هذة هى حياتى....هذا هو دينى

انا عايزة اتكلم انهاردة فى موضوع لفت نظرى اوى فى رمضان فى التليفزيون وطبعا تحديدا على الفضائيات واكثر تحديدا على قنوات السعوديه و دبى
عبارة عن سلسلة اعلانات بعنوان هذة هى حياتى...هذا هو دينى وسلسه اعلانات دبى العطاء

انا هتكلم عن كل سلسة لوحدها

السلسله الاولى هى اعلانات هذة هى حياتى هذا هو دي

السلسه دى عبارة مجموعه اعلانات بتشجع الناس على فعل الخير فى رمضان بطريقه تشجيعيه جميله اوى وكمثال مثلا لا الحصر

شاب يرتدى ملابس عاديه كاى شاب نازل فى الاسانسير ويوجد حارس العقار نراه يذهب لمحل شراء ليشترى قميص فتعتقد انه يريد ان يشترى له ويختار احدى القمصان ولكنه بمقاس كبير جدا

ونراه فى مشهد اخر نازل فى الاسانسير يرتدى بدله ولكن لا يرتدى القميص فنجد ان من يرتديه هو حارس العقار ويسلم عليه ويقول رمضان كريم والحارس فرح جدا بالقميص
اعلان فى منتهى الجمال وبيفكرك بالناس دول وانك ممكن تسعدهم وتكسب ثواب فى الشهر الفضيل دا

اعلان اخر اتنين من الشباب وقت الافطار بينظروا من البلكونه ويروا رجل عجوز فقط يضع تمر وماء ويجلس الشباب على مائدة الطعام فى حاله حزن ولكنهم يقرروا ونرى انهم يأتوا به ليقوم بالافطار معهم على نفس المائدة وسط العائله

نموذج رائع ومحدش فكر ان ازاى ممكن يحس الغلبان دا وهو بيفطر وسط عيله واد ايه هو محروم من دا

سلسه اعلانات قويه جدا جدا وبتجدد الافكار الدعويه بحثت على النت علشان اعرف مين ممولها للاسف مفيش اى حاجة عنها خااااالص بس اعتقد ان مموليها رجال اعمال السعوديه
اد ايه جميل لما يكون فى اعلانات توضح اسلامنا وانه دين سلام وخير وحب مش دين ارهاب وتخريب وان شبابنا لسه فيهم الخير وبيساعدوا اخوانهم المسلمين والفقراء بجد شىء رائع وجميل جزاهم الله الف خير




السلسله التانية هى سلسه اعلانات دبى العطاء



ياترى مين ممولها يا رجاله

امممممم تخيلوا ان الممول هو سمو الشيخ محمد بن راشد آل مكتوم ...امممممممممم طيب ما علينا طبعا انتوا عارفين انه نائب رئيس دوله الامارات

مااااااعلينا

المهم الاعلانات دى عبارة عن مقارنه بين امرين فالاعلان ينص على انت تختار كوب من القهوة بى 20 درهم وبى 20 درهم وجبه طعام لى 14 طالب وهكذا انت تختار ادوات تجميل بى 500 درهم وبى 500 درهم دفع قسط مدرسى لطالب

هى حمله قام بها سمو الشيخ لمحو الاميه فى البلاد الناميه وكانت ماشاء الله فى وقتها بالظبط فى رمضان وهدف جميل وتلاقى مثلا ان دراهم انت بتشرب بيها قهوة ممكن تستغنى عنها بتدفع بيهم 14 وجبه لتلامذة طبعا ثواب كبير ورائع

كما الاعلانات اخراجها تحفه وتقنيه عاليه وغير ممله وبتجذب الانتباه جدا

والله كنت سعيدة اوى اوى بالاعلانات دى حسيت انه يااااا دا فى ناس بقت تهتم بالخير وبيصرفوا عليها وبيختاروا الاوقات الصح

حتى لو حساباتهم تجاريه فى جانب ايجابى بيتحقق افكار جديدة ابواب خير اكتر

دا سايت الحمله اللى نفسه يساعد وياخد فكرة عنها


طبعا لما اتفرجت على الاعلانات دى على اد ما اتبسطت جدا حزنت اوى اننا فين من كل دا

فين الاعلام المصرى احنا اعلانات بتكون عبارة عن رقص وعرى وتنطيط وبس حتى فى رمضان سبحان الله بيعلنوا عن الخيم الرمضانيه

تعالى قارن بين القنوات المصريه والفنوات دى طبعا انا مش بقول ان هما شيوخ واحنا مش عارف ايه اكيد مش للدرجه دى بس المفروض ان الاعلام المصرى يعيد حساباته على الاقل فى رمضان المفرووض ان كان لينا الريادة....... والغريييييييييييييييب ان اللى متولى الحمله

هو صاحب السمو نائب رئيس الدوله :(



على العموم هى سلسله اعلانات خيريه رائعه عجبتنى وحبيت اشاركم فيها وان شاء الله احنا كمان فى مصر نعمل زيها او على الاقل تتوحد الجهود والحملات دى لو اتعملت صح والله ان شاء الله مش هيكون فى فقراء فى البلاد لانها مؤثرة واكبر دليل ان رجال الاعمال بدوأ يشاركوا فيها


تحياتى


26 comments:

عصفور المدينة said...

يابنتي انتم عندكم في الكويت الخير كله والخيرين كلهم بصي حواليك حتشوفي نماذج عجيبة ربنا يبارك فيهم


href="http://www.khaironline.net/

mohand said...

السلام عليكم

اقولك الحق
حتي لو وراها منفعه شخصيه

علي الاقل النفع بتاعها بيعود برضه علي الفقراء في الاخر

رجال الخير في مصر موجودين بس مش بشكل معلن علي فكره

وفي طرق جميله برضه هنا وناس بتفكر وبتعمل
بس الجانب الاعلامي غايب
وطبعا انتي فاهمه ليه

تحياتي
وان شاء الله تكونوا بخير

خمسة فضفضة said...

السلام عليكم ورحمة الله وبركاته

ياريت الاعلام عندنا يتعلم ،وبدل اعلانات الشحاته والضرايب وحديد عز

يحاولوا يعملوا حاجات زي كده

شفتي كمان اعلانات الحث علي اداء الصلاة في موعدها لما بيبقي البنات قاعدين مع بعض ويقوموا علشان يصلوا ولا الولاد اللي بيلعبوا كوره ويوقفوا الماتش علشان يصلوا

واعلانات صلاتك هي شكرك اللي بتيجي علي اقرا ، وغيرها من الحاجات الهادفه

ربنا يغير الاحوال لاحسن ونشوف حاجات من دي كتير عندنا

تحياتي

يا مراكبي said...

إنتي جيبتس سيرة حاجتين أول ما بأسمعهم بيجيلي إرتفاع في ضغط الدم

أولهم كلمة الإعلام المصري .. قال إعلام مصري قال .. بلا خيبة

وتاني كلمة .. هي المقارنة اللي بتيجي في بالي أول ما تيجي سيرة الشيخ محمد بن راشد .. وخصوصا إني بحثت كتير في أسباب تقدم إمارة دبي ولفيت فيها كتير وبالتالي عندي إحباط غير عادي لما بأفتكر مصر

Soooo said...

ياساتر يارب
قصدك ايه يعني
ماحنا الاعلام بتاعنا زي الفل اهه
مش كل شويه يجيبو اعلان للشباب عشان يلحقو يتشعبطو في القطر ويرمو الشهادات اللي اهاليهم صرفو عليهم دم قلبهم عشان يعلموهم ؟؟
مش في اعلانات بتاعة مستشفى السرطان واللي من كلام ناس كتير فيها ان المهندسين الاستشارين لوحدهم واخدين فوق العشرين مليون لمجرد انهم يوافقو على الاشراف على الشغل ولما راحو ولقو جناح عباره عن دورين مش متشطبين زي ماتفقو مع المقاول راحو هادين الشغل والتكلفه كانت فوق الخمسه مليون جنيه مصري
مش في اعلانات بتاعة جيل المستقبل بقيادة الاخ الكبير جمال مبارك واللي فيها شوية شباب زي القمر كلهم مستوردين من لبنان ووشوشهم تفرح القلب الاعور الحزين .. مش زينا اشكال تقطع الخميره من البيره

انا مش فاهم بجد انتو عايزين ايه من الحكومه اكتر من كده يا ناس



والسلاموووووز ختامووووووووز

هوندا said...

السلام عليكم
ازيك يارينا ع فكرة سبقتينى بالتدوينة دى

لانها عجبتنى جدا والفكرة تحفة ربنا يسهل كده ونقدر نساهم

Unknown said...

عندك حق والله يارينا

اعلانات تجيب الضغط والصداع والميل للقيئ كمان بلا قرف

شوية رقص شوية حرقة دم شوية شحاتة بجد حاجة تقرف

اما الإعلانات التانية فبحمد ربنا انى عشت وشوفت الخير ده ... الحمد لله وجزاهم الله عنا خير الجزاء

Anonymous said...

اولا احيي الممولين ربنا يبارك فيهم ويارب تبقي كل الدعاية بالشكل ده

وأحييكي جدا جدا ان الموضوع لفت انتباهك لدرجة انك تدونيه

دا يدل ان الدعوة في ذهنك وكدة منخافش ع الكويت
:)

===========================

اقتراح في ضوء تدوينتك


ليه متبقاش كل حاجة في حياتنا نستغلها في الدعوة

يعني مثلا الاناشيد اللي ع المدونة وصور البروفايل ليه متبقاش بتخدم الدعوة

يعني مثلا صور عن الاقصي صور عن المقاطعة

صور تدعو للاحتشام والفضيلة

وكذلك الاناشيد زي اناشيد مشاري مثلا


عشان بس احنا كمان نطبق

مش يبقي بنتكلم وخلاص

عايزة نتخانق نتخانق مفيش مشاكل

:)

وتحيا مصر

oceaneyes said...

دى اول مرة ليا هنا بس بجد المدونة هنا اول ما دخلتها حسيت بجو اسرى حلو اوى ...

مش مجاملة والله بس بجد المناخ هنا حلو

...

ولو على موضوعك فأنا بجد سعيدة جدا ان لسة فى ناس طيبين ...

:)

...

a Dreamer with feet on the Floor said...

thx 4 this Subject ..as it affected me the way it did with U .. I am a university Lecturer ..so engaged with Our Social injustice and the lack of human level and life standerds and I have a suggestion that may help us without any cost upon the Government..
we as egyption have no hope any more that this king of government with its bussiness men will do any thing 4 the majority , so we can Help us..
we can develop the Idea of ( Mohamed Younes )who created ( The Poor Bank In Bengladish)...
we can Establish { we can say.....the Egyptions Bank} how...look
we R about 80 Millions///if each of us paid one Pound / a month..4 each one of his family...than means 80 millions monthely...in each year end we will have about 1 Milliard Pound..
this Bank will B run by a selected Personell who takes no Charges..
will establish big Projectes that the Country needs each year in different governorate..as we have great shortage in the 2 sectors ..Health and Education...we can start with them.

one year we can Establish ...a kidny Institue ..and Liver Hospital with a big Size,,,
second Yera we can Build more than 1000 school...3d year we can Enhance Universities and provide them with laps and libraries..and so On..
that will cost us no thing...what does 1 pound Monthely do...4 an individual ..it means no thing ...but 4 the Public when it will B collected ..it means medicine and Health care 4 millions who can not have these Rights..
and means Better Education and developed Levels with no Extra fees from The Poor Ones..

and remember that we pay unwillingly the cost of ( nazafa) Cleaning ..with the electricty each month without having a real serveses..... and with the Experiece that millirad a year can B douplled by accepting the ( zakah) and some will pay more than just that one pound and so ...
withen 10 yrears we will have big prjectes that serve all egyptions..coseted nearly no thing ..but the will 2 do a good thing 4 ourselves
I share U my Ideas..and hope that one day It will B fullfiled... 4 further suggestions...we can communicate
landofy@yahoo.com
landofy@hotmail.com
landofy@gmail.com

ذو النون المصري said...

ممكن طبعا ننفذ اعمال طيبه لو اردنا
الاراده و التخطيط هي ما ينقصنا فقط
تحياتي

•«ρяoιd»•™ said...

اعلام ايه بس

في بلدنا العربيه مفيش اعلام من اساسه

بس كويس انهم بيفكروا و الله

يا رب مصر تتعدي

تحياتي

Tamer Nabil Moussa said...

بداية جميلة وموفقة

شىء ايجابى بجد

تحياتى

ياسر سليم said...

السلام عليكم

كويس انى بعد الغيبه دى .. دخلت لقيت موضوع بعيد عن الفراق والهجر والاحزان والكلام اللى يوجع القلب ده

ربنا يكملك بعقلك :)

kaed said...

يااااااااااة واللة زمان يا رينا
الواحد بقالة كتير معلقش عندك علشان حضرتك كنتى قافلة المدونة
المهم
أنا شوفت شوية من الإعلانات دى وعجبتنى جدا
دمت على خير

مشروع انسان said...

ما شاء الله ربنا يكرمهم
فعلا جميل اوى لما يكون الاعلام بيبنى مش بيهدم
يا اما الواحد حلم انه يعمل اعلام
زى ده وفعلا يكون ممتع وجذاب
ربنا يكرمهم ويتقبل
وياريت القنوات الدينية برضه
تعمل حاجات جذابة كده
عشان تشد الناس العادية
وتعلم المتدينين
يرجعوا للمعاملات الدينية
مش بس العابدات
هلا بيكى

كراكيب عادل said...

البوست دة فعلا جميل وخلاني فكرت في حجات كتير

فعلا الدعوة حاليا لها طرق كتير مش بس طريق واحد

جزاك الله خير

علي الاقل احسن من الاعلام الهابط دة الي بيكون العكس تمام بيدعو للمنكر مش للخير

Noony said...

تصدقي عيب عليا
أن جيت قريت الموضوع دة من فترة وعجبني جداً...بس

نسيت أعلق
أسفة بجد...أديكي عرفتي السبب....يمكن شخصيتي التانية هي اللي نسيت..هملص ودانها :)

بجد بجد بجد...جزاكي الله خيراً على إنك دورتي على ممول الإعلانات...أنا بتفرج عليها وأنا منبهرة..بس مفكرتش إني أدور على مصدر لها
الإعلان اللي عيطت أول مرة شوفته وكان كل ما يجي قلبي بيتقطع...إعلان الشابين اللي أخدوا الرجل العجوز يفطر معاهم من سلسلة "هذه هي حياتي هذا هو ديني"...جزاكي الله خيراً كثيراً

رينا صاحبة الرؤية الثاقبة التي في محلها
:)
نوني

Anonymous said...

صورة البروفايل حاجه ايييييييه

يا سلااااااااااااام حاجة بجد يعني



























تقرف

حبة حاجات (ايمان) said...

فعلا كلامك حقيقى فعلا

واحييكى انك كتبتى عن الموضوع دا لانه بجد يستاهل
مدونتك جميله ويشرفنى انى اضيفها عندى بعد اذنك اكيد

رينـــــــــــا said...

استاذ عصفور
"""""""""""
والله فعلا هنا فى خير كتير وبشوفه فى الشارع كتير جدا
فتحت السايت وعجبنى جدا
جزاك الله خيرا
----------------------------------
مهند
""""
وعليك السلام
دا اللى انا بقوله فعلا والله يا مهند
حتى لو فى منفع شخصى ففى ناس كتير بتستفيد دا
وليه مش يكون معلن علشان يشجعوا الناس اللى ىحواليهم
ياريت يكون معلن
نورتنى
-----------------------------------
خمسه فضفضه
---------
وعليكى السلام
ياريت بجد انا نفسى فى كدا دا جدا
ربنا يصلح احوالنا اجمعين يارب
-----------------------------------
يامراكبى
""""""""
هو انا مقصدش الاعلام المصرى اللى هو التليفزيون المصرى انا بقصد الفضائيات المصريه
لان بيجى عليها فعلا اعلانات تشل حضرتك
انا كمان بيجيلى احباط
نورتنى

رينـــــــــــا said...

soooo
''''''
هو قصدى اللى انت فهمته بالظبط :D:D:D
مش كدا؟
انا بقول اننا جيبنا عليها اوى
نورتنى :D
----------------------------------
هوندا
""""
وعليكى السلام
الحمد لله يا قمر ...معلش انتى كمان اكتبى عنها اكيد فى جوانب تانيه ممكن تتكلمى فيها
نورتينى ا قمر
----------------------------------
انسانه
""""""
ضغط بس يابنتى دى بتجيب كل حاجة وحشه ممكن تقولى عليها
اللهم امين
نورتينى
----------------------------------
مصرواى اوى
""""""""""
جزاك الله خيرا
دعواتك
دايما افكارك بنائه
ربنا يجزيك خير
وجارى البحث فى الامر والبث فيه

رينـــــــــــا said...

oceaneyes
'''''''''
نورتينى لاول مرة وان شاء الله تكونى زائرة دائمه
ربنا يكرمك يارب انتوا فعلا كلكوا اهلى وربنا عالم
نورتيننى
-----------------------------------
ذو النون المصرى
""""""""""""""
فعلا انت قلت الصح اوى الارادة والتخطيط
نورتنى
----------------------------------
برويد
"""""
لا والله فيه اعلام عربى
بدليل الاعلانات دى يا برويد
دى اعلام عربى
بس مش مصرى
امين يارب نورتنى
----------------------------------
تامر نبيل
"""""""""
جزاك الله خيرا
نورتنى

رينـــــــــــا said...

ياسر سليم
"""""""""
وعليك السلام
مش كدا احسن بذمتك؟؟؟
امين واياك :D
نورتنى
___________________________________
kaed
-----
:D:D:D:D
نورتنى والله انا اسفه انى كنت قفلتها ان شاء الله مش هيتكرر تانى ابدا
فى امان الله
-----------------------------------
امام الجيل
""""""""
امين يارب
بالظبط يا مام هو اعلام بناء
دى سلسله ضخمه جدا وانا واثقه انها زى ما عجبتنى عجبت الملاين وكلهم بدأو يفكروا ينفذوا فعلا
امين يارب العالمين
بالظبط
احنا دينا مش عبادة بس
احنا دينا عبادة ومعاملات
نورتنى يا اخ محمد
----------------------------------
كراكيب عادل
""""""""""""
ربنا يكرمك
كتييييييير جدا بس اللى يدور فعلا ويفكر ويحب الدعوة اوى
جزانا واياك نورتنى

رينـــــــــــا said...

نونى
""""
معلش يا نونى جل من لا يسهو :D
جزانا واياكى يا قمر
فعلا الاعلان دا مؤثر جدااااااااااااااااا
حسسنى ان احسن الف مرة انه يفطر مع العيله
بدل احساس انه حد بيديله صدقه وياكله
ربنا يكرمك ياقمر
بعض ما عندكم :D
---------------------------------
مجهول
""""
من ذوقك واخلاقك العاليه :D
دايما منورنى بس سيب لسانك فى بيتكم الله يخليك
----------------------------------
حبه حاجات ايمان
___________-__
ربنا يكرمك ودا شرف ليا انا يا فندم نورتينى
وان شاء الله اشوفك دايما

Unknown said...

مشوفتش ايا من الاعلانات لأني متابعتش التلفزيون اصلا في رمضان بس جميل التوجه ده و ربنلا يجازيهم عنه كل الخيبر

 
© 2008 *By Templates para Você*