بقالها كتير اوي غايبة عننا
ماشي يا عم رينا...هنسامحك المرة ديه

بس المرة اللي جاية لا يمكن ابدا


هكذا علمتني الحياة
درس جميل جدا للشيخ علي القرني

زكرني به موضوعك الجميل يا رينا

جزاكي الله خيرا يا اختي الكريمة علي الموضوع الجميل وعلي دروس الحياة

دمتي في خير

BaTresYa said...

علمتنا الحياة حاجات كتير ,,, وأهم حاجه علمتهالي ان اعيش اليوم ..:)

Unknown said...

الله ينور

ده والله الحياة مدرسة

واللي مربتهوش أمه تربيه الدنيا

الله يفتح عليك

صاحب البوابــة said...

علمتنى الحياه
ان اتذكر بعد كل فرحه احزانى...حتى لا تسرقنى الفرحه

------------

كلما تعلمت شيئا جديدا فى الحياه ...ادركت مدى جهلى وانى سأظل تلميذة فى تلك المدرسه الكبيرة ...مدرسه الحياه

-------------

كلمات من ذهب

تحياتي عزيزتي

رينـــــــــــا said...

روزا
====
ربنا يخليكى ياقمر يارب ويجزيكى خير ان شاء الله
نورتينى ودايما منورانى
----------------------------------
الخيط الرفيع
===========
الله بجد كلامك جميل اوى اوى ماشاء الله عليكى تسلم ايدك
صدقبنى اى حرف بيطلع منك لازم بتكونى يا حساه اوى يا مريتى بيه
وفى الحالتين هو بيكون طالع منك
نورتينى ودايما منورنى
-----------------------------------
ابن ناصر
========
ربنا يكرمك وونورتنى وان شاء الله تكون زيارتك دائمه
-----------------------------------
نونى
===
وانتى طيبه يا قمر
فعلا مهم جدا ان الفرحه مش تسرقنا لازم دايمت يكون فى كونترول
نورتينى يا قمر

رينـــــــــــا said...

ياسر مدني ...دينامو الإخوان
==========================
اخى الكريم سبحان الله واحنا اساس تعليمنا ايه غير الاسلام
هو اساسنا وهو مدرستنا الاساسيه
نورتنى وان شاء الله مش تكون المرة الاخيرة
-----------------------------------
انسانه
======
وحشتينى اوى والله يا جميله
فعلا دى اصح جمله فى الكلام دا كله وعن تجربه كمان
تسلميلى يا قمر انا جميله بيكوا
والله يا بنتى انا كنت قفلت البلوج وفتحته تانى فكله طار
ربنا يخليكى يارب
دايما منورانى
-----------------------------------
الأستاذ
======
ماشاء الله تسلم ايدك بجد
كلامك جميل
نورتنى
-----------------------------------

رينـــــــــــا said...

الراقص مع الذئاب
===============
وعليك السلام ورحمه الله وبركاته
اخى محمد ازيك يارب تكون با الف خير يارب
ومعلش لو انتوا مش استحملتونى مين هيستحملنى والله انتوا كلكم زى اخواتى وربنا اعلم
جزانا واياك اخى الكريم
ويارب دايما مشرفنى
----------------------------------
BaTresYa
========
هو كويس طبعا انك تعيش اليوم بيومه مورتنى
----------------------------------
mazlomen
========
ربنا يكرمك اخى الكريم
نورتنى
-----------------------------------
صاحب البوابه
-----------

اخى الكريم نورتنى والله وان شاء الله دايما منورنى
ولعلك بخير يارب ودائما بخير ان شاء الله

هوندا said...

السلام عليكم
جزاكم الله خيرررا يارينا كلام جمييييييييل جدا جدا
تسلم ايدك

سابرينا said...

ماشاء الله عليك
يارب يزيدك!!

 
© 2008 *By Templates para Você*