عدنــــــــا


السلام عليكم ورحمه الله وبركاته جميعا

وحشتونى جدا والله وكل سنة وانتم طيبين على عيد الاضحى وعلى العام الجديد وان شاء الله عام جديد سعيد عليكم كلكم يـــــــــــــــارب

الحمد لله رجعت من اجازتى فى مصر وكانت اجازة سعيـــــــــــدة ومثمرة جدا الحمد لله

رغم انهم كانوا تقريبا اسبوعين الا انى حسيت انهم بس يومين .....الموضوع جى مفاجأة ليا لما زوجى شاف نفسيتى فى الفترة الاخيرة مش متظبطه اوى قالى بما اننا مقضناش شهر العسل ايه رأيك نطلع تركيا!!

قولت تمام اهوا تغير وبلد جديدة وهنتفسح وبتاع بس من جوايا قولت ياااااا لو الاجازة دى تحولت الى مصر وكأن زوجى كان بيسمعنى من جوا قالى ايه رايك بدام سفر بسفر تنزلى مصر؟

طبعا دووووووون تفكير صرخت وقلتله طبعاااااااااااااااااااا طيرت من الفرح وسبحان الله لقينا عرض على مصر للطيران وبسرعه بسرعه حجزنا وبسرعه لقيت نفسى فى المطار وكأن ربنا رايد اوى اننا ننزل مصر

انا كمان حبيت اعمل مفاجأة ليهم ومقولتش لحد خاااااالص انى نازله مصر والا اى مخلوق وياريتنى ما عملت كدا

وصلت البيت الساعه 4 ونص الفجر وتخيلوا الحاله اللى كانوا فيها امى كان قلبها هيقف وفضلت تعيط لحد الصبح كلهم كانوا مزبهلين ومخضوضين وبجد مش هعمل كدا تانى لانى خفت عليهم جدا لان منظرهم لا يشجع على اى مفاجأت


الحمد لله الاجازة كانت سعيدة وان كان يشوبها بعض الاشمئزاز...الطيارة وصلت الساعه 2 بالظبط فضلنا واقفين فى الجوازات ساعتين تخيلوا!! ســــــــــــــــاعتيــــــــــــــــــــــــن وكنا اربع طيارات بس وجايين ورا بعض يعنى مش مع بعض طوابير مش بتمشى واسلوب سىء جدا فى المعامله وخرجنا لقينا الشنط مرميه على الارض كأنها كياس زباله والدنيا اتبهدلت وناس بتزعق وتتخانق وتشتم لما شفت المنظر دا اول حاجة قلتها انا عايزة ارجع...واحنا خرجين من هنا كنا 8 طيارات عارفين وقفنا اد ايه فى جوازات ووزن شنط والله ربع ساعه ومعامله فى غايه الاحترام وحاجة كدا تحس انك بنى ادم.. وطبعا كان المقابل اللى شفته اول ما وصلت ..دا غير بئا جمال الطيارة والطيار والمطبات اللى ادبينها والنزول اللى كان قلبى هيقف فيه وطبعا قررنا ان دى اخر مرة ننزل فى مصر الطيرااااااان وتعجبت جدا ان افضل طيران هو طيران مصر للطيران

ما علينا

المهم يعنى انى الحمد لله كنت مبسوطه اوى مع اهلى وامى اللى كانت مش عارفه تعملى ايه والا ايه ومكنتش عايزانى امشى اساسا وطبعا كان لازم ازور حبيبتى اسكندريه قعدنا فيها يومين العيد وكانوا يومين بالاجازة كلها الجو كان رائع وان كان لا يتخلله اعراض الانفلونزا اللى تملكتنى منذ خروجى من المطار واللى اشتدت عليا من مجرد خروجى من القطار بس طبعا مكنش فى اى مجال انى انام اخدت كميه ادويه مهوله من المضادات الحيويه وعدت الحمد لله



بس تعرفوا انا كنت عايزة ارجع مكنتش عايزة اقعد هناك وانا مستغربانى جدا من الاحساس اللى جالى دا انا كنت همووووووووت وانزل ان شالله يوم مجرد ما كام يوم عدوا بقيت اقول لماما انا عايزة بئا اروح بيتى.... ولولا وجود اهلى فقط والناس اللى بحبهم فى مصر انا مكنتش نزلت خالص على فكرة

بجد الموضوع مختلف


اسوء لحظات مرت عليا هى لحظه توديع اخواتى ونان ليا فى المطار كان قلبى هيقف من العياط واخويا الصغير اول مرة اشوفه بيعيط بالشكل دا ومكنش عايز يسيبنى ابدا رغم ان هو بردوا اللى وصلنى اول مرة المطار لما كنت عروسه معيطش خالص كان سعيد ليا جدا المرة دى اتفحم بجد من العياط

واللى ذاد وغطا بئا الاخت نان اتفحمت هى كمان من العياط كنا فتحينها مناحه فى المطار ويعينى جوزى مبقاش عارف يهدينى ازاى وفضل العياط معايا مستمر الى ان وصلت الكويت اول ما وصلت المطار الحمد لله هديت رغم ان لسه جوايا الم


الحمد لله رب العالمين

29 comments:

الراقـــص مع الذئـــــاب said...

السلام عليكم

كل سنة وانتي طيبة وحمد الله علي سلامتك يا رينا
وبلاش بقي حكاية العياط ديه
المفروض بقي غنك تتعودي علي الوضع الحالي
ربنا يجعل ايامك كلها سعادة

مـحـمـد مـفـيـد said...

أدام الله عليكي نعمه السعاده
واجازه سعيده وتعودي الي بلادك انتي وزوجك الحبيب في احسن حال

MKSARAT - SAYED SAAD said...

اجازة سعيدة ان شاء الله

mohand said...

السلام عليكم

حمدا لله علي سلامتك

واجازه سعيده ان شاء الله


تحياتي

الطائر الحزين said...

وفقك الله وبارك فى اوقاتك
وادام عليك السعادة
تحياتى

روح said...

السلام عليكم

حمد الله علي سلامتك
وكل سنة وانتي طيبة
تحياتي

عصفور المدينة said...

انا قلت بقى انتي جمدتي وكدة
ده كفاية انك ركبت مصر للطيران

كل أجازة وأنت بخير

صاحب المضيفة said...

حمد لله على السلامة

ونورتي مصر

وتنوريها في اي وقت

لكن خلي بالك من مامتك

مش كل الناس بتستحمل المفاجات الجامدة دي


سلامات

غمض عينيك said...

يارب تكوني انبسطي يا رينا
كل سنة وانتي طيبة
وعيد سعيد وسنة سعيدة
ويارب دايما مبسوطة وفرحانة

محمد سمير

خمسة فضفضة said...

السلام عليكم ورحمة الله وبركاته

حمد الله علي سلامة الرجوع
ولاون مصر ضلمت من غيرك

انا كمان ماكنتش قادره امسك نفسي من العياط وانت بتحكي علي تفاصيل الوداع في المطارل ، افتكرت اختي وهي مسافره عروسه برضو اتفحمت من العياط ومارضيتش اروح لحد المطار ولا كنت هاخد الساعتين بتوع السكه عياط
يلا الحمد الله

وعموما ياستي بكروا نتعود علي البعد والفراق والحمد لله ان في كمبيوتر ونت بنقدر نتواصل من خلالهم
علي فكره بيفرقوا كتير بتحسي انك لسه في وسط اهلك وماسافرتيش ، انا فعلا حسيت بالفرق لما اختي جابت كمبوتر بقت وكانها قاعده معايا ، وكل يوم بنتكلم

ربنا يوفقك يارينا ويرجعك بالسلامه

كل سنة وانت طيبه

Unknown said...

ياروحى

طب مقولتليش اجى معاكى المطار واعيطلى شوية انا كمان هههههههههه

اصلى اعز الدموع أوى ههههههه

ياجميلة حمد الله ع السلامة ومعلش متزعليش اهم حاجة بس انك شوفتى بعنيكى ان احنا مش بنى آدمين فى بلادنا ولا حاجة عشان متزعليش انك حتمشى وتسيبى البلد

بفكر ان كل المصريين يمشوا ويسبوهالهم مخضرة .. ايه رأيك ممممممم


المهم انك انبسطتى ويارب حياتك كلها تبقى فى انبساط وخير وفرحة وكل معنى جميل فى الدنيا يااااااارب

كل سنة وانتى طيبة يا اجمل رينا
:D

Anonymous said...

اولا حمدا لله علي سلامتك

طيب وبعدين شعور ان المصريين عايزين يسيبوا مصر بدأيكبر اوي....يا تري ايه الحل؟؟وحكاية الهجرة غير الشرعية زادت اليومين دول

هي فعلا البلد بقي حالها يطهق

يارب ميجيلناش احباط في محاولتنا للاصلاح

ربنا يوفقك ويسعدك

همسة قلم said...

ريييييييينا

الاول حمدا لله على سلامتك :)

كنت مفتقداكي بجد وكل شوية راحت فييييين :)

ادام الله عليكِ السعادة والهناء

وفكرتيني بواحدة صاحبتي يارينا عايشة في ماليزيا مع زوجها حاليا لما نزلت مصر تزور اهلها وكنت معاها بنزور اصحابنا لقيتها بتقولي علشان اوصل مصر كان لازم انزل في اكتر من مطار الاول مش لقيت اسوأ من مطار القاهرة بشكله ومعاملته علشان اقرر انى مش ارجع مصر تاني فعلا

فعلا حال البلد مابقاش يسر حد ربنا يعييييين

بس بجد حمدا لله على السلامة حبيبة قلبي :)

رينـــــــــــا said...

الراقص مع الذئاب
---------------
وعليك السلام
وانت طيب وربنا يسلمك من كل سوء يارب
والله انا تعودت بس مهما تتعود الفراق اصعب شىء فى الدنيا
واياك يارب العالمين
دايما مشرفنى
00000000000000000000000000000000000
محمد مفيد
--------
ربنا يكرمك يارب ولك بالمثل ان شاء الله
والله انا احب ارجع اجازة فى بلدى بس
مش عايزة خلاص استقر فيها
ربنا يكرمك على دعائك نورتنى
00000000000000000000000000000000000
مكسرات
------
ربنا يكرمك يارب
نورتنى

رينـــــــــــا said...

مهند
----
وعليك السلام
الله يسلمك يارب والحمد لله كانت سعيدة
ربنا يكرمك
00000000000000000000000000000000000
الطائر الحزين
-----------
امين يارب العالمين
ربنا يكرم حضرتك يارب

ان شاء الله حضرتك بخير؟
0000000000000000000000000000000000
روح
---
وعليكى السلام
يا قهلن وسهلا
ازيك يابنتى
الله يسلمك وانتى طيبه يا جميل

رينـــــــــــا said...

استاذ عصفور
00000000000
والله جمت جدا
وحرمت كمااااااااااان
ربنا يكرمك حضرتك ودايما منورنى جداااااا
-----------------------------------
صاحب المضيفه
00000000000
الله يسلمك
دا منورة بنور اهلها
ربنا يكرمك
فى عنيااااا وحرمت جدا
-----------------------------------
غمض عنيك0
00000000
الحمد لله والله كنت مبسوطه
وانت طيب وبخير يارب
ربنا يكرمك يارب..واياك ان شاء الله

رينـــــــــــا said...

خمسه فضفضه
00000000
وعليكى السسلام ورحمه الله وبركاته
الله يسلمك يارب والله دا من زوقك بس يا فضفوضه يا قمر
:(حاسه بيكى جدا والله بتبقى اصعب لحظات فى حيانك
انا كمان ماما مرضيتش تيجى معايا المطار ابدا
بس فضلت بعديها تعيط كل يوم لحد ما نزلت تانى

عندك حق اكيد بكرة الواحد هياخد لان واقع الفراق المرة دا على نفسى اخف من واقعه المرة اللى فاتت
بالبببببببببببببببببببط
ومان فى جهاز اشتريناه تحففففففففففففففففه بكلمها بالتليفون كل يوم ببللاااااااش وكأنى معاها فى مصر
احسن من الكمبيوتر كمان
ربنا يكرمك يارب
وانتى طيبه وبالف خير يارب
-----------------------------------
انسانه
000000
ههههههههههههههههههههههه
ربنا ما يكتبه عليكى يابنتتتتتتتى
الله يسلمك يارب
تعرفى يا ياسمين احيانا هنا كمان المصريين بيبقوا مهانين اوى
اكتر حاجة توجع اوى انك تكونى مهانه جوا بلدك وبره بلدك واكيد بتتوجعى اوى لو جوه بلدك اكتر
والله مكنتش زعلانه خااااااالص
انا زعلانه بس لانى سايبه الناس اللى بحبهم هناك
الحمد لله وتسلميلى ياقمر
وانتى طيبه يا كميله
00000000000000000000000000000000000
مصراوى اوى
----------
الله يسلمك يارب
لاااااااااا ربنا يكرمك دا احنا املنا فى ربنا وفيكم
حرام لو انتوا زهقتوا
احنا كلنا معاكم وان شاء الله لكم اجركم فى النضال دا لان بجد دا جهاااااااااد
وطبيعى ان يكون فى فئه بتتعب بس انتوا الامل انتوا اللى هترجعونا
نورتنى
-----------------------------------
همسه قلم
0000000
همسسسسسسسسسسه والله الله يسلمك يااااارب
انا كمان افتقدكم كللللللللكم
ربنا يخليكى يارب
فعلا اسوء مطار للاسف الشديد
الله يسلمك يااااااااارب وينورلك طريقك يارب قولى امين :D

šσяšαяαα said...

السلااااام عليكمممم

الف حمدلله على سلامتك يارينوووو

انا مرة برضو خالى عمل كدا ونزلو من غير مايقولو
وكان الفجر برضو..كنت صاحية وماسكة الكتاب ايام الثانوية العامشة ولقيت كلاكس عربية بيييب بيييب

مصدقتش نفسى برضو..كانت مفاجأة جميلة

ياللا ربنا يديم عليكى الفرح ومايحرمك ابدا من كل اللى بتحبيهم

سلاااااام

احساس لسه حى said...

عزيزتى
اكيد مفيش احلا من بلد الانسان ولا ادفا من اهله وصحابه
لاكن الفراق مكتوب علينا واكيد كلانا مفرقين بعض فى لحظات ومتجمعين فى لحظات تانية
ربنا يجمعك بيهم دايمن
سلام

أميرة said...

حمدالله على السلامة وكل سنة وانتى طيبة

هى دايما كدة الاجازة القصيرة بتعطش مابترويش انتى روحتيلهم على غفلة من غير استعداد نفسى انك جاية وكمان قعدتى اسبوعين خلتيهم يستوحشوكى اكتر

وعامة ماتقلقيش كل ماهتجيى وتسافرى ويودعوكى ويعيطوا كل ماهيجمدوا وشوية شوية هيبقى الموضوع عادى خالص

اسألينى انا خبرة فى السفر والوداع

حمدالله على سلامتك مرة تانية

رفقة عمر said...

حمد الله على سلامتك
سعيدة بعودتك جدا
ويارب دايما تكونى سعيدة
وحشتينى قوووووووووى

david santos said...

Happy New Year! And best wishes for a healthy and successful 2008

DR.HAMAS said...

عودا حميدا أختنا

و نورتى مصر مرة تانية


و يا رب تبقى حياتك كلها سعادة

و كل سنةوانتى طيبة



جزاكم الله خيرا


د.حمـــــاس

همسات دافئه said...

عجبتنى اوى حكايه المفجأه الى اتقلبت ضدك ده
ههههههه
ده بقت كبسه مش مفجأه
ربنا يهون عليكى الغربه
وكل سنه وانتى طيبه:):)
تحياتى
شيماء:)

رئيس جمهوريه نفسى said...

اولا حمد لله على السلامه
ثانيا يارب تكونى قضيتى اجازه سعيده
ثالثا موضوع المطار باختصار هى دى مصر يا عبله قصدى يا رينا

Hadota ... حدوتة said...

حمد لله على سلامتك

بجد البوست مليان احاسيس حلوة

اجازة سعيدة ويااارب دايما تكونى بخير ومبسوطة
:)

تحياتى

أمــانــى said...

حمدلله على السلامة يا قمر وربنا يسعدك يااااااااارب آمـــــــــين واوعى تزعلى كده ربنا يكرمك بالذرية الصالحة ياااااااااااااارب آمـــــــــين
ويارب يكون ايامك كلها سعادة وطاعة لله ياارب آمـــــين واياكى والعياط
:)

رينـــــــــــا said...

صرصارة
------
الله يسلمك يا أمورة
طبعا يابنتى المفاجاة لما تفكرى فيها بعد كدا
تحسى انه لا كانت حاجة جميله
ربنا يرجعه ليكى بالسلامه
ربنا يكرمك واياكى
نورتينى
-----------------------------------
احساس لسه حى
-----------
فعلا سبحان الله الموضوع مختلف تماما وانت وسط اهلك وبلدك واصحابك
حتى لو بلدك دى فيها بلاوى الدنيا لما بتشوفها بتحس با احساس مختلف
كلامك صح جدا بس اللى يستوعب
----------------------------------
اميرة ويلز
--------
وانتى طيبه الله يسلمك من كل سوء يارب
تصدقى ان فعلا وانا مسافرة كلهم قالولى ياريتك ما جيتى :S
انتى كدا عذبتينا زيادة رغم ان كان قصدى العكس
الحمد لله
ربنا يكرمك يارب
نورتينى
----------------------------------
رفقه عمر
-------
الله يسلمك يا حبيبه قلبى
والله انا اسعد بتواجدكم معايا
واياكى يا قمر
انتى كمان وحشتينى احنا هنقعد مقضيانها سلامات
لا مليش دعوة انا عايزة اميلك :D
دايما منورانى
-----------------------------------
david santos
------------
thank you i wish to you happy live :)

رينـــــــــــا said...

دكتور حماس
--------
جزاك الله خيرا
ربنا يكرمك دا بنور اهلها
واياك ان شاء الله وحضرتك طيب
-----------------------------------
همسات دافئه
-----------
هههههههههههههههه من حفر حفرة لاخيه والله يابنتى :D
ربنا يكرمك يارب وانتى با الف خير يا قمر
-----------------------------------
رئيس جمهوريه نفسى
----------------
الله يسلمك
الحمد لله سعيدة جدا
ااااااه من المطار وسنينه انا نسيت اكتب فى البوست ان اكتر شىء احزنى وانا راجعه بئا كميه اليهود اللى شفتهم فى المطار
وبلبسهم الطواقى بتاعتهم دى
وكمااااااااااااان حاخام معاهم
كان شكلهم مستفزنى جداااااااااااااا
وفى عز ما انا بعيط عماله اقول لزوجى انا مستفزززززة هما كتير كدا ليه ومالهم منطلقين كدا كانهم فى بلدهم
واللى يغيظك انهم بيضحكولى وانا اصلا منتقبه اللى هو المفروض تخافوا يعنى ما انا اكيد ارهابيه
يمكن كانوا شايفين عياطى فكانوا شامتنين مثلا
جايز
عمتا نورتنى
-----------------------------------
حدوته
----
الله يسلمك يا قمر
ربنا يكرمك
واياكى ان شاء الله
نورتينى
00000000000000000000000000000000000
امانى
----
امانى عندنا يا مرحبا يا مرحبا نوريك غطى على الكهربا
الله يسلمك يا جميل
واياكى ان شاااااااااء الله
يارب امييييييييييييييييييين
حاتر :D
نورتينى

 
© 2008 *By Templates para Você*