يا هتجنن...يا هتجنن



دار بينى وبين احدى لاصدقاء نقاش مطول وكبير عن الحجاب ونظرة الدين للمرأة وان الدين مش كل فروعه جسم المرأة وان فى قضايا اكبر من كدا لازم نبحث فيها افضل من اننا نشوف جسم المرأة عورة والا لا!!
انا من فترة وانا عندى بلبله جامدة جدا فى دماغى من ناحيه الدين والحرام والحلال
دماغى عماله تشطح بقالها فترة ووصلت لدرجه ان تفكيرى قادنى الا ان احنا اتخلقنا ليه؟؟
اتخلقنا علشان نعبد ربنا
طيب تمام ...ليه الفتن اللى بتحاوطنا بالشكل دا...ولو ربنا احن علينا من امنا ازاى سايبنا للفتن دى
هتقولولى لا ربنا مش بيسيبك ربنا بيبعتلك رسايل والذكى اللى بياخد بالله منها
طيب وبفرض انى مش ذكيه او ان دى قدراتى العقليه او انى بتصرف بحسن نيه تماما
ربنا بيوريكى علمات ايه الحرام وايه الحلال
طيب لو كان كدا فعلا لو ليا عقل اصلا مش هعمل حاجة حرام اصلا
لا مهو مفيش حد مش بيغلط الانبياء بس هما المعصومين
طيب وليه اتحط فى كل الاختبارات دى من اساسه ليه اكون فى الصراع النفسى دا فين رحمه ربنا !!!
مش دا بس طبعا اللى توصلتلوا دماغى العبقريه
انا دماغى شاطحه لابعد من كدا بس مش عاوزة افتح اوى علشان محدش يتفتن هو كمان
من 3 سنين تقريبا
كنت بحلم برؤى كتيرة جدا وسبحان الله رؤيه منهم كانت سبب فى انى التزم بالحجاب
اخر حلم حلمته وبعد كدا الرؤى وقفت معايا تماما
كانت رؤيا فسرها ليا احد الشيوخ على النت انى هتعرض لفتنه قويه جدااااااااااا بس ربنا هينجينى!!
انا بقالى سنتين مفتونه ودماغى مش بتقف عن التفكير وسبحان الله على اد ما انى مكنتش واثقه اوى فى التفسير الا انه اتحقق
طبعا النقاش اللى دار بينى وبين اصحابى هزنى اكتر ما انا مهزوزة
فى حاجات جوايا بتعد ثوابت مكنتش بتتغير ابدا
بدأت اتهز فيها
والمشكله انى للاسف الشديد فقدت الثقه تمامااااااااا فى الشيوخ اللى موجودة
احنا منقسمين اوى دى شيوخ سلفيه او وهابيه
ودول اخوان
ودول صوفيه ووووو
احيانا بقعد اقول يا الله هو انا المفروض اسمع لمين واتبع مين
المفروض انك تتبعى كتاب الله وسنه الرسول
طيب انا اجتهد مثلا اقرا واجتهد لوحدى
لا طبعا مينفعش انك تجتهدى انتى مش اهل لكدا انتى محتاجه حد بفهمك ويعلمك
طيب مهو انا مش واثقه فى اى حد وخايفه خايفه بجد
انا كنت فى فترة مع الفكر السلفى بتعلم منهم وبتبع علمائهم
حسيت ان دماغى تجمدت وانى ببص للامور من وجهه نظر قرون مش نظرة حديثه
وان كمان كان عندى مشكله من وجهه نظرهم انى بحب استفسر عن كل حاجة ودا ليه ودا امتى طيب مهو ممكن يكون كذا كانوا بيقولولى بطلى جدال قولى سمعا وطاعه هو دا اسلامنا!!!
وانا كنت بحس انى كدا همشى وراى اى حاجة وخلاص لا انا مش كدا خااالص
هو مش عيب فى الفكر السلفى نفسه ولكن هو يمكن عيب فى علمائه او بيوصل لينا ازاى
اتجهت فترة للصوفيه وكنت بسمع من شيخ طريقه واتناقشت معاه كتير جدا حسيت انه هزنى زيادة لان كل كلمه اقولهاله يقولى دا كلام الوهابيه
دول غسلين دماغك
وكاد ان يقول لى انتى هالكه وداخله النار!!!!
رغم انى كل اللى ناقشته فيه ان التبرك باشيوخهم يعد شرك اصغر كلام كتير كدا ممكن اعمل عليه تدوينه لوحده
جيت للاخوان قرأت شويه عنهم وسمعت للشيخ القرضاوى وتعاملت مع اخوانيه حسيت انهم مسايرين العصر وانهم اقل جمودا من السلفيه بس لقيت نقد كتير ليهم جدا وعن البنا وكلام يقلق
طيب وبعدين!!!!
وعلى فكرة كمان انا كنت اعرف شيعه وكنت بسمع منهم بردوا
بس لقيت انهم شاطحين اوى لسب صحابه ودا انا واثقه مليون الميه انه حرام وانه مش هيودى اللى الله اعلم النار
حاسه انى فى بحـــــــــــــــــر واســـــــــــــــــــــــــــع وانا عماله اعوم وامشى كل شويه مع تيار على امل انى اوصل للشط ولكن الشط دا ملوش وجود انا فى الوسط وممكن اغرق
فى الاخــــــــر بئا انا قررت ايه ...قررت انى اصلى واصوم واقفل على نفسى قوقعتى مسمعش لحد والا اسأل حد ويمكن كمان معرفش حد اصلا
يا ما هتجنن لو سيبت نفسى او هلحد فى الاخر

36 comments:

Anonymous said...

جيت للاخوان قرأت شويه عنهم وسمعت للشيخ القرضاوى وتعاملت مع اخوانيه حسيت انهم مسايرين العصر وانهم اقل جمودا من السلفيه بس لقيت نقد كتير ليهم جدا وعن البنا وكلام يقلق
طيب وبعدين


حلو جدا يعني رايك عن الاخوان كويس جدا جدا اللهم الا شبهات


بالطبع لست جاهز للرد علي كل ما يقلقك تجاه الاخوان ولكن نحاول جميعا الوصول للحق

فياريت تطرحي علينا ما يقلقك تجاه الاخوان واهو كلنا نستفيد يا اما نثبت علي تلك الوسيلة التي اراها من وجهة نظري اصح واقرب الطرق الي نفع الاسلام وخدمته

يا اما نتجنن احنا كمان
:)



بالله عليكي اهدي واطمني وبلاش تحملي فكرك اكتر من طاقته

وبالراحة والله وواحدة واحدة

وبعدين احناكللللللللنا من اهل السنة والجماعة.

واحنا كلللللللنا من الفرقة الناجية

اقصد السلف والاخوان وانصار السنة والتبليغ


كلنا جوهرنا واحد وثوابتنا واحدة


في شريط حلو جدا للشيخ حسان اسمه الي غلاة التجريح كويس جدا لان ف اخره فتاوي اللجنة الدائمة لكبار مشايخ السعودية وسألوا فيها عن الاخوان ياريت تسمعيه من علي اسلام واي


وللحديث بقية بس بالله عليكي تفاءلي كدة وادعي ربنا من قلبك في قيام الليل


أحبك الله وجعلكي من اوليائه الصالحين

عصفور المدينة said...

السلام عليكم ورحمة الله
ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا ربنا ولا تحملنا مالا طاقة لنا به واعف عنا واغفر لنا وارحمنا أنت مولانافانصرنا على القوم الكافرين


ابنتي الفاضلة رينا الحالة التي تعانين منها ليس لها علاقة بإخوان ولا سلفيين ولاصوفية بل هي حالة وساوس يلجأ إليها الشيطان ليشغل بها المؤمن المحب للخير عن دينه

وقد تحدثت معك سابقا تقريبا في معظم النقاط المطروحة هنا فمش عارف اعيد الكلام

وقد أخبرتك من قبل أن هذه الجماعات هي جماعات دعوية للعمل للإسلام والإنسان يعمل في كل وقت ما يجب عليه وما يجد نفسه يخدم الدين فيه ويتعاون مع كل مسلم في ذلك

إن مسايرة العصر ليست هي غاية الخلق ولكن هي وسيلة للعمل للإسلام وفق مقتضيات العصر

ثم إنك لو شغلت نفسك بالطعون التي يطعنها بعض الناس في الأشخاص فلن يسلم منها أحد والشيخ حسن البنا رحمه الله ليس بذلك الشخص الهين الذي تسقطه الكلمات

فخلاصة قولي أن مشكلتك هي وساوس فكرية ومقياسها

عبارتي الشهيرة
:)

ينبغي أن نقيس كل هذه العلوم والأقوال والمناظرات بمقياس القرب من الله والطاعة وإصلاح دين الناس وألا تفقد هذه الوصلة بين العلم والعمل أبدا وإلا لو نظرنا وأصّلنا لمصالح العباد والفتاوى والأحكام و كانت القلوب خاوية فيا قلة الحيلة



أما الفكر والعقيدة فأمر آخر ويمكن تجزئته لمسائل والحق فيها عقيدة العجائز كما يقال



ادفعي يابنتي عن نفسك الوساوس الفكرية وحققي العبودية لله بالاستسلام لشريعته والرضا بشرعه كما الرضا بتدبيره وخلقه

واستعيني على ذلك بقراءة قل هو الله أحد والمعوذتين وليكن همك الطاعة أينما كانت بارك الله في ذهنك ولا تنشغلي بالمناظرات والجدل واتركيها لمن لا يتأثر قلبه بذلك

ولا تسمعي لكل مجادل وانشغلي بفعل الخير أينما كان

oceaneyes said...

ايه يا بنتى ؟

ايه التفكير ده ؟

يا رينا يا حبيبتى احنا عايشين فى زمن ماينفعش تاخدى فيه كلمة من حد ...احنا الزمن اللى احنا فيه ده كل من قال كلمة كدة ولا كدة تخص الدين بيقولوا عنه مفتى ...وكل من استشيخ (والمقصود هنا انه اطلق اللحية ولبس الجلباب )...بيقولوا عنه انه شيخ ولازم الاخذ بكلامه

....

لو هاتمشى ورا الكلام ده صدقينى هاتتعبى زيادة

....

دلوقتى احنا فى عندنا حاجات اساسية معروفة للكل ومش محتاجة كتر اسئلة وكلام فيها ...دى اكيد هاتعمليها زى ما الله سبحانه وتعالى ورسوله قالوا عنها

اما لو كان عندك اى استفسار او اى سؤال ...فعندك القران كمرجع اول ليكى عشان تعرفى ...وبعديه الاحاديث الشريفة ...ولو عايزة تاخدى بكلمة شيخ فممكن اوى تسألى شيخ موثوق فى مشيخته ...

....

ما تخليش الشيطان يلعب بيكى ويفضل يرميلك افكار تفكرى فيها وفى الاخر يجرالك حاجة لقدر الله بعد الشر طبعا

....


الحياة والدين الاسلامى حاجة بسيطة جدا مش مستهلة تعقيد

....

اتمنى تعرفى تطلعى قريب جدا من حالة الاكتئاب الشديدة اللى عندك دى

....

تحياتى ليكى

:)

mohand said...

السلام عليكم

مقدرش افيدك قوي

بس هقولك في الجزء الاول ان الانسان حمل الامانه

يبقي يستحمل

هتقولي دا كان الانسان الاول

هقولك كل الناس قبلت حمل الامانه

دا بالنسبة للجزء بتاع ربنا
--------------------
بالنسبة لاتباع طريقة بعينها

هو الرسول كان ايه؟


كوني كالنحلة تاخذ من كل زهرة رحيقها


ما داموا كلهم اهل سنة يبقي ان شاء الله ماشين صح

كونك مفهمتيش جزئية من دول يمكن هتفهميها من دول

والله المستعان

وطبعا قبل كلامي دا كله
كلام مصراوي وعصفور

قالوا الكتير

تحياتي

Anonymous said...

محمد..
لا اله الا الله..محمد رسول الله
شوفى يا بنت الناس اولا انا انقطعت عن التدوين من زمان بس قدر ربنا انى ابص بس النهاردة لقيت اللى انتى كاتباه ده..مختصر الكلام الحاله اللى انتى فيها دى ليها اكثر من تفسير
اما ان تكون هلوسات نفسيه...يعنى مطلوب فيها الحل الشرعى ولكن الاكثر منه الحل النفسى..بمعنى ان الموضوع انتى حطتيه فى بؤرة التركيز زيادة عن اللزوم فالبتالى كل يوم بيزيد وبينقلك على المرحله اللى بعدها وهتكون اخر مرحله عندك هيا اللامبالاة التامة لاى نوع من انواع العقائد لانها ارتبطت عندك بالالم فانصحك بالتزام حلول التثبيت الشرعية اللى أوصانا بها الرسول بالاضافة الى كشف نفسى عند اى متخصص او على الاقل تتعلمى شوية عن علم النفس وانصحك بمتابعة حلقات للدكتور (ابراهيم الفقى)...
او انها تسلسل طبيعى لمعاصى شديدة بتحصل فى حياتك اما بعلمك او من غير علمك (يعنى بجهل منك) وأنصحك انك تعملى فحص لحياتك او زى ما بيقولوا كدا (سكان) وبالذات على ملفات السيستم عندك اللى هيا العقيدة
او ممكن يكون بقى ربنا كرمك وانزل عليكى ابتلاء وفى الحاله دى طالب منكى الثبات والدعاء واللجوء الى الطرق الشرعية لرفع هذا الابتلاء عنكى
ولكنى ارجح ان كل هذه ما هى الا شطحات ظاهرية للعقل ولو قلتلك الاسباب هتنكريها بشدة
الشاهد فى الموضوع ان الوسواس القهرى هو مرض ولكن ما تتعرضين له الان هو اقل من ان يوصف بهذا الاسم..
شوفى يا بنتى احنا بعدنا عن ربنا بعيد ولما بعدنا بعدنا اكتر واكتر بس المشكله بقى الكبيرة ان احنا مبعدناش بقلوبنا وبس ولكن أقنعنا أنفسنا أن احنا قريبين, بل وقريبين قوى كمان((وهم يحسبون أنهم يحسنون صنعا)) ..وانتى فاهمانى أقصد ايه..
الموضوع سهل وبسيط..الحق أبلج والباطل لجلج..وانتى اتمنى انك تكونى على (فطرة) سليمة لان دا هيوديكى للطريق الصح
أنا حاولت أختصر جدا فى كلامى لان الرد على الموضوع دا يحتاج لكتب وليس صفحات
بس انتى ان شاء الله هتعرفى طريقك
وارجو انك تعيدى النظر فى موضوع ان السلفيه بيقولوك نفذى من غير جدال..لان لو كان كدا يبقى اهل السنة والجماعه دول عالم(*****) وانا اظن اهم ارقى من كدا
بل راجعى الاحكام الشرعية وانواعها .. وايه اللى نسأل فيه وايه اللى الافضل والاحسن والاكرم لينا اننا منسألش فيه ونطيع فقط هتلاقى الصواب
واخيرا اى جماعه باى اسم خدى منها بس اهم حاجه تكون عقيدتها سليمه
لا اله الا الله..محمد رسول الله

أبو أمك said...

كله إسلام بس فين هيه ؟
دورت كتير على الطريقة المثالية
مش طريق واحد..لأ أكتر من مية
سلفية...صوفية...ولا إخوانية ؟
اقفلي على نفسك..وغطيني وصوتي يا صفية

Unknown said...

على فكرة انتي زى الفل ولا هتتجنني ولا حاجة اعتبريه دور برد سخيف وهايعدي
صدقيني فعلا
ربنا يثبتك ويبصرك بالصح
لو مش يضايقك انا عاوزة الميل بتاعك ممكن؟
moonagah@gmail.com

Unknown said...
This comment has been removed by the author.
الطائر الحزين said...

استاذة رينا

ليس الذى مع فئة يكون دوما ضد الأخرى

يعنى ليس شرط ان يكون الفكر السلفى ضد الاخوان

الاول جزى الله باشمهندس عصفور خيرا على ردة


رسخى قواعد دينك فى قلبكةالتى لا تتحمل خلافات اما مساحة الخلاف فقد قتلها العلماء بحثا

استفت قلبك

انت بخير

ما علينا said...

مش لوحدك
مريتي بالحالة دي او بتمري بيها

بتقولي اتخلقنا ليه
وليه ربنا سايبنا كدا
وبتقولي انك شطحتى لما فوق ذلك

انا كمان
كانت تأتي على لحظات
يشطح بي عقلي لأسئلة قاتلة
وذلك كان يحدث

كلما خلوت الى نفسي
فمن يكون غيره هو

الشيطان الرجيم

فكان سلاحي دائما الاستعاذة
ومع اصراره
ازداد اصرارا وتكرارا للاستعاذة

وكما اشار الاستاذ الكريم
عصفور المدينة جزاه الله خيرا

سورة الاخلاص والمعوذتين


انه الشيطان
يحاول تقويض ايمانك
فلا تضعفي واستعيني بالقوي الجبار
واطلبي من الكريم الثبات

وكما تفضل اغلب الاخوة واشاروا

لا تشغلي بالك
باتباع فريق معين

نحن لدينا الاساس
القران والسنة

اما تلك الفرق
فطالما ان كلها من فرع واحد وهم اهل سنة

فالعقائد واحدة ان شاء الله

كوني فقط مع الله ورسوله

ولا تشغلي بالك بتلك الفرق
ولا تعطي تركيزك لاحد

طالما انك
تقومي على امور دينك

من اقامة للفرائض
ومعاملة الناس بالحسنى

الاسلام دين يسر
طالما انك لا تتعدي على حدود المولى عز وجل


ادعو الله ان يخفف عنك
ويثبتك

مشروع انسان said...

السلام عليكم
هى المشكلة طبعا فى هذه الوساوس
اللى حضرتك طرحتيها
اكيد طبعا حضرتك عارفة ان الدنيا دار اختبار لينا جميعا
سيئنا و صالحنا
واذا لقينا ان العصاة والفاسقين
مش بيعانوا من الابتلاءات
فده مش معناه ان ربنا راضى عنهم بالعكس ده معناه ان خلاص
استدراك والعياذ بالله
بس المؤمنين وعباد الله الصالحين بقى
هما اللى ربنا يبتليهم ويزود ليهم فى الابتلاءات بقدر ايمانهم
وكل ما ايمانهم يزيد ابتلاءاتهم تزيد
وده بيكون عقوبة للفاسقين والظالمين وبيبقى ابتلاء للمؤمنين
ونعرف ان احنا مؤمنين اذا لقينا ان الغالب على اعمالنا الخير
واننا ماشيين فى طريق ربنا بس ساعات بنقع وربنا رحيم بينا اوى
والا مكنش بعتلنا المصايب اللى تكفرلنا ذنوبنا
ومكنش بعت الابتلاءات اللى تفكرنا بيه
وتخلينا ندعوه انه يرفع البلاء عنا
ربنا بيحبنا اوى يحب يسمع صوتنا
يحب ان الواحد مننا يخرج من الدنيا وليس عليه خطيئه
ربنا عارف ان المحن فى الدنيا والمغريات كتير فعشان كده بيتلينا عشان نخرج من الدنيا وميلحقش العذاب بينا فى الاخرة
وما دام المغريات دى عدت على ناس قبلنا وناس بينا وعدوا بسلام
يبقى العيب مش فيها
العيب فينا احنا يعنى لو كل الناس سقطوا فى الاختبار ده كان ممكن حضرتك تفكرى كده بس طالما كتير عدوا
يبقى نفكر فى نفسنا احنا مش فى الله
اما بالنسبة للجماعات
فالمهم حضرتك تشوفى الاقرب
لاتباع السنة مش لازم حتى تبقى مع فكر معين المهم بس الكلام ده موافق للسنة
يعنى حضرتك ممكن تنوعى
وتاخدى من كل فكر اجمل ما فيه
مش اسهل ما فيه
وربنا يوفقك
ويثبتك
ويهدينا جميعا

رفقة عمر said...

ازيك رينا ربنا يفرج كربك يارب اللهم امين وينور بصيرتك وينزل السكينه على قلبك اللهم امين يارب العالمين
طبعا التعليقات اللى قبلى قالوا كلام جميل كنت نفسى ااقوله
بس ممكن ااقولك انا فى اول مرحله لا لتزامى كنت فعلا هاتجنن وكنت بجد نفسى اموت من كتر الافكار السيئه فى دماغى وخوفى من عقاب ربى
المهم سالت داعيه احسبها على خير قالت ليا دة من علامات الايمان
لا تقلقى الشيطان مش عارف يتغلب عليكى فى العبادات ويبعدك عنها فبيدخل عليكى بالوسوسه
حتى الصحابه اشتكو ذلك الى الرسول صلى الله عليه وسلم قال صلى الله عليه وسلم هذا من علامات الايمان
اولا لازم توقفى التفكير فى امور مش ينفع فيها تفكير
مثلا كيفيه استواء الله على العرش والقدر وغيريها من الامور الغيبيه التى لا نعلم عنها شئ
وحاولى تشغلى وقتك اكتر
وتكون لكى صحبه
ياستى لو بتتدخلى الماسنجر ادخلى واحنا كلنا نكلمك ونشغلك شويه عن التفكير
وبخصوص من من الشيوخ تاخدى منهم
الرسول قال استفتى قلبك ولو افتوك ولو افتوك
وااتى من الامور الشرعيه ما تستطعين لا تحملى نفسك فوق طاقتها
لن ييخلد فى النار من قال لا اله الا الله
يعنى حتى العاصين هايدخلوا لجنه بس بعد لتمحيص لان لا يدخل الجنه الا كل طيبا
فالابتلاءات فى الدنيا مرحله من التمحيص
والسكرات مرحله من التمحيص
والقبر ايضا
والنار مرحله من تحميص حتى يبقى نقى تماما من الذنوب
الحل انك توقفى التفكير فورا واستعيذى بالله من الشيطان الرجيم
انا كيدالشيطان كان ضعيفا
اسال الله لك الثبيت اللهم امين يارب العالمين

Anonymous said...

مش هتقدري تقفلي علي نفسك

ومش هتلحدي

ومش هتتجنني

من كتاباتك وتعليقاتك أؤكد لكي انك انسانة ايجابية وقلبك مؤمن بدرجة قدير جدا جدا وانك هتتحركي بالدعوة

أحسبك كذلك ولا أزكي احدا علي الله

واللي انتي فيه ده مقدمة لصحوة ايمانية شديدة هوا دا حال المؤمن لما بيحاول يوصل للحق بيتعب شوية



مع تحيات

الأسد

روح said...

الم احسب الناس ان يتركوا ان يقولوا امنا وهم لا يفتنون ؟؟؟
=============

ومش هقولك غير انك لو دورتي هتعرفي
منين وازاي هتتلقي العلم الشرعي
اللي انتي محتاجاة واللي من خلالة
هتتعلمي دبنك صح واللي فيما بعد
هتوصلية لولادك ان شاء الله
الامر بسيط وعلماءنا اوضح من قرص الشمس
وياريت تشيلي من دماغك التحزبات
المهم الفكر مش المسميات
ومتنسيش الا ان سلعة الله غالية
الا ان سلعة الله الجنة
والله المستعاااااااااان

كل اللي عليكي
من صلت خمسها وصامت شهرها
واطاعت زوجها دخلت الجنة من اي ابواب شاءت او كما قال
وان شاء الله اجيبلك نص الحديث

سندباد said...

كتاب الله وسنة محمد صلي الله عليه وسلم وسنة الخلفاء الراشدين
وما بعد ذلك مصالح شخصية وسياسات
مادية
تحياتي

WiLdBiRd said...

انا رأى المتواضع

انك تريحى بالك

استفتى قلبك ولو افتوك الناس

وانتى بنفسك عرفتى اية اللى مش صح او مش عجبك فى كل طريقة او جماعة

اى حاجة تقريها لشيخ
او فتوى او حاجة فى دينك

عديها على قلبك وعقلك

شوفيها هيقبلها ولا لا

وما كلها الا اجتهادات منهم

يبقى عندنا القرآن والسنة
واتبعى قلبك وعقلك وفطرتك السليمة فى اتباع دينك

اكيد ان شاء الله هتوصلى

MKSARAT - SAYED SAAD said...

العزيزة رينا
اول مرة ازور مدونتك الجميلة
اعجبت بالفكرة المكتوبة وفي اخرها وجدتك قررتى العزلة بسبب التداخلات المرعبة في ثقاتنا وديننا
عزيزتى قال رسول الله تركت فيهكم شيئين لو اتبعتموهم لن تضلو من بعدي ابدا
كتاب الله وسنتى
تمسكي بكتاب الله والسنة لا تنغلقى على نفسك اجعلى لنفسك دور في تغير الفكر الخطأ بلباقة الاسلام والمؤمن الصح او على الاقل قليلي من حدة ما نتعرض له في كل مكان من تدمير لمبادئنا وشريعتنا وقيمنا اخرجى من القوقعة لا تستسلمي فمعني استسلامك انهم نجحوا في جعل مسلم يتنحي عن واجبة
ابدا باسم الله الرحمن الرحيم
وربنا يوفقك
عاوز اشوف البوست الجاي يكون فيه نظرة اجميل
تحياتي

Rosa said...

ربنا يثبت قلبك يا رب

زُمُرده said...

السلام عليكم
ربنا يثبتك ويصبرك وينور بصيرتك

***استفتي قلبك***

يعني دلوقتي اصبحت المصالح الشخصيه بتتدخل في فتاوى الشيوخ وغيرهم
الرسول عليه الصلاه والسلام قالك ايه؟
قال:تركت لكم ما ان تمسكتم به لن تضلو بعدي ابدا
كتاب الله وسنتي

وعليكي بيهم واستعيذي كثيييييييرا
واستفتي قلبك في كل امر

Anonymous said...

my mood-bad mood

nooooooooooooooo

we dont want that

u must be strong

just try 2 do ur best and pray 2 allah

but not 2 be like this

i hope that u will b in a very good mood in the next post


if u still in ur bad mood,we all will be sad

Rosa said...

رينا انا طول الليل بفكر في موضوعك دا
اتوصلت لحل بسيطقوي في اديك يا رينا
ليه مصممه تحصري نفسك في جماعه او مذهب
بالعكس دا ربنا كمان في ايه فيما معناه ان ربنا مابيحبش التفرق في احزاب و جماعات
يعني خليكي مسلمه بتتبع الكتاب و السنه و بس
مش محتاجه لا لفكر وهابي ولا سلفي و لا اخونجي
محتاجه بس لفطرتك الي ربنا خلقك عليها
و محتاجه لكتاب ربنا تقريه و تقري تفسيره من حد كل الناس مجمعه عليه
تفسير ميسر و بسيط من غير تعقيد
اما عن الاحكام فربنا عمل اختلاف في المذاهب رحمه بينا هتعرفي حكم كل حاجه وتاخدي الايسر و الي قلبك مطمئن ليه وخلاص زي ما سيدنا محمد كان بيعمل بالظبط
غير كدا ماتوجعيش دماغك وماتشتتيش ذهنك
و افتكري دايما ان ربنا رحيم وانه خلانا امه وسط
لا بتتشدد ولا متسيبه
------------
اتبعي فطرتك
اتبعي فطرتك
فقط لا غير
و ربنا يحميكي و يقوكي يا رب و يلهمك الصواب

خمسة فضفضة said...

السلام عليكم ورحمة الله وبركاته

ازيك يا رينا اخبارك ايه

اعتقد ان كل الناس المحترمه اللي قبلي دول قالوا ما فيه الكفايه ومش لاقيه كلام اقوله اكتر من كده
بس هادعيلك ان ربنا يثبتك ويتبتنا اجمعين ويهدينا الي مافيه الصواب

تحياتي

اسلام رفاعى said...

فى البداية سعيد بزيارة مدونتك ودى مش المرة الاولى
ومليش غير تعليق واحد
رحم الله من قدم الفهم على الاخلاص

رفقة عمر said...

رينا طمنينا عليكى اخبارك ايه

انا من اهوى ومن اهوى انا said...

رينا:

اختى العزيزة رينا والله زمان

حزين جدا علشانك لانى اعرف انك دايما مؤمنه ودا كان واضح كل الوضوح فى كلامك اية اللى حصل .؟

ماتسيبيش نفسك للوساوس الشيطانية دى لا وهابى ولا سلفى خليكى مع ربنا واتبعى سنه رسولنا السنه الجميلة السهلة الخالية من اى عيب او صعوبة او تشدد خليكى مع اللى خلقك مش مع اى انسان بعد كدة امشى ورا روحك لانها هاتعلى وتعلى وتروح للى فطرها وخلقها امشى بفطرتك لان الفطرة الاسلام
اقرأى القرأن وتدبرى وابكى وادعى
بس ياريت متنسيش تدعيلنا

هتلاقى كل اللى بتحسى بية دة وهم بس جربى

اخوكى محمد فوزى

تحياتى وأسف على غيابى عن تعليقى عندك

Anonymous said...

رينا
اولا الى انتى فيه ده مش جنون لانى التدبر والفكر امرنا بيهم بصحيح الكلمات فى القران الكريم وبالفاظ صريحه
وعلى سبيل المثال لا الحصر
((ألا ينظرون .. ألا يتفكرون .. ألا يعقلون..)
ثانيا مقياس الحلال والحرام مقياس داخلى موجود فى نفس كل واحد فينا مصدقا لقول الرسول عليه الصلاه والسلام
عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم
ومن كلامك وتفكيرك ده وبحثك عن الحقيقه انتى قلبك نضيف مش غافله
نصيحه وبجد دورى على كتاب رحلتى من الشك للايمان وكتاب حوار مع صديق ملحد للدكتور مصطفى محمود
حيبين ليكى كيف توصل لاجابات كتير لاسئله كانت اكتر من الى بتدور فى دماغك وشاغله تفكيرك
وربنا يهديكى الى الى فيه صالحك ان شاء الله

Anonymous said...

أختى الحبيبة رينا
حقيقة أتمنى الحديث معك مباشرة شعرت بما يدور بك وبمدى التشتت والحيرة التى انتى فيها

ولكن أختى استعينى بالله واستعيذى به وتوكلى عليه
وعليك أختى بالدعاء
فها أنا سوف أدعوا لى ولك ولكل المسلمين
اللهم أرنا الحق حقاً وارزقنا اتباعه وأرنا الباطل باطل وارزقنا اجتنابه
واللهم يا مقلب القلوب ثبت قلوبنا على دينك

عندما قراءت تدوينك تألمت لحالك كثيراً وتحدثت مع أبى فطلب منى أن أكتب له تعليقه على ما كتبتيه أختى فأرجوا أن تتقبليه منا وأن يكون عونا لكِ فى الخروج من هذه الحيرة التى سببها لك شيطان رجيم


وكان هذا كلامه

أختى فى الله هونى على نفسك فالأمر أهون بكثير مما حملتيه

بالنسبة لكلامك عن السلفيين أو الوهابيين وكلاهما أسمان لمسمى واحد فليس الأمر كما تفهمين أنهم يرفضون كل جديد على الإطلاق إنما هم يرفضون ما هو جديد فى الدين فقط
فإنك ترينهم يركبون السيارات ويستخدمون الانترنت ويلبسون كما يلبس الناس فى ما لم يكن فيه تحريم أما رفضهم للجديد أو عدم مسايرتهم للعصر فهذا فى مجال العقيدة والعبادة فقط فهم فى ذلك على ما كان عليه النبى صلى الله عليه وسلم وأصحابه الكرام وهم سلف الأمة الصالح رضوان الله عليهم

أما قولك عدم مسايرتهم للعصر فهل ترين أنه من مسايرة العصر أن يتركوا النساء يلبسن كما ترين فى الشوارع أو يتركوا الشباب يقلدون الكفار فى ملبسهم وعادتهم دون انكار فهذا ليس دين

أما مسألة رفضهم المناقشة والقول بالسمع والطاعة فهذا كلام ليس على إطلاقه وإنما تصويب ذلك أنه إذا ثبت الدليل من الكتاب والسنة أو فعل سلف الأمة رضوان الله عليهم فإنما علينا السمع والطاعة وليس لنا الحق فى الإجتهاد بعد ثبوت الدليل لأننا لسنا أعلم من النبى صلى الله عليه وسلم وأصحابه .. والمناقشة مقبولة عندهم إذا كان الطرف الثانى يناقش من منبع الكتاب والسنة يعنى بعلم وليس بعقل ومعنى ذلك

أن الإنسان أمامه دين هذا الدين جملة من العقائد وجملة من الآداب والأحكام وليس مطلوب من العالم أن يبين العلة من كل حكم أو أدب إنما عليه أن يبين الدليل عليه من الكتاب والسنة فإذا علمت الحكمة العقلية منه فبها ونعمة وإن لم تعلم فعلينا السمع والطاعة

لأننا فى زماننا هذا قد علمنا الحكمة من أحكام كثيرة فى الشرع لم تعلمها القرون السابقة لتطور العلم وأساليبه و أدواته فهل معنى ذلك أنه كان ينبغى على القرون السابقة تعطيل الأحكام لحين العلم بالحكمة منها فهذا كلا غير معقول وكذلك نحن اليوم نعلم أحكام شرعية ولا نعلم الحكمة منها وسيعلمها القرون القادمة إن شاء الله فهل يسوغ ذلك لنا أن نعطل الأحكام لحين معرفة الحكمة أو العلة ؟؟ بالطبع لا

وهنا نقول عند الذى يسأل عن الحكمة من أمر شرعى لا نعلم الحكمة منه نقول له قل سمعنا وأطعنا

فالإلتزام بالأحكام ليس مشروط بالعلم بالحكمة منها إنما أمرنا ربنا لينظر أنسمع ونطيع أم غير ذلك

أما بالنسبة لكلامك عن الفتن والإبتلاءات لماذا هى إذا كان ربنا أرحم بنا من أمهاتنا فإن هذا الأمر مبناه اليقين بأن الله تبارك وتعالى لا يفعل شئ إلا بالحكمة المطلقة فهو لا يسأل عما يفعل وهم يسئلون

وقد اقتضت حكمة الله أن يكون خلق الخبيث أكثر من خلق الطيب وهذه من الأمور التى مرجع الحكمة فيها إلا الله وحده
{وَمَا أَكْثَرُ النَّاسِ وَلَوْ حَرَصْتَ بِمُؤْمِنِينَ}
{وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ}
{وَقَلِيلٌ مِّنْ عِبَادِيَ الشَّكُورُ}
ولكن ينبغى على المؤمن أن يعتقد جازماً بأن الله لا يظلم مثقال ذرة وأن الله له صفات الكمال المطلق كلها وأن الله هو الملك الذى لا يسأل عما يفعل وليس لغيره هذه الخصوصية

فينبغى التسليم لله فى قضائه وقدره من غير سؤال يوهم الإعتراض على فعل الله لأنه ليس من المعقول أن يكون المخلوق أعلم من الخالق
وأن هناك أمور كثيرة قد قضاها الله لا يعلم أحد على الإطلاق ما الحكمة منها فنحن أمام ذلك نقول بالتسليم لحكم الله تعالى مثل أن الله هدى عمر بن الخطاب ولم يهدى عمرو بن هشام أبو جهل

فلا يستطيع أحد أن يسأل لماذا لأن هذا اختصاص الملك سبحانه {أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ}

فالذى عليك أمام الابتلاء هو الرضا بحكم الله والتسليم لأمر الله والصبر على قضاء الله بذلك تكونى قد حققتى العبودية لله وهذا هو الذى خلقك الله من أجله
{وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ}

وإذا لم يكن هناك بلاء فلا شك أنه سيسارع إلى الدين الخبيث والطيب والجنة طيبة لا يدخلها خبيث

أما بالنسبة لكلامك عن وساوس الشيطان وما يفعله بفكرك وتفكيرك فإن الله بفضله ورحمته قد علمنا فى القرآن كيفية الخلاص منه وهى فى قوله تعالى {وَإِمَّا يَنزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ هُوَ السَّمِيعُ الْعَلِيمُ}

فتعوذى بالله بتضرع وخشوع وتذلل لرب العالمين فإنه بفضله ورحمته يصرفه عنك وهناك دعاء قد علمنا النبى صلى الله عليه أن نقوله إذا كان الوسواس متعلق بذات الله أو أفعال الله تبارك وتعالى وهو

أن تتفلى على يسارك ثلاثاً وتقولى بعد التعوذ من الشيطان الرجيم آمنت بالله ورسله

فإن الله برحمته يصرفه عنك

هذا ما أردت ان انصح به أختى فى الله وأسال الله العظيم رب العرش العظيم أن يهدينا وإياك سبيل النجاة وإن كان عندك شبهة أخرى فاكتبى ما تشائى نرد عليك بإذن الله وحوله وقوته

Anonymous said...

الأســـــــــد


اين انت يا اخت رينا

ربنا يثبتك ويهديكي صراطه المستقيم

رينـــــــــــا said...

السلام عليكم ورحمه الله وبركاته
بجد انا مش عارفه اقولكم ايه او ارد ازاى اهتمامكم ومساندتكم ليا اثرت فيا جدا جدا
حسيت اد ايه احلى احساس فى الدنيا ان حد يهتم بيك ويخاف عليك ويقويك رغم انه ميعرفكش
مجرد انك فى محنه الف ايد وايد لو بتقع هتلحقك
عرفت يعنى ايه بجد اخوة فى الله
بجد جزااااااااااااكم الله الف الف الف خير على كل حرف كتبتوه ليا
لانه بجد فرق معايا جدا جدا
احيانا الانسان بيحتاج انه يحس انه مش لوحده وان ناس كتير حواليه طيبين وكويسين وفكرهم مقارب لفكرك عايشين معاك
ناس احسبهم على خير تماما
وانا والله فزت بجد بيكم وبمعرفتكم وبتعاليقاتكم
ربنا يجزيكم الف الف خير
وانا مش هقدر اوفيكم حقكم ابدا والله
بس هدعيلكم بظهر الغيب لعل يستجاب لى
دائما وابدا لن انسى الدعاء لكل واحد فيكم
ربنا يكرمكم ويجعله فى ميزان حساناتكم

رفقة عمر said...

الحمد لله رينا انك بخير
سعدت بردك
ربنا يثبتك ويرزقك نفسا مطمئنه
اللهم امين يارب العالمين

mohand said...

السلام عليكم

الف حمدلله علي السلامة

ان شاء الله تكوني افضل دلوقتي

تحياتي

Unknown said...

كتبت تعليق وطار يلا مش مشكلة
كل اللي هايدخل ويشوف ردك هايفرح انك رديتي
كلنا كنا قلقانين عليكي
شفتي الأخوة في الله جميلة ازاي دي نقطة في بحر من مميزات ديننا
استمتعي بيها وانعمي بدينك واسلامك
ربنا يثبتنا واياكي

عصفور المدينة said...

ممكن بقى تغيري عنوان البوست

يا هتجن يا هتعلقوا وتقفوا جنبي

حمدا لله على سلامة عقلك

رينـــــــــــا said...

رفقه عمر
--------
ربنا يخليكى ليا يارب يا رفقه
ربنا يكرمك على مشارعك الصادقه دى
ويجعله فى ميزان حساناتك
-----------------------------------
مهند
-----
وعليك السلام
الله يسلمك ويبارك فيك
الحمد لله بخير دايما طالما بتدعولى
ربنا يسعدك
----------------------------------
مناجاة
------
سعدت جدا بمتابعتك واهتمامك
ربنا يبارك فيكى يارب
انا اسعد والله بيكم كلـــــكم
ربنا يبارك فيكى ويثبتك ن شاء الله
جزاكى الله الف خير
----------------------------------
استاذى الفاضل عصفور المدينه
--------------------------
ربنا يبارك فيك ويسلمك يارب
واالله انا خجله جدا من حضرتك لانى مش بتابع مدونت حضرتك
بس والله غصب عنى جدا
ربنا يبارك فيك
انا غيرت ونزلت بوست جديد خالص :D

Rosa said...

حمد الله على سلامتك حبيبتي
و ربنا دايما يثبتك على كل ما يرضيه
:)

يا مراكبي said...

ولا تقفلي على نفسك ولا تهربي ولا حاجة .. تواجهي كل ده واحدة واحدة وربنا هيثبتك إن شاء الله

سبحانه وتعالى أعلم بنا منا .. وهو أعلم بكل اللي جه على بالك هنا ده .. وهو غفور رحيم أولا وأخيرا

 
© 2008 *By Templates para Você*