حبات الماس


تتساقط حبات المطر على نافذتى

فتطرقها كعادتها

فاشعر بها وأراها تلمع كحبات الماس

فأنهض من فراشى مسرعه

افتح لها نافذتى

استنشقها اتركها تداعب يدى

فاشعر بحنينها وتشعر بلهفتى

كم اعشق تلك القطرات وانتظرها

ارتدى ملابسى فى لهفه

اتجه الى الطرقات

اركض واركض فتزداد هى زخاتها

تحتضنى واحتضنها

اجدها تزيل عنى ذكرياتى القديمه بكل مر فيها

تجدد الأمال فى قلبى

تعود ذكرياتى الجميله

فاتذكر اغنيات الطفوله

عند هطول المطر

يا مطرة رخى رخى

على قرعه بنت اختى

الدنيا برد الدنيا برد

وعم خليل بيشم الورد

اجدنى ارددها بصوت عالى

يدوى فى الطرقات الخاليه

فقط صوتى وصوتها

انا اغنى وهى تعزف

اتراقص فى الطرقات

اشتم رائحه الطين الممزوج بانفاس الريح

أدور وأدور فتدور معى الدنيا

اتمنى الا تتوقف

حتى اتلذذ بأخر حبة ماس تداعب وجه طفولتى

فأشعر بالحريه والسعادة

36 comments:

مـحـمـد مـفـيـد said...

اتمني الا تتوقف
:)

sara said...

علي قرعة بنت اختك ياكداااااابه ..مالكيش اخوات غيري ..وانا ولادي التلاته بشعر ..بنت اختك مين بقي


فاكرة ياميرو لما كنا بنقف في البلكونه وقت المطر ونقول نفسنا ننزل دلوقتي :(((

وحشتيني اوي بجد

Anonymous said...

كلماتك هى الماس
وأحاسيسك أغلى من الماس



أسعدك الله فى الدنيا والآخرة

عصفور المدينة said...

ههه
جميلة يا بنتي والله رائعة وطفولية جدا

الطائر الحزين said...

احب المطر بدرجة غير عادية

واسير تحته حتى ينظر الناس على جنبات الطريق ويقولون ما هذا المجنون

sara said...

بت ياميرووو

سؤال بس معلش.. الا وانتي ماشيه تقولي يامطرة رخي رخي ..كان ايه الكومنت بتاع هادي ..يعني مثلا مثلا مابقاش ماشي في الشارع يقول للناس معلش مراتي مجنونه وعندها عقدة العودة الي الطفوله .. او قالك مثلا مثلا ..عايز فلوسي اللي دفعتها في الجوازة دي ..ضحكوا عليا وجوزوني واحده مجنونه

اصل يا اختي الموضوع دا شاغلني جدا ..وعايزة اعرف التعليقات دي مجوده عندكم في الكويت عادي ..ولا عندنا هنا بس :)))))))

Anonymous said...

دا اللي احنا كنا خايفين منه

حاولنا البوست اللي فات نعمل حاجة بس للاسف

معرفناش يا هتجنن يا هتجنن

يا خسارة

:)

:)

همسة قلم said...

:)

خاطرة رائعة يارينا ..

بحب جدا امشي تحت المطر حتى لو غرقتني

بحس بانتعاش وهي بتخبط في وشي وارفع ايدي للسما ادعي في وسط ما الحبات الماسية عمالة ترخ

:)

mohand said...

السلام عليكم

مشاعر جميلة

بس يا ريت ممكن نرجع للطفولة

مكنتش الدنيا بقي فيها اي مشكلة

حمدلله علي سلامتك

Unknown said...

الله عليكى يارينا وصفتى حالة الفرحة اللى بتملانى لما المطرة تنزل بجد

مبدعة من يومك يابنتى

يارب دايما فرحانة بمطر او من غير
:)

رفقة عمر said...

اخبارك ايه رينا
كلماتك دايما بجد بتعبر عن اللى جوايا
انا كنت باحب المطر قوى وانا صغيرة وغريبه مش كنت باحس باى صاعقه دلوقتى الواحد بياين عجز بقيت بتكتك من البرد وبالبس كل شئ متاح علشان احس بالدفا
حمد لله على سلامتك
عودا حميدا

مشروع انسان said...

الحمد لله ان بدل الحال
من يا هتجنن
لهذا الحال
ده اهم شئ
وسعدت اوى برد حضرتك على التعليقات
واحساسك بمساندة الناس ليكى
اعتقد التدوين بقى ليه
اثر كبير واهمية فى حياتنا

بنت الصالحين said...

والله عبرتى عن احاسيس كتييره حلوه
احساس بالحب والفرحه والخير

شوفى دى بقى


اسمع صوت المطر
اجرى للبلكونه
ارى المطر
وقطره مجنونه
ياحالى لما
لاتتعلم المرونه
من المطر
وحاله عند هطوله


حبيبتى .. جزاكى الله الجنه
منتظره جديدك

oceaneyes said...

وصف رائع بجد لحبات المطر المتساقط على انها حبات الماس

بجد وصف يجنن ...اكتر حاجة بتخلينى اعشق الشتاء حبات الالماس دى ...وخصوصا مفعولها فى ازالة القديم بكل ما يحمله من مشاعر وابداله بحالة اجدد وبإنتعاش رائع لا مثيل له

....

تحياتى ليكى بشدة

بجد كلام رائع

...

:)

mohand said...

السلام عليكم

البوست الاخير اللي انا كاتبة
اقرية

Yassmina said...

مفيش احلى من الجري تحت المطر
احساس جميل بالانطلاق وانك معاكي الدنيا بحالها
تصويرك جميل قوي يارينا
بالذات لما وصفتي راءحة ما بعد المطر ياه بتجيب علينا ذكريات كتيره
وجميله
وايام كتيره قوي

Anonymous said...

حلوه قوى بجد كتير المطر بيطهرنا وبيغرينا وبيكون جميل قوى لما بنتوحد احنا و المطر فى الطريق
بصراحه وصفتى المشهد بشكل رائع
تحياتى

سندباد said...

بجد انا حسيت بالمطر في البوست
حلو الاحساس اوي وحلو المطر اوي
انا من عشاق الشتا بحس فيه بالهدوء والراحة النفسية كل سنة وانتي طيبة
تحياتي

محمد حمدي said...

تدوينه قمه فى الروعه .. انا بجد مش لاقى كلام يعبر عن اعجابى

ابو صهيب ( الجمعاوي الاصيل)سابقاً said...

السلام عليكم ورحمة الله وبركاته


بالفعل شعر اكثر من رائع


وان دل فيدل على موهبة اكثر من رائعة

بارك الله فيكي ونراك في المقدمة دائماً

مع تحياتي صاحب مدونة ميخا

Noony said...

ياااااااااااااااااااااااااااااااااااااه
:):):)
جميلة أويييييييييييييييييي
ما شاء الله
وصفتي احساسي بالمطرة وصف بجد جمييييييييييييييييييييييل

بس عندي ملحوظة ضغنونة
الأغنية اسمها
الدنيا برد
وعم خليل بيسقي الورد
مش بيشم البرد :)

كيمل احساسك بنقطة المطر الضغننة...الماسة وهي بتخبط على شباكك
كميل غناكي وجريك في المطر
كميل احساسك بطفولتك
انتي أصلاً كميلة

:)
نوني اللي بتعتذر عن التأخير

الخيط الرفيع said...

يا سلام كل دا بيعملة فيكي المطر
المطر رزق جميل ودعاء مستجاب
وانا كل اما اشوف المطر افتكر النبي
وكل ما اشوف القمر كمان مرتبط عندي بالنبي
النبي سايبلنا ذكريات حلوة
بكلامة علي المطر والقمر وجبل احد...........إلخ

Anonymous said...

علمني حبك سيدتي اسوأ عادات
علمني افتح فنجاني في الليلة الاف المرات
واجرب طب العطارين واطرق باب العرافات
علمني اخرج من بيتي لأمشط ارصفة الطرقات وأطارد وجهك في الامطار وفي اضواء السيارات

بوست رائع

RoReE

يا مراكبي said...

على قد ما الموضوع جميل ورقيق .. على قد ما حكاية قرعة بنت أختك دي ما عجبتنيش

راعي "شعورنا" شوية

هههههههه

همسة حنين said...

حبيت بس احييكي رينا على كلماتك الرقيقة مدونتك رائعة

walaa said...

انا كمان بحس بسعاده قوى وانا تحت المطره وكان حلمى وكان حلمى اللى انا اجرى تحت المطره انا وحبيبى

خمسة فضفضة said...

السلام عليكم ورحمة الله وبركاته

مع اني مش بحب الشتا عموما
بس بحب المطر في حد ذاته
واحساس القطرات وهي نازله علي ايدي زانا باتفرج عليها من البلكونه او الشباك

------
الا قوليلي يارينا هو عم خليل كان بيلم الورد ولا بيشم الورد

وفي مقولة اخري ان ابله سعاد هي اللي كانت بتلم الورد
هههههههههههه

تحياتي

السـيد شبـل said...

يارب تمطر

السـيد شبـل said...

مش ملاحظة ان الدنيا بطلت تمطر.... كأن المطرة فعلا ليها علاقه بالخير... اللى يمكن قل ف زماننا

اسامة يس said...

ان للمطر اسراراً اجدت في اكتشاف اغوراها ...
ووصفها بمشاعر دافئة تجعلنا نستدعي الذكريات،نعيش مع لحظات جميلة كنا نظنها تفلتت خلف جدار الزمن ...

دمت بكل ود..
خالص تحياتي

رينـــــــــــا said...

محمد مفيد
---------
وانا كمان جدا :)
---------------------------------
نان
----
ما تخلى الطابق مستور بئا :D:D:
عاااااااااااااااا
وانتى كمان وحشتينى
عاااااااااااااااا
-----------------------------------
امه الله
------
والله دا من ذوقك يا غاليه
واياكى يارب العالمين
انى احبك فى الله
-----------------------------------
استاذى عصفور المدينه
------------------
دا شهادة تقدير غاليه جدا
اكرمك الله
-----------------------------------
الطائر الحزين
-----------
ومين مبيحبووووووووش
جميلة تلك الكلمات

رينـــــــــــا said...

نان
---
ههههههههههههههههههههههههههههههههه
لا ياختى الحاجات دى عندكم بس
عندنا بئا بيقولى
قريب هننزل مصر نزور العباسيه :))))))))))
-----------------------------------
مصراوى اوى
----------
:)))
طيب خلى بالك بئا لانى سمعت انه فيرس منتشر فى الجو
-----------------------------------
همسه قلم
-------
ربنا يكرمك يا صحفيه يا كبيرة
فعلا انتعاش وسعادة ونشوة وكل حاجة حلوة
-----------------------------------
مهند
----
وعليك السلام
والله يا مهند يا خويا الطفوله طفوله القلب والتصرفات
مش بيقولى الشباب شباب القلب :D
كمان الطفوله طفوله القلب
الله يسلمك
----------------------------------
انسانه
-----
دا من حظى السعيييييد ان تكون مشاعرك انتى كمان
يخليكى ليا يا رافعه معنوياتى :))
واياكى يا قمر يارب
--

رينـــــــــــا said...

رفقه عمر
--------
الحمد لله يا ريرى يا قمر تسمحيلى ادلعك؟؟
والله دا شىء يشرفنى جدااااااااااا
تعرفى بئا ليه يا ريرى انتى بتحسى بالبرد
من كتر الهموم اللى جوانا بقت تقتل الاحاسيس الجميله اللى كانت بتمتعنا
احنا بئا منديهاش فرصه
حاولى تستمتعى بالحاجات الصغيرة اللى بتفرحنا اوى
الله يسلمك
وخدى بالك من نفسك يا امورررة
----------------------------------
امام الجيل
-------
ربنا يكرمك يااااارب
انا اسعد بيكم
وفعلا التدوين بئا شىء صعب الاستغناااااااااااااء عنه
دائما منورنى يااااارب
-----------------------------------
عاشقه الفردوس
-------------
نورتينى للمرة الاولى ويارب متكونش الاخيرة
ايه الكلام الكبير دا بس
دا احلى من البوست بكتيييييييير
نورتينى
---------------------------------
oceaneyes
--------
يا مرحب بجميله الجميلات
والله انتى بس اللى بترفعى معنوياااااتى
ربنا يخيليكى ليا يارب
تسلميلى
ودايما منورانى يارب
-----------------------------------
مهند
__---
عليك السلام
علم وتم التنفيذ
اشكرك بشدة

رينـــــــــــا said...

ياسمين
----
مش كدا بذمتك؟؟
ربنا يخليكى ليا يارب
نورتينى
-----------------------------------
رئيس جمهوريه نفسى
---------------
ربنا يكرمك يارب على مجاملتك الرقيقه
دايما منورنى
-----------------------------------
سندباد
-------
يا فندم واحنا هنيجى جنبك ايه بس
وحضرتك طيب
وسعدت جدا بحبك للشتا :))
نورتنى
-----------------------------------
محمد حمدى
------
والله دا كتير جدا
سعدت جدا بمجاملتك
وياريت متكونش اخر زيارة :)
-----------------------------------
الجمعاوى الاصيل
-----------
وعليك السلام ورحمه الله وبركاته
ربنا يكرمكدا من ذوقك بس
وبارك فيك دائما يارب
----------------------------------=

رينـــــــــــا said...

نونى
---
يا قهلن يا قهلن
ربنا يخليكى يا نونى يااااارب
هههههههههههههههه
والله هى فيها اقاويل كتير حضرتك
بس اعتقد ان الاقرب والاصح
بيشم الورد :):)
والله انتى اللى اجمل
لا تعتذرى الله يكوووون فى عونك يارب
-----------------------------------
الخيط الرفيع
----------
شوفتى ازاى
عندك حق جدا
ودا وجه تانى من جماله
نورتينى
----------------------------------
MĕŢø & ŘǿŖêĔ
------------
نزار قبانى مرة واحدة :)))
ميرسى جدا
نورتينى
----------------------------------
يامراكبى
--------
ههههههههههههههههه
معلش فاتت عليا دى
نورتنى
----------------------------------
dodo
----
ربنا يكرمك يارب
نورتينى
----------------------------------

رينـــــــــــا said...

dodo
----
ربنا يكرمك يارب
نورتينى
----------------------------------
walaa
-----
ربنا يحقق ليكى احلامك
نوريتنى :)
-----------------------------------
خمسه فضفضه
---------
وعليكى السلام ورحمه الله وبركاته
ليه يا فضفوضه دا كميل :(
ههههههههههههههههههه
والله الاقاويل كتيرررررررر
بس اعتقد اقربها عم خليل :))))
نوتينى يا قمر
-----------------------------------
الشيد شبل
--------
هى لسه ممطرتش؟؟
دى مطرت وغرقت الدنيا
-----------------------------------
السيد شبل تانى
------------
هى فعلا بقت تمطر قليل جدا مش زى زمان
وهى اكييييييد مربوطه بالخير
نورتينى يا فندم
-----------------------------------
اسامه
----
ماشاء الله
تعبيراتك قويه
وكلماتك جميله
نورتينى وياريت متكونش اخر مرة

 
© 2008 *By Templates para Você*