مهزله والله مهزله

الحجاب لم يكن يوما فريضة دينية أو ركنا من أركان الإسلام و لأنه رمز استعباد المرأة
ليكن يوم 8 مارس يوما عالميا لنزع الحجاب ، لتوعية المخدوعات بشعارات الاسلامويين بخطر مشروعهم في اظطهادها و تحويلها لعورة و نصف انسان و تضامنا مع اللواتي يجبرن على وضع هاته الخرقة على رؤوسهن
التاريخ ليس نهائي و لا يهم كثيرا بقدر ان تصل الفكرة لأكبر عدد ممكن، هي ليست دعوة للإجبار أو التهديد بالقتل أو الاهانة كما يفعل الاخوانجية بل هي دعوة للاقناع و الفكر و النور

دى مقدمه لكاتبه بتدعو لنزع حجاب المرأة المسلمه وماشاء الله شغاله فتى ان الحجاب دا مش من الدين اصلا وانه دعوة للتخلف وانه وانه وانه وكلام غريب عجيب كدا لا واستعانات باأمراة مرتديه النقاب وبتتعرى منه ومن ملابسها كمان فى الحمله
المودام الكاتبه المفروض انها بتنادى بالحريه فى نزع الحجاب وان مش من حق اى حد انه يجبر حد على الحجاب طيب حضرتك يعنى بما انك بتتكلمى عن الحريات وان مش من حق اى حد انه يجبر حد على حاجة حضرتك مش بحملتك دى بتجبرى الناس على نزع الحجاب والا ايه يعنى ياريت تفهمينى مهو احنا لو انتى حملتك ردا على اليوم العالمى للحجاب وشيفاه فرض وكبت حريات
انتى بحملتك دى بردوا فرض وكبت حريات

اللى انا مستغرباه جدا ان كثير من المواقع على الانترنت تبنت الحمله دى وشغالين ماشاء الله نشر فى الحمله وفى مقاله الكاتبه دى واللى انا معرفهاش ومش عايزة اعرفها
طبعا دلواقتى هيدخلوا يقولوا انتى بتستخفى من واحدة بتقول وجهه نظرها...وجهه نظرها على عينى وراسى لو هتخصها هى حرة محدش بيتحاسب مكان حد اصلا لكن لما تتبنى حامله كامله وتناااادى بيها يبقى كدا هى بتهاجمنى وبتهاجم عقيدة من معتقداتى ومن حقى ادافع عنها

الصمت على الحجاب كفريضة سادسة و قدس اقداس الاسلام و هذه كذبة كبيرة تعني السكوت على تغلغل افكار سلفية لن تتردد يوما في تحويل تونس و دول أخرى لايران أو السعودية

اعتقد ان كمان انتشار العرى ونزع الحجاب هيحولنا لدوله اوربيه وتغلغل افكار اوربيه ملهاش علاقه بدينا واسلامنا حضرتك
دعوة لك أختي المسلمة لنزع الحجاب.دعوة صادقة. ليست خبيثة. وهي طاهرة.لا تسعى إلى تدنيس طرفك. كما لا تحثك من خلالها على الانحلال.بل تدعوك إلى إعمال عقلك، وإلى استخدامه،وحدك.فأنت وعقلك، وحدكما تكفيان. دون حاجة إلى البحث في الكتب والتاريخ.دون حاجة إلى التنقيب في الدفاتر عن آراء المفسرين.وأسألك لذلك وأنا أحدثك عدم الخوف مني.أسألك الاستماع إلي والتمعن في كلماتي دون تشكيك في نواياي.وأنت فيما بعد حرة. حرة في قرارك. حرة في مصيرك. تفعلين ما تشاءين.أنتِ أنتِ سيدة نفسك. وحدك.لا وصاية لأحد عليك. لا أحد غيرك.البسي الحجاب بعد ذلك، أو اخلعيه، سأحترم قرارك مهما كان. ففي النهاية يجب أن يكون القرار قرارك
والله ماشاء الله ونعم الحريه يعنى هو الحجاب والالتزام بيه بيفقد المرأة عقلها يعنى انتى قصدك تقولى ان كل المحجبات متخلفات...طيب هو دا مش معناه انك بتيجى على عقيدتى!!
طيب على الاقل مفيش واحدة محجبه قالت على واحدة بشعرها حد مش كويس محدش فينا بيصدر احكام
وبعدين ليه مدورش فى كتب المفسرين احنا مش لينا دستور بنلجأ ليه والا احنا ماشين كدا اعتباطا

وبعدين مهو ماشاء الله بدؤا فى تونس حمله نزع الحجاب عن المسلمات بالقوة كما حدث فى فرنسا وكثير من البلاد يعنى هو المفروض الحريه ليكم بس فى نزع الحجاب فين حريتنا احنا فى الالتزام بيه
!!!
لا وياريت الموضوع افتصر بس على الحجاب لا كمان استغلوا الفرصه وكمان نزلوا شعار
ادعموا الدنمارك
ياحلولى
يعنى النبى صلى الله عليه وسلم يسب والمفروض انهم احرار فى معتقداتهم وفى بلدهم
واحنا مش احرار فى الدفاع عن خير البشر
ر هما احرار انهم يهاجموا معتقداتنا واحنا مش احرار اننا نقول لا انتوا بتمسوا دينا ومعتقداتنا
بجد حسبنا الله ونعم الوكيل
يعنى لو كانت بلدة مسلمه سبت سيدنا عيسى مع ان دا عمره ما يحصل اصلا لاننا نؤمن به كما نؤمن بكل الانبياء كانوا سكتوا!!!!
وكانوا هيقولوا اادعموا المسلمين هما احرار فى معتقداتهم!!!
طيب احنا كل اللى فى ايدينا اننا بس تقاطع منتجاتهم وماشاء الله فى مسلمين اصلا مش بيهتمواهما بئا كانوا هيعملوا مجاززززر
بجد اتقوا الله فى دين الله انتوا احرار تقلعوا والا تلبسوا بس مش تفتوا وتقولوا مش من الدين فى شىء
وان كان فى اراء بتقول ان الحجاب مش فرض فى اراء اكثر ثقه بتقول ان الحجاب فرض
انتى مش مقتنعه انتى حرة ياستى متلبسيش ومقلناش عليكى كافرة والا متخلفه!!!
لكن متجيش تقولى ان الحجاب بيلغى عقل المرأة وتدعيهم لتتحرر
لكم دينكم ولى دينى

27 comments:

صاحب المضيفة said...

أول تعليق

للأسف بقينا في مجتمع بيمشي لورا

وزمن بيجيب التخلف في كل حاجه

للأسف احان لو مش ضعفاء

مش كان في حد عرف يفتح فمه بنص كلمة حتى


يارب كن لنا ولا تكن علينا


تحياتي

Unknown said...

ايه ده يابنتي انتي ليكي في الارهاب ولا ايه؟
الست ذوق ذوق بصراحة وبتقولك
دعوة صادقة يعني مش كاذبة
مش خبيثة بل طاهرة
لا تسعى إلى تدنيس طرفك يعني الاسدال هيفضل نضيف
وكله كوم وإعمال العقل كوم تاني, مش عارفة المصطلح ده مين اللي اخترعه
بصي كل كلامها حنان وشفقة
كان لازم تحسسيني بغلظة قلبي؟
شكلي لازم اتعالج

نصف اخضر نصف يابس said...

اقولك ايه؟ والله معاكى حق مش بس مهزلة لا دى مسخرة كمان طيب الاخت الهام الدريع صاحبة الدعوة الجبارة مش عايزة تتحجبى انت حرة لكن مالكيش دعوة بالآخرين مش هيه دى حرية الاعتقاد و الفكر برضه و الا يعنى حرية الفكر دى ما بتكونش الا فى نقد كل ما هو دينى و اسلامى تحديداو بنفس منطق الحرية تفرق ايه بقى الدعوة بتاعت حضرتها لخلع الحجاب عن الناس اللى بتجبر الست على انها تلبسه؟ اقولك ايه كل ما بشوف اللى بيحصل فى العالم الاسلامى دلوقتى من مهازل و تطاول الاخرين علينا و دبننا و نبينا اتذكر قوله عليه افضل الصلاة و السلام اننا فى آخر الزمان سوف تتداعى علينا الامم كما تتدعاى الاكلة الى قصعتها فلما سأله الصحابة أمن قله نحن يا رسول الله قال لا و لكنن كغثاء السيل يعنى لا وزن لنا و لا هيبة حقا لا ينطق عن الهوى

Unknown said...

انا اول ما قرأت أول كلمتين اتخضيت
وقلت
ييه
كاتبه علمانيه تاني
بس الحمد لله ربنا ستر وكملت المقال وفهمت قصدك
ياريت ماتخضيناش كده تاني علشان انا مش مستحمل
:)

........................
أما تعليقي على المقال
هيه كلمه واحد
فعلا
مهزله

مش انهم بيهاجموا الاسلام
لا
ان احنا وصلنا لدرجه من الهوان والضعف تخليهم يعملوا فينا كده

رفقة عمر said...

يعنى بيقولوا ان الحجاب بيلغى عقل المراه
طيب المدونات ومعظم صاحباتها محجبات بنتين من اللى اتنشرت مدونتهم محجبات
بجد انا شايفه اللى ماسك فى موضوع الحجاب وانه لازم المراه تخلعه ما هى الا متخلفه غبيه منحله عن الطريق تريد نشر الفاحشه وحسبى الله ونعم الوكيل فيها وفى امثالها

عصفور المدينة said...

لا حول ولا قوة إلا بالله

بنت الصالحين said...

رينا


ايه ده

حسبنا الله ونعم الوكيل

ويمكرون ويمكر الله والله خيرا الماكرين
لن يحدث ماطمحو اليه مهما حصل


ربك يمهل ولا يهمل

عايزين يتعدوا علي حرمات الله

وانا لله وانا اليه راجعون

اقولك


سيبك منهم ربنا هيورينا فيهم يوم

ادعي لكل المسلمات بالثبات علي دين الحق وعلي الحجاب

ربنا يثبتنا وينصرنا

وهو القادر فوق عباده وهو ارحم الرحمين

Anonymous said...

اي واحد دلوقتي مالوش لازمة ومحدش بيسمع عنه حاجة وعايز يا عيني الناس تعرفه وهو مالوش اي قيمة اساسا يقوم يتكلم عن حاجة في صميم الدين



بس ما شاء الله يا رينا ردودك رائعة علي المقالة الفاسدة دي

ربنا يبارك فيكي وفي نساء المسلمين الشريفات العفيفات

oceaneyes said...

ايه المهزلة دى !!!

احنا ليه بقينا كدة ؟؟؟

اوقات بفكر واقول لنفسى ياترى لو كان الرسول - عليه الصلاه والسلام - لسة عايش لحد دلوقتى ..هل كان حالنا هايبقى كدة ؟؟؟

هل كنا ( العرب والمسلمين ) هانبقى مفتتين كدة ؟؟؟

انا اه بحترم مبدأ ان الاختلاف فى الرأى لا يفسد للود قضية ..وان كل انسان ليه رأيه اللى بيحترم على اساسه ..بس رأيه ده يكون على نفسه ..مش يطبقه ويدعو ليه !!!


حسبنى الله على كل من استهزأ بالدين ..وبرسولنا الكريم

..


حسبى الله ونعم الوكيل

oceaneyes said...

صحيح ..نسيت اقولك حاجة مهمة اوى

انا بعتذر على انى مش بمر هنا كتير ..بس والله ظروف فى الكلية ..وباخد نفسى بالعافية

ياريت ماتزعليش منى يا قمر


تحياتى

:)

حزيــــــــــــــــــن said...

كنت احتاج اسم الكتاب واسم الكاتبه ويا ريت تقوليلى بيتباع فين وكمان لو عندك الكتاب بتاع اقبال بركه
عشان بنعمل عليهم دراسه ورد
يا ريت متنشريش اسمهم فى المدونه عشان ضعاف النفوس
حضرتك هتلاقى ايميلى فى البروفايل
وجزاك الله خيرا

الأستاذ said...

ربنا يحرقهم كلهم ويولع فيهم
دي عالم معندهاش عقل أصلاً
كل واحد حر
أنا رأيي إن اللي بتلبس من غير هدوم او بتمشي تنافس سهير زكي "الله يرحمها" وبتصيف في كل المواسم دي أحسنلها تقلع الحجاب لأنه ده الوحيد اللي فاضل لسة متقلعش
تحياتي

Unknown said...

ربنا يبارك في حضرتك ويحفظك
الناس دول ببساطه ارادوا الفتنه بااهل الاسلام وبأمة النبي يقول الله عزوجل
هو الذي انزل عليك الكتاب منه ايات محكمات هن ام الكتاب واخر متشابهات فاما الذين في قلوبهم زيغ فيتبعون ما تشابه منه ابتغاء الفتنة وابتغاء تاويله وما يعلم تاويله الا الله والراسخون في العلم يقولون امنا به كل من عند ربنا وما يذكر الا اولوا الالباب
------
لقد ابتغوا الفتنة من قبل وقلبوا لك الامور حتى جاء الحق وظهر امر الله وهم كارهون
-------
ليجعل ما يلقي الشيطان فتنة للذين في قلوبهم مرض والقاسية قلوبهم وان الظالمين لفي شقاق بعيد
------
يعني الناس دول موجودين من زمان والاسلام في زياده بفضل الله والمسلمين بيرجعوا لدينهم والنساء بتتحجب بفضل الله
ولولا انهم رؤوا هذه الصحوه لما فعلوا كل هذا
ولكن الله غالب علي امره
وجزاكم الله كل خير

رينـــــــــــا said...

صاحب المضيفه
------------
شرفتنى يا فندم بتعليقك الاول
بالظببببببببببببببببط
هى المشكله اننا مش عارفين ندافع عن نفسنا
بنهبهب وبس
وللاسف هما بيقولوا عليا كعرب ومسلمين بتوع كلام وبس

امين يارب
نورتنى
-----------------------------------
مناجاة
------
اه يابنتى انتى مش عارفانى والا ايه
انا اصلا ارهابيه ارهابيه ارهابيه جدا يعنى
اه خدتيلى بالك انتى من الحته دى
دا كان فى حاجات تانيه كتير
بس انا اكتفيت بدول والله
هههههههههههههههههههه
اه روحى شوفلك دكتور يابنتى
وشوفيلى معاك علشان خلاص الضغط على اوى
-----------------------------------نصف اخضر نصف يابس
------------------
لا والله يا فندم الحريات دى مش موصوفالنا احنا
احنا بس نطيع ونتذل ونقول طبعا عندكم حق
لكن صوتنا يطلع نبقى متخلفين وهمجيييييين
صلى الله عليه وسلم
فعلا سبحان الله كل يوووم بيتثبت ليا ان دينى دين الحق والحمد لله
-----------------------------------
انا انسان
--------
نعتذر يا فندم على الخضه
بص من الاخر
احنا فعلا لازم نتحول ارهابين علشان الناس دى تتلم
تنضم للتنظيم؟؟
نورتنى

رينـــــــــــا said...

رفقه عمر
------
لا يابنتى انتى بس مش واخدة بالك احنا متخلفين وهما بس اللى ناضجين وعقلهم فذ
من كتر ما هم مش مغطين شعرهم الاسلاك اتعرضت للهوا ضربت وعملت قفله

حسبى الله ونعم الوكيل وربنا يرحمنا برحمته
نورتينى يا قمرتى

على فكرة ان شاء الله انا فى بالى ادعيلك ولوالدك ولاختك ان شاء الله
بحبك فى الله
-----------------------------------
استاذ عصفور
-----------
فعلا لا حول ولا قوة الا بك يارب العالمين
منورانى دايما
-----------------------------------
عاشقه الفردوس
-------------
فعلا حسبى الله ونعم الوكيل
يااااااااااارب نفسى اليوم دا يجى واقعد كدا واتفرج
بس كمان نفسى يوم تانى يجى
يوم ما ننصر دينا ونلتزم بيه ونكون يد وحده دا نفسى اشوفه اكتر بكتير
امين يارب
نوريتنى
-----------------------------------
مصراوى اوى
-----------
ياسيدى اهو الكلام ببلاش هو حد بيدفع حاجة
بالعكس دا بياخدوا تأيد من الدوله من امثالهم
احم احم
بعض ما عندكم يا فندم
اميييييييين يارب ويكترهم كمان يارب

رينـــــــــــا said...

oceaneyes
---------
والله يابنتى احنا بقينا كدا
لاننا عايزين نكون كدا
ضعفاء هزلاء كل من هب ودب يقل فى اديه
بالتاكيد مكنش هيبقى الحال كدا
بس كمان كان هيبقى فى مسلمين عن كدا
المسلمين دلواقتى من وجهه نظرى ندرة
حسبى الله ونعم الوكيل




ولا يهمك يا جميل
المدونه مدونتك
تشرفى وقت ما تحبى
خدى بالك من نفسك
-----------------------------------
حزين
----
والله يا فندم كان نفسى اساعدك
اللى انا عارفه دا كان مقال فى جريدة ما وانتشر بشدة على النت مش كتاب
حضرتك ممكن تكتب اليوم العالمى لخلع الحجاب فى جوجل وهو يطلع لك كل المعلومات اللى هتفيدك
جزانا واياكم
نورتنى
-----------------------------------
الاستاذ
------
امين يارب
والله فكرة ممكن تطلع موضه موضوع القلع دا
ربنا يرحمنا برحمته ويثبتنا ويهدينا يارب
-----------------------------------
الفاتج الجعفرى
-------------
ربنا يبارك فيك يارب
حضرتك نورتنى وبجد اضافت كتير للبوست
ربنا يكرمك
جزانا واياكم
نورتنى
-----------------------------------
celular
------
thank u my bro for add
and thank u about ur word
i will visite u soon

سندباد said...

كل سنة وانتي طيبة وربنا يجعل الحبيب المصطفي شفيعا لنا يوم الحساب

ياسر مدني ...دينامو الإخوان said...

إلي كل عشاق الحريه

هيا لنحلم بالوطن الحر والجامعة الحره


احم احم ....ولكن...بعد أن حكمها البلطجيه..؟؟

ويا رييت رأيكم في الموضوع المكتوب

الراقـــص مع الذئـــــاب said...

السلام عليكم ورحمة الله وبركاته
اولا الف مبروك علي العمرة وربنا يتقبل منك...ويارب متكونيش نسيتينا من الدعاء
ثانيا يا اخت رينا بالنسبة للموضوع بتاعك فهؤلاء الاشخاص هم النابحون من الكلاب
هل يوماً ضر السحب نبح الكلاب؟؟؟
خليهم يدعوا الي الفجر والسفور
وليجنوا ما زرعوه
حسبنا الله ونعم الوكيل
جزاك الله خيرا علي الزيارة الجميلة وعلي مواضيعك الجميلة
وربنا يتقبل منك

ياسر سليم said...

السلام عليكم

حمدلله على سلامتى

انا أول ما بدأت اقرا البوست افتكرت الكلام ده بتاعك

قلت ايه ده اسيبك كام شهر ارجع الاقيكى عامله حمله على الحجاب كنت ساعتها هعمل حمله عليكى

وياترى انتى استقريتى على شكل المدونة بتاعتك كده .. ولا لسه كل تلات ساعات بتغيريها ؟

روح said...

حسبنا الله ونعم الوكيل
بس في النهاية الكلاب تعودي
والقافلة تسير
سيبك انتي
وتعالي بقي زوريني
وخلي عندك شوية ......
وحشتيني

Ophelia - cfd said...

لا حول ولاقوة إلا بالله

ربنا يحفظنا

oceaneyes said...

فينك يا جميل ؟؟

وحشتينى اوووووووووووى والله ..اخبارك ايه وعاملة ايه ؟؟

بقالك فترة طويلة مش موجودة

اتمنى يكون المانع خير ان شاء الله

مستنياكى ..ما تتأخريش عليا بقى


تحياتى


:)

رينـــــــــــا said...

سندباد
------
وانت طيب اللهم امين
ربنا يتقبل منك
-----------------------------------
ياسر مدنى
-------
ربنا يكرمكم ويوفقكم يارب
-----------------------------------
الراقص مع الذئاب
---------------
وعليكم السلام
الله يبارك فيك يا محمد ربنا يكرمك وعقبالك يارب
لا منستكش من الدعاء
عندك حق طبعا
بس بيقولك الزن على الوداااااااان أمر من السحر زى ما بيقولوا
ربنا يلطف بينا ويثبتنا يارب
نورتنى وجزاك الله خيرا
-----------------------------------
ياسر سليم
---------
وعليك السلام حمد الله على سلامتك يابنى كل دى غيبه :D
ههههههههههههههههههههه
حرام عليك يا راجل بئا انا بردوا دا رأى
والله يافندم بنحاول نستقر ادعيلنا انت بس
وبعدين التجديد المستمر كويس يعنى

رينـــــــــــا said...

روح
---
عندك حق يا دميل
حاضر والله بس انتى عارفه يابنتى المشاغل
ببس هخلى عندى واجى انتى كمان وحشتينى
-----------------------------------
noureleslam
-----------
امين امين يارب
نورتينى
-----------------------------------
اوشن
----
الحمد لله والله يا جميل
انتى عامله ايه
انا تمام والله الحمد لله
وانتى كمان وحشتينى جدا
انا موجودة يا قمر
ادعيلى يا قمر

جنّي said...

الأخت رينا
السلام عليكم
تعليقي الثاني ..
أولا : لكي كل التحية على عرضك للموضوع بهدوء واتزان وبدون انفعال .. رد موضوعي جدا .. ولكن اعلمي يا أختاه أنهم لايهاجموا عقيدتك فقط وحجابك فقط .. بل يهاجمون عقلك .. يهاجمون حريتك .. يهاجمون إسلامك .. لأنهم وبكل بساطة يرفضون الإسلام كدين بكل صوره وعباداته وسلوكياته .. يرفضون الآخر .. فقط حريتهم وكفى .. سلوكياتهم وكفى . وليس لك الحق في الاعتراض أو حتى مناقشة
أفكارهم وإن كانت شيطانية ..
أختاه لا تحزني وارفعى راسك وافخري انك محجبة ..
لك التحية ودعواتي بالتوفيق
said

Unknown said...

والله معاك حق
العملانيون دول يفضلوا يقولوا الديمقراطية وحرية التعبير
والإسلاميين دول هما اللي حيودونا في داهية
وهما اللي بيفرضوا رأيهم علينا وودنا في داهية

 
© 2008 *By Templates para Você*