رفيق دربى


احيانا كثيرة اشعر بحنبن اليك ...بل دائما...

فلكم اشتاق الى ان اتحدث اليك الى ان اشكو ..وانت تنصت ..

ان اعلن عن تذمرى.. وانت تسمعنى دون تذمر ...تساعدنى على ان اخرج ما بنفسى من حزن

اتذكر كم اهملتك وتركتك فكنت اشكوا اليك حزنى..وابكى.. اقذف اليك بكلماتى وانت تحتضنها بسعه صدرك ..

وعندما انتهى ويتبدل حالى اتركك مهمل ولا استعيرك اهتمام لايام وشهور

اتذكر الان نظرتك الي تلومنى تقول لى الم أن لكى ان تلقين بالتحيه ان تعودى لى.. ان تتحدثى معى

فانظر اليك بسخريه من انت كى القى اليك التحيه ...فانا اتحدث اليك عندما اهوى فقط

كم كنت قاسيه عليك .كنت كاتم اسرارى الاول والاخير... فلم اخجل يوما من اخبارك بما اريد او افعل
بل كنت ازداد جرأة معك فلا اخجل او اخاف

فأنت الصدر الحنون الذى احتوانى ...نعم ...كنت تسكن معى بيتى وغرفتى

ولكنك ابدا لم تزعجنى يوما بل كنت انا من يزعجك

كنت اضعك بين ما هو قديم امتلكه

كنت دائما اتخلى عنك...وانت لم تتخلى عنى يوما

فلكم اشتاق لك اليوم ولكم اندم على هجرك

ليتك تسامحنى وتغفر لى ليتك تعود الى من جديد

فأن عدت فلن اهملك مرة اخرى مهما حدث

فانت تحمل بين طياتك ماضى بألمه وفرحه

انت من تؤنسنى فى وحدتى

انت من تهون على حزنى

انت من يشاركنى افراحى

لم ولن تكن فى ذاكرة النسيان

بل فى ذاكرة الحاضر والمستقبل

عود الى يا دفتر احزانى وافراحى

عود الى يا كتيبى الحبيب القديم الصديق

يارفيق دربى

20 comments:

Anonymous said...

بحجز بس اول تعليق عشان لو في جايزة


وبعدين ابقي اجي اعلق

:)

الطائر الحزين said...

توقعت انك تتحدثى لقلمك او كتابك

او اى من هذه الادوات

لى شوق انا الأخر للكتاب أمنيتى ان اقرأ مثلما كنت أقرأ فى السابق

حقق الله امنياتك و امنياتنا

كيف حال حضرتك

mohand said...

السلام عليكم

مهما بعدتي هترجعيله

ومش هرفضك اكيد

لانه للاسف لا يملك هذا الاختيار

بس موضوع بجد جميل

زحمة الدنيا وحشه قوي

Anonymous said...

نعلق بقي


فعلا موضوع ان الواحد يخرج اللي جواه لنفسه ويختفظ بيه شئ جميل جدا

هو فعلا صديق وفي وبيكتم الاسرار

والمدونة مش بنقدر نقول عليها كل اللي جوانا

اسلوب ادبي رائع

والمعني أروع

تحياتي وسلام الله عليك

عصفور المدينة said...

أنا ظننت في الأول أنه القلم

وبعدين قعدت أفكر في الأصدقاء اللي بيعملوا معايا نفس الحركة دي افتكرتك بتتكلمي عن أصدقاء بجد

وبعدين طلع المسطرة صح؟
:)

تحياتي لهذه الخاطرة الرائعة وخاصة مع بداية فصل الشتاء

رفقة عمر said...

ازيك رينا
واضح ان الغربه ماثره فيكى قوى
ربنا يهونها عليكى اللهم امين
تخيلى كلماتك حقيقيه وفعلا الواحد بيحط كل احزانه وافراحه على اوراقه
ساعات بقول لو مت و فتحوا اوراقى هاعمل ايه
عايزة اوصى حد قبل ما اموت يحرق كل الاوراق
بس مش عارفه ااتمن حد لانك بتكتبى فيها ك لحظات ضعفك وبتعبرى فيها عن اللى مش بتحبيه فى نفسك
يبقى الواحد شكله وحش قوى لو حد قرا اخواطر دى اه هاكون مت بس برضه هاحس باحراج شديد قوى

islam said...

رينا
السلام عليكم ورحمة الله وبركاته

ما أجمل ان يجد الإنسان من يسمع منه ، وما أجمل أن يخرج ما فى داخله فى لحظة صفاء مع نفسه

السلام عليكم

islam said...

رينا
السلام عليكم ورحمة الله وبركاته
أنت مدعوة لمشاركتنا فى مدونة الإتحاد العالمى للمدونين
World United Bloggers (WUB)

هدف هذه المدونة هى أن نثبت للعام من خلالها أن الإختلاف فى اللغة ، والدين ، والعرق ، والجنسية لا يعد دافعا لأن يكره بعضنا بعضا ، وأن بإمكاننا أن نجعل هذا العالم افضل لو اننا عبرنا عن أراءنا مع إحترام آراء الأخرين

فى حال موافقتك على المشاركة معنا رجاءا أرسلى ميلا يتضمن الإسم الحركى الخا بك (النيك نيم) ، وعمرك ، وإسم دولتك ، واللينك الخاص بمدونتك إلى هذا الميل know_how_2love@yahoo.com وسيتم إرسال رسالة التفعيل لك وبموجبها تصبح أحد اعضاء الإتحاد العالمى للمدونين (WUB) ، وكأحد المشاركين سيتم تحديث إسمك على المدونة بشكل ألى ، رجاءا إقرأ قواعد المشاركة والنشر فى الإتحاد قبل أن تبدأ فى التدوين .. وستجد هناك أهداف الإتحاد يمكنك قراءتها كذلك.

تحياتى لك
إسلام
وسيط الشرق الأوسط عن الإتحاد
www.worldub. blogspot. com

الخيط الرفيع said...

انا كمان كان عندي دفتر بقوا اتنين وتلاته واربعه
ضاع منهم ما ضاع وتبقي ما تبقي
بس فعلا لما الدنيا بتضيق والواحد ما بيحسش بحد
بيروح ليهم في الاخر بس اما اتعلم الدرس بقي بيروحلهم الاول علشان يريح اللي حواليه منه

مشروع انسان said...

امممممممممممم
مكنتش فاكر ان النهاية هتبقى كده
اتبهدل كتير اوى
طيب كويس لو سمع الكلام ده
هيسامحك وهيفرح جدا
الاعتراف بالحق فضيلة

فى القلب said...

يا رب يسمع النداء
و يلبيه

أرى الندم بصدق

هداء الله بالك

sara said...

رينا

يانهاااااااار..هو الاكتئاب وصل لحد عندكم انتو كمان

والله يابنتي داانا كنت بحسبها حاله عامه عندنا احنا بس

اللي فلتت كدا من الجو دا انكومبليت القرده بالبحر الازرق بتاعها

هاتي بوسه

أحمد العربي said...

علي راي ماجدة الرومي
كلمات ليست كالكلمات
....
سحابة رقيقة
انشودة نغم
لا بل
عبير الورد
تحياتي القلبية

Oma said...

w ba3din b2a fe elekt2ab elly e7tal kol elmadonat da....3la fekra 5atra gamda awi...w akid law ay 7ad sem3 elklam da w shafo haysam7k :) ... enty 2lbk abyad awi

oceaneyes said...

بجد ابدعتى فى الحديث المرة دى
...

وانا بقرأ الكلام الرائع ده بقيت عمالى افكر واقول ...يا ترى ايه هو الشىء اللى لما بنحتاجه بنلاقيه بيتقبلنا بانبساط شديد وسعة صدر ...وفى نفس الوقت بعد ما بننتهى منه بنرميه فى اى حتة

....

قبل ما اوصل للنهاية بفترة اتوقعت انه يكون رفيق الدرب هذا هو دفتر الخواطر

اغلى ما يملك المرء ....ما يخزن فيه احلى مشاعر ممكنة ...سواء مشاعر مفرحة او حزينة

....


بس عايزة اقولك حاجة ...احنا مش بنقدر نهمل الدفتر ده ...ده يمكن عندنا اغلى من نفسنا

....

وبجانب كدة مهما احتجتيه هاتلاقيه ...لو تايه منك دلوقتى فهاتلاقيه بعدين ...المهم انك تدورى كويس عليه ...وقصدى بأنك تدورى عليه ...مش انك تقلبى الغرفة بتاعتك يعنى عشان تلاقيه

لالالالالالالا

انا اقصد لما تلاقى اللى عايزة تقوليه ليه اكيد هاتلاقيه


....

تحياتى


:)

Unknown said...

والله هيجتي علينا المواجع

يااااااااااااااااااااه

فاكر لما كنا بنقرأ

زماااااااااااااااااااااااااان

الله ينور

محمد على ..هي كده said...

انا ممكن اهدى التدوينه لى لحد غير كتابى


بجد اهديها الى صديقى وحبيبى محمد خالد

بجد بوست جميل جدااااااااا

أُكتب بالرصاص said...

انا لفت نظري ان كل اللي علق فوقيا دول..
من الناس المحترمين واللي بأحبهم


يبقا اكيد المدونة دي مش عادية

خلينا نشوف ... ونعلق بعدين

تحياتي

Anonymous said...

السلام عليكم ازيك يا رينا

بالنسبة لكتب الامام حسن البنا

www.daawa-info.net

ع اليمين كتب للحركة.......حسب المؤلف

اختاري صفحة الامام حسن البنا دي كل الكتب اللي ألفها

شوفي بقي لو حاجة انتي عايزاها

رينـــــــــــا said...

السلام عليكم
بعتذر بشدة عن عدم ردى قبل ما انزل البوست الجديد
عندى حاله اكتئاب مستعصيه
بس ان شاء الله هرد عليكم فى اقرب فرصه

 
© 2008 *By Templates para Você*