الدنيا ريشه فى هوا


الدُنيا ريشه ف هوا طايره بغير جناحين
أحنا النهارده ســــوا وبكره هنكون فين فى الدُنيـا ف الدُنيـا


ياما ناس بتتقابل من غير معاد يجمع بينهم
وناس بتتحايل على الفـــُراق يـبعد عنهم
ممن ضمُهم بإيــديــه واتفرقوا حـواليه
سـبب لُـقـاهم أيه وكان فراقهم ليــه


الدُنيا ريشه ف هوا طايره بغير جناحين
أحنا النهارده ســــوا وبكره هنكون فين فى الدُنيـا ف الدُنيـا


ياللى بتسـأل عن الحياه خُـدهـا كـده زى مـاهى
فيها ابتســامه وفيها آه فيها آسـيه وحـنيه
يـامـا الحياه فيها اللى بيشــجيها
واللى بيرضيها واللى يقاســيها

الدُنيا ريشه ف هوا طايره بغير جناحين
أحنا النهارده ســــوا وبكره هنكون فين فى الدُنيـا فى الدُنيـا
-----------------
دنيا تدور .. مهما تدور ماهي بتدور سواقينا
ف عطشنا .. ف آلامنا ما بتنساش تداوينا
لينا الحب لينا .. قبل الجراح ما تدق بابنا جينا مادين ايدينا .. اللي يصيبنا آهو من نصيبنا دنيا بتلعب بينا ليه ؟ ايه راح ناخد من ده ايه ؟




الانسان لما بيتحط فى تجربه جديدة عليه خالص بيحس ان الدنيا هتقف وانه مش ممكن هيقدر يمشى فى حياته الجديدة دى وانه دا يما هيكون مفتقد حياته القديمه وانه صعب اوى انه يتأقلم مع ناس جديدة عليه ويبعد عن كل الناس اللى حبهم وعاش معاهم فى حزنهم وفرحهم وقفوا جنبه ووقف جنبهم
بس لما بيتحط فى الفعل ويبتدى الواقع بيحس ان ممكن جدا يحب حياته الجديدة اكتر من حياته القديمه وان زى ما قدر يعمل ناس يحبوا ويحبهم اكيد ممكن يعمل دا فى الدنيا الجديدة دى
واحيانا بيهرب من بعض الذكريات القديمه اللى بتألمه ويتمنى انها مترجعش ابدا
وان كان بيحن احيانا لبعض الذكريات الاخرة الجميله واللى بيفضل عايش بيها
يمكن فى شخصيات من النوع اللى بينتموا اوى للمكان اللى بيبقوا فيه ويحبوه بكل جوارحهم ومن الصعب انهم يتخلوا عنه رغم انه ممكن يكون مش مريح بالنسبه لهم.... وانا من ضمن هؤلاء وبيقى التغير صعب اوى عليه بس نرجع نقول


الدنيا ريشه فى هوا ...طايرة من غير جناحين


احنا النهاردة سوا وبكرة هنكون فين فى الدنيا فى الدنيا


دى سنه الحياه ...الحمد لله على كل ما بيختاره ربنا لينا

28 comments:

الراقـــص مع الذئـــــاب said...

السلام عليكم ورحمة الله وبركاته

واحدة بواحدة يا ست رينا

اخبارك ايه؟؟؟
عساكي بخير إن شاء الله

التغيير دي الحاجة الوحيدة اللي مش هتتغير يا رينا
يعني مفيش حاجة بتفضل ثابته وعلي حاله زي الست اطاطا كدا

وهي دي من الحجات اللي ربنا اختص بيها لنفسه
انه الوحيد الذي لا يتغير


اما اي حاجة في الدنيا مسيرها تتبدل وتتغير

اتمني انك تحبي حياتك ودنيتك الجديدة

ومتبقيش زي الريشة اللي في الهوا ديه

سلام

•«ρяoιd»•™ said...

الدنيا ريشه في هوا

طايره من غير جناحين

احنا النهارده سوا

و بكره هنكون فين

عارفه يا رينا

كتير و انا ماشي علي الكورنيش بفضل ادندن في الغنوه دي

مش عارف ليه

بس يمكن بحس اني ريشه و لا حاجه

و يمكن عشان الغنوه فيها كتير من المواقع

محدش عارف بكره فيه ايه

بس المهم اننا نحاول نخلي بكره احلي

و ربنا يقدرنا

تحياتي المعطره بالحب

رفقة عمر said...

دة حال الدنيا النهاردة هنا بكره هناك
النهاردة مع ناس
بكرة مع ناس تانى خالص
وكل ما نتاقلم نرجع ونتاقلم تانى
والفراق يترك فى النفس الم وحزن
بياخد وقت لما نتعود
الحمد لله على كل حال
هانعمل ايه دة حال الدنيا

mohand said...

السلام عليكم


الدنيا ريشة في هواء

مش عارف

كراكيب عادل said...

مفيش حال بيثبت علي حال
-------------------------

انا جالي مولود جديد يا رينا

الدنيا حاليا بالنسبة لي اغنية جميلة

sara said...

يعني ايه الكلام دا يابت؟؟^o)

مـحـمـد مـفـيـد said...

دعوه رائعه للحياه

oceaneyes said...

ايه يا جميل البوست الحلو ده

حسيت فيه بكمية تفاؤل ما شوفتها قبل كدة فى اى بوست ..يارب تكونى متفائلة والحياة ماشية معاكى 100 100 يا رب

اما عن الاغنية الحلوة دى فأنا بجد كل ما احس بالتشاؤم بتكون الاغنية دى ضمن اغانى تانية بسمعها

عشان احاول اتفائل يعنى

:D


والحمد لله انك شبه مقتنعة فعلا انك ممكن تتعودى على اى حاجة جديدة عليكى

هى الحياة كدة ...فى تحرك مستمر ..ومش هاتقف عند حد معين


تحياتى ليكى


:)

šσяšαяαα said...

الدنيا ريشة فهوا ازاى يعنى افهمها ازاى انا دى
بقى الدنيا اللى محدش عارف طولها من عرضها تبقى ريشة فهوا
اه فعلا ماهو ايام الغنوة دى كانوا ماشيين عالبركة
ماكنش فيه علم وتكنولوبيا زى النهاردة

انا فى اعتقادى الشخصى ان الواحد يرسم اللى حاسس انه هيناسب حياته وبالتالى يناسب الدنيا اللى عايش فيها

وكلما زادت بساطة مارسم وخطط هتكون الدنيا ريشة
وكلما زادت العقد والكلاكيع هتكون الدنيا زى قالب حديد مربوط فرجله ومش هيعرف يتحرك ربع خطوة منه

نظرية فلسفية صرصورية بحتة

وتصبحى على خير

صاحب المضيفة said...

كلمات تعبر عن داخلي هذا الوقت بحرفية عالية

ليس من السهل التعبير عن مكنون الصدر بكلمات معبرة لهذه الدرجة

لعلي أكون في مثل مكانك هذه الأيام

لذلك أدرك معناها تماما ووصل كمان

مدونة رايقة وجميله

دمت بخير

Yassmina said...

انني كده جيتي على الجرح :)))
وبما اني عامله زي الريشه وكل سنه فمكان احب ااقولك ميرسي قوي على البوست الجامد ده

عارفا يارينا الغربه والسفر بتعلمك غصب عنك ازاي تتأقلمي وتتعودي مهما كان الوضع وزي مانتي قلتي ممكن الوضع الجديد يبقى اجمل من القديم
بس عارفا ايه الي بيخلينا نتمسك بالقديم هوا ذكرياتنا الجميله الي فيه
وايامنا وحياتنا وادق لحاظتنا فيه
فلما بنيجي نبص على الوضع الجديد ونلاقيه فارغ من اي حاجه بنحس بالغربه دي قوي
بس اهو واحده واحده وخطوة خطوة وكل يوم هتبتدي تعملي فيه ذكرى جديده ولحظات اجمل

ومحدش عارف بكرة بردو هنكون فييين
ايه الشحططه دي
:)))))

Anonymous said...

Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. If is possible add the CresceNet(www.provedorcrescenet.com) in your blogroll, I thank. Good bye friend.

MKSARAT - SAYED SAAD said...

نعيش على ضفاف حياتنا ونبني علاقاتنا الشخصية والاجتماعية وعندما يفشل بعض منها نبحث عن ارض اخري نقيم فيها لكي نهرب لكن الذكريات تبقى كالكي بالنار موجودة
كلما الم الكي خف هدأت الامها حتى تصبح بثور في داخلنا لا يمكن ان تتزول
اجبتنى مدونتك مريحة نفسيا
تحياتي
صاحب المكسرات

Anonymous said...

مش عارف انتى جربتى الاحساس ده ولا لا بس بما انى عشت الاحساس ده ولظروف كتير اتنقلت من مكان لمكان وسبت ورائيه عشره 21 سنه ذكريات حب قديم وصداقه الخ
صدقينى صعب قوى
الاغنيه تحفه على فكره

روح said...

ازيك ياست ريشة
قصدي ياست رينا
ربنا يريحلك بالك كدة ايما
ويكرمك باللي نفسك فية
ويارب دايما تفتكري الذكريات الجميلة
وبس والوحشة مالناش دعوة بيها
عموما تشجيع حلو منك للي زي
والله المستعان
خلي بالك من نفسك

مشروع انسان said...

يعنى هو الواحد بيحن للمضاى
وبيكون صعب عليه الانتقال للجديد
بس زى ماقلتى
شوية شوية وبيتعود
بل ممكن كمان لاقى المستقبل احسن
ان شاء الله
ويندم انه اقبلش عل الخطوة دى
او الوضع ده من زمان
بالتوفيق ا فندم
وربنا يسعد ايامك

سندباد said...

جميل اوي جو المدونة يارينا
والبوست جميل اوي وفيه معاني جميلة
تحياتي ليكي

Incomplete said...

ربنا يكملك بعقلك ياأميرتي
ويسعدك بحياتك حيثما كنتي
:) :)

walaa said...

ممكن تبقى حياته الجديده كويسه وجميله ويحبها اكتر من حياته القديمه

Oma said...

ezayk ya rena 3amla eeeh ??
bosy ha2olk 7aga..ana mo2mna awy be2en 7yatna mara7el..w kol mar7la leha 7agat 7elwa w 7agat we7sha w ay mr7la bet3ady betsib zekra 7elwa w 7agat bardo we7sha gowana...w kolo bey3ady
anis mansour katb mra w 2al : kol ma t3lmtho fe hazeh el donia kelmtan..kolo mashy :D
w el ragl beytklm sa7 besra7a
ahm 7aga...enk t3rfi t3amli m3 el mar7la elly enty feha w law 3refty yarit te7biha bekol ma feha
msh ba2ol klam fady walahy wla 7aga :)).... es2aly megarb w ana ba2olk elly ana ba3mlo w el7amdolelah 7aba 7ayati elly 7ad ma
Be Fine :)

مروة الزارع said...

انا بموت فى الاغنية دى على فكر

دوام الحال من المحال

تحياتى

هستناكى تزورينى

أمــانــى said...

ازيك يا قمر عاملة ايه وحشانى اووووووى
يارب داميآ بخير يااارب آمــين
ده حال الدنيا المهم عيشى الحياه وعيشى حلوها وانسى مرها دايمآ واوعى تتفتكرى الذكريات الوحشة لانها خلاص عديت وانتى بتاعت النهاردة وبــــــس
:)
ربنا يسعدك يااااااااارب آمــــــين ويهدى سرك ويريح بالك يااااااااااارب آمـــــــــــين
ما تقولى ما امين
:)

يا مراكبي said...

أنا الأغنية دي على لساني ليل نهار من غير وعي

لأني حاسسها جدا .. ياما إتنقلت وياما إتعرفت على ناس

الدنيا ريشة ف هوا فعلا .. صدقيني أنا كمان

رينـــــــــــا said...

الراقص مع الذئاب
--------------
وعليك السلام
الحمد لله ربنا يكرمك يارب
بالبط سبحان الله الشىء الوحيد الثابت فى حياتنا هو التغيير
ونعم بالله
ربنا يكرمك واياك يارب
ودايما مشرفنى
0000000000000000000000000000000000
برويد
----
حمد الله على السلامه يا سيد برويد
منورنى والاغنيه بصراحه واقعيه فعلا جدا
ومفيش حد مش بيحبها
نورتنى
00000000000000000000000000000000000
رفقه عمر
--------
ازيك يا ريرى وحشتينى بجد
عندك حق دا
انه حال الدينا
دايما منورنى
00000000000000000000000000000000000
مهند
----
وعليك السلام
اسال نفسك احساسك لما سافرت من بلد لبلد وانت هتعرف
نورتنى
00000000000000000000000000000000000
كراكيب عادل
-----------
دوام الحال من المحال
ماشاء الله
مبررررررررررررررررروك
ربنا يبارك لك فيه يااااااااااارب
ويارب دايما الدنيا اغنيه جميله فى نظرك

رينـــــــــــا said...

نان
----
الكلام دا وصفه لصينيه نجرسكوا يابنتى
ركزى انتى بس
00000000000000000000000000000000000
ممحمد مفيد
---------
هى دعوة للرضا اكتر منها للتفائل
نورتنى
-----------------------------------
oceaneyes
---------
يخليكى ليا يارافعه معنوياااتى
الحمد لله رب العالمين
والله يابنتى انا مكنتش مقتنعه خالص
بس الواحد لما خلاص بئا بيتحط فى الموقف الدنيا بتختلف وطريقه تفكيرك بتتغير
عندك حق يا جميل
نورتينى
00000000000000000000000000000000000
صورصارة
-------
ههههههههههههههه
ياسلام على نظريات الاخت صورصارة اللى ملهاش مثيل
على رأيك هما كانوا اد ايه على بعض يعنى
كانت الدنيا خفيفه فعلا
نورتينى
00000000000000000000000000000000000

صاحب المضيفه
-----------
ربنا يكرمك يارب
وميرسى على مجاملتك الرقيقه
ودايما منورنى
00000000000000000000000000000000000

رينـــــــــــا said...

ياسمين
----
اه يابنتى انا عارفه انك اكتر حد هتحسى بيا يا سمسمه
عندك حق ودى اول حاجة اتعلمتها انى اعرف اتأقلم
عاااااااااااااا شحططه فعلا
منورانى دايماااا
----------------------------------
MKSARAT SAYED SAAD
000000000000000000
ايه الكلام الجميل دا
لا ياعم انا مش قدك خالص
نورتنى
وربنا يكرمك على مجاملتك
0000000000000000000000000000000000
barie
-----
جربته جدا وعايشه فيه
وعارفه معنى اللى بتقوله دا
تحفه جدا :D
0000000000000000000000000000000000
روح
---
يا قهلن يا قهلن
امين واياكى يارب
مش كدا بردوا
وانتى كمان
نورتينى
00000000000000000000000000000000000
امام الجيل
---------
ربنا يكرمك
وكلامك صح ميه فى الميه
دايما منورنى يارب

رينـــــــــــا said...

سندباد
000000
ربنا يخليك يا سندباد يارب
ميرسى على مجاملتك الرقيقه
نورتنى
-----------------------------------
انكمبليبت
000000000
امين امين
واياكى يا مونى
-----------------------------------
walaa
00000
هو مش ممكن اوى يعنى
هو نقدر نقول ان الاقرب ان دا اللى يحصل
نورتينى
-----------------------------------
oma
'''
اهلا يا قمر انا تمام
يارب انتى كمان بخير
عندك حق يا جميل
هى مراحل كل مرحله لازم بسيب أثر اى كان
اهم حاجة نكون نرضى باللى ربنا قسمه لينا
نورتينى
===================================
مروة الزارع
-----------
انا كمان بحبها اوى :D
ان شاء الله هزورك
نورتينى
===================================
امانى
----
الحمد لله يا جميـــــــل انتى كمان والله وحشانى
امين يارب واياكى ان شاء الله
ربنا يكرمك ويارب دايما منورانى
----------------------------------
يا مراكبى
--------
مصدقه حضرتك جدا
لانها تجربه اعيشها انا كمان دلواقتى
دعواتك

Anonymous said...

الحمد لله على كل ما بيختاره ربنا لينا

deh a7la 7aga fil donia .. kalamek 7elw we sa7 .. bs e7na dayman bene3mel 3aks keda ..

3agaby awy el post begadd

we ba7ebb el oghneya gedan tab3an

 
© 2008 *By Templates para Você*