بلادنا امانة فى ايدينا

بلدنا آمانة فى إيدينا



نعليها مادام عايشين

نعيش فيها سنين و سنين






و إحنا مطمين




ما شربتش من نيلها؟

طب جربت تغنيلها؟؟




جربت فى عز ما تحزن تمشى فى شوارعها و تشكيلها








ما مشيتش فى ضواحيها؟





طيب ما كبرتش فيها؟؟


ولا ليك صورة ع الرمله كانت ع الشط




بموانيها؟؟




دور جواك تلقاها هى الصحبة و هى الأهل


عشرة بلدى بتبقى نسيانها ع البال مش سهل


يمكن ناسى لإنك فيها




مش واحشاك و لا غيبت عليها





بس اللى مجرب و فارقها قال فى الدنيا ما فيش بعديها




إن غبت بحنلها و أنسى الدنيا و أجيلها




و إن جيت أنسى تفكرنا بمليون ذكرى القلب شايلها











غالية بلدنا علينا... و ها تفضل فى عنينا



**** و مدام بنحب بلدنا... تبقى ها تتغير بإيدنا ****



إحنا اللى نعليها... بإيدينا نخليها



أجمل لينا و لولادنا مهما العمر يعدى عليها



ايميل جانى وحبيه تشاركونى فييييييييه

34 comments:

الطائر الحزين said...

يااااااااااااااه

الحمد لله أنك بخير
كيف حال حضرتك والاسرة

نعم هى بلدنا
الكل يحبها لكن بطريقتة

الله المستعان

دعواتك

همسة قلم said...

طيب بذمتك يارينا

جربتي تغنيلها..؟؟

انا مرة جربت انى امشي في شوارعها وانى اشكيلها لقيتها بترد علىّ بقلة ذوق سبتها ومشيت :)

ربنا يحفظ مصر ويطهرها من اللى خاربينها

دمتِ بود

صاحب المضيفة said...

ياااااااه


كل ده


حرام كده بقى

الواحد مش عراف يخرج من حالة الحزن اللي هو فيها


وكل ما يحاول يخرج يجيله سبب تاني


كان الله لك يا مصر

مـحـمـد مـفـيـد said...

جالي نفس الميل

مشروع انسان said...

لو اتركب الكليب بتاع الاغنية كده
هتبقى كوميدى جدا

بس لازم نفرق بين مصر وحكومة مصر
حب مصر شئ
واللى بتعمله الحكومة فى مصر شئ

دول المفروض بيخدموا الشعب
المفروض

ربنا يعينا

مشروع انسان said...
This comment has been removed by the author.
محمد فوزي said...

الحقيقه أنا آسف إني أقول إنه ايميل سخيف وانا الحقيقه مقولتش كده الا لأن حضرتك طلبتي بالمشاركه فيه ولو كنتي حضرتك اللي مركباه انا مكنتش هاعلق أصلا , ايوا لأن دي أسوأ صوره للتعبير عن حب مصر ده إذا كان اللي ركب الصور دي أصلا بيحب مصر , يا أخي كل بلاد الدنيا فيها تخلف وقرف اشمعنى احنا بس اللي فالحين نبروز قرفنا كده , يا أخي لو الست والدتك مثلا مبتلاه بعجز أو نقص تبقى سعيد وانت بتسخر منها كده وتجيب اصحابك عشان يتفرجوا عليها معاك , يا أخي ده انت لو رحت شلت الزباله اللي قدام بيتك بنفسك أكرملك الف مره من انك تصورها وتقعد تندب ولا احنا خلاص مبقيناش فالحين غير في الندب زي الولايا, يا أخي مش عاجباك وبتكح تراب وانت فيها وقرفان من منظر اهلها سيبها يا أخي , ولعلمك اللي بيكلمك ده بره مصر وفي بلاد البترول لكن واقسم بالله باعد الايام عشان ارجع وحاسس اني في المنفى عارف ليه ؟ عشان انا كبرت فيها وشربت من نيلها وافتخر بابويا وامي اللي علموني احب مصر بجد وافتخر بأصحابي الا مهما بعدنا عن بعض نرجع بعد السنين لو لمتنا اي قعده نفكر ايه الحاجه الحلوه الي نقدر نعملها لينا وللبلد

جنّي said...

الأخت رينا
السلام عليكم
كفانا أشجان وأوجاع .. فقد زادت صورك من حزننا على بلادنا .. ولكن أصحاب القصور وآكلي الكافيار وشاربي السيجار الذين يتعاطون الدم المصري .. لم ولن يصادروا بلادناوحريتنا واصواتنا وأقلامنا .. ومصر هاتفضل غالية علينا وهاتفضل البهية المحروسة في عيون أبنائها .. ومن خربوا مصر وافسدوها وباعوا ترابها.. فيومهم قريب إن شاء الله
الأخت رينا
هذه زيارتي الأولى كنت أريدها للتعارف ولكن البوست شدني لكتابة هذا التعليق المهم أن تكون معرفة خير إن شاء الله لله وفي الله
شكرا لكي
وأدعوكي لزيارة مدونتي
said

المستنصر بالله said...

الله وبجد الفكره جميله
والصور تحزن
هى الحكومه مش بتشوف الصور دى ولا ايه

رفقة عمر said...

رييييييييينا

وحشتينى جدا انت فين واخبارك ايه يارب تكونى بخير
حلوة فكرة البوست قوى

Anonymous said...

هنغير باذن الله الصور دي

وحتي لو موتنا يبقي نيتنا وعملنا اننها نحاول نغير الصور دي


حمااااااااااااااس



وبضم صوتي للاخوة اللي قالوا لازم نفرق بين الحكومة وبين مصر

mohand said...

انا قريت البوست ده وفاكر اني رديت عليه



تفتكري ان احنا عارفين نحافظ علي الامانه؟


حمدلله علي سلامتك

هوندا said...

سلام عليكم ازيك يارينا وحشانى جدا يارب تكونى بخير

بصى انا بصراحه اول ماشفت الميل ده اتضايقت منه جدا لسبب مصر مش كلها كده !!!!!!!!!
اه عندنا مشاكل بالكومل بس الصور دى بتعمم حاله مصر وده غلط ع مناظرنا قدام الاجانب ع الاقل هههه
احنا لازم نحاول نكون ايجابيين ع قد مانقدر ونبعد عن الصور والكلام السلبى ع الاقل نقدر نعمل اى حاجة ولو صغيرة

عمرو فكرى said...

ههههههههههههه

مسخرة :lol:

Anonymous said...

السلام عليكم
لن اقول إلا حسبنا الله ونعم الوكيل فى كل من شارك فى هذا الظلم
"وقالوا ربنا إنا أطعنا سادتنا وكبرائنا فأضلونا السبيلا.ربنا أتهم ضعفين من العذاب والعنهم لعنا كبيرا".

قلم رصاص said...

المدونين الشرفاء من هذا الوطن يعلنون غضبهم علي الاحكام الهزلية
كل المدونات والمواقع والمنتديات التى ترفض الذل والاستبداد والخنوع وتكبيل الايادى وتكتيم الافواه ... اعلنوها معنا بافواه تملأها العزه ... نحن معكم يا شرفاء مصر الاحرار ... نرفض الظلم الواقع عليكم .. لذلك سنعلن الحداد فى مدوناتنا وسنسودها باللون الاسود تعبيرا عن الظلم فى مصر ولا عزاء للحريه والديموقراطيه التى يتشدق بها رئيسنا .. اطلب الكود من المدونة
مدونة قلم رصاص
http://pencil1.blogspot.com
أو مدونة قلب أبيض
http://w-7eart.blogspot.com
وحسبنا الله ونعم الوكيل

Anonymous said...

ايميل فاشل

مش دي الصورة بتاعت مصر

فين صورة ماما سوزان الكميلة

انتو وحشين


رقــــــــية

Tamer Nabil Moussa said...

مين مش يحب بلدة الا انسان غير عاقل

يارب اشوفك يابلدى احلى واحلى من النهاردة

تحياتى

دنـيـا محيراني(ايناس لطفي said...

ازيج يا ريتا عامله ايه مش عارفه اوصل لايميلك وانا عايزكي تكوني معانا هاعملك شويه دوشه هنا ماشي
------------------
السلام عليكم ورحمة الله وبركاته ،،،
احب اعرفكوا بنفسي انا مدونة زميله لكم اسمي ايناس لطفي
مدونتي اسمها عايزه اتكلم واسمي المستعار عليها دنيا محيراني www.3azatklm.blogspot.com
و يشرفني ان اكون ضمن فريق مدونات مصريه للجيب وهي فكرتها ببساطه انها ستقوم ان شاء الله بنشر كتابات المدونينين المصريين في كتاب يجمعهم بالمشاركه مع دار اكتب للنشر
ويشرفني ان ندعوا كل مدون مصري للمشاركه معنا ويسعدنا اننا نشاركه في خروج كلماته للنور
وللمشاركه ارجو كتابه مايلي علي الايميل المرسل لنا :

1- عنوان الميل تصنيف البوستات الخاصه بك التي تريد ان تشارك بها ادبي – اجتماعي – سياسي
او انك لاتريد تصنيف بوستاتك يكتب اسم مدونتك ولكن يفضل التصنيف لسهوله الفرز و التحديد

2-بياناتك الشخصيه في الميل هكذا :
*الاسم :------- * هل ترغب في نشره (نعم / لا )-----
*الاسم المستعار: ------
*اسم المدونة : -----
*عنوان المدونه :www -----
*الايميل الشخصي : ------
*رقم الموبايل :-----(يفضل لسهوله الوصول اليك مع التاكيد علي سره البيانات وعدم تدوالها)
*تليفون ارضي : ---------
*تاريخ الميلاد: ------
*نعم اوافق علي النشر----
*اهم نقطه : لينكات البوستات المختاره مع كتابتها ضروري جدا لا تكتفي بوضع اللينكات فقط ارجو كتابتها
---------------------------------------------------------------
هنا ايميلات باقي الفريق وهما
احمد المهني ahmed_mahana_me@yahoo.com
احمد البوهي ahmed.elbohy@yahoo.com
ايناس لطفي enas_lotfy_4@hotmail.com
عنوان الجروب علي الفيس بوك http://www.facebook.com/group.php?gid=13820826455
ان اردت الاستفسار عن اي شيء يرجوا المراسله وكتابه كلمه استفسار في عنوان الميل
ليرد عليك اعضاء المجموعه
وللعلم فقد تم تقليص المده المفتوحه للعدد الاول
فاخر وقت لتلقى الاعمال للنشر بالعدد الاول هو 22/4/2008 اى فى خلال 6 ايام واى عمل بعد تلك الفتره يرحل للعدد الثانى وما بعده
---------------------
وفي النهايه ادعو كل مدون مصري ان يثق في كلماته و يشارك معنا في ان تخرج افكاره وكلماته في كتاب مطبوع ويساهم معنا في نشر الفكره ودعواه الاخرين للمشاركه معنا
مع تمنياتي بالتوفيق دائما
تحياتي
ايناس لطفي
هاستني منك الرد

حمامة said...

مناظر مؤسفة
تقطع القلب
:(:(:(
بس هنعمل ايه برضه بلدنا

الشاعر والكاتب احمد هيكل said...

السلام عليكم ورحمة الله وبركاته
من اجلك
من اجل الحريه
من اجل كل مدون مصري
من اجل الدفاع ع ن حقوقنا
عا يزن نغير شيء
عايزن نعمل حاجه
عا يزن نغي الكلام اللي بيتقال علينا تعالا او تعالي
نبني حلمنا سوه
نبق ايد وحده
لو اتحدنا اكيد هنقدر
ومتقولش مستحيل
ومتقوليش مش هينفع
منتظر تعلقتكم


يتشرف اتحاد المدونين المصريين بدعوة سيادتكم لحضور اجتماع الاتحاد يوم 25 / 4 فى كافيتريا المحروسة التابعة لفندق المحروسة للقوات المسلحة بالاسكندرية الساعة العاشرة صباحا . وتفضلوا بقبول فائق الاحترام مع تحيات اعضاء اللجنة الاجتماعية وادرة منتديات اتحاد المدونين المصرين
ولي اي استفسر
تا بعونا ع البريد التالي
ahmedhiqal@yahoo.com
وكماندعكم بالمشاركه في منتدكم
الجديد
منتدي لك
فوجب عليكم التسجيل
في اتحاد المدونين
المصرين
الذي يضم
نخبه
من اهم الشخصيات
محماين
وصحافه
واعلام
ننتظركم
تسجيل متاح لكل الأ عمار
http://egtadwin.yoo7.com/index.htm

الشاعر والكاتب احمد هيكل said...

والله بجد
روعه
فعلا بلدنا امنا
وميحسش بيها
غير البعيد عنهاااااااا

Anonymous said...

لن يشعر احد بغلاوة وطنه عليه الا عندما يسلب منه او يتغرب عنه
الجميع لديهم وطن يعيشون فيه الا انا لي وطن يعيش في خلجات قلبي
هو انتماء وشعور فطري نحب الوطن لأنه وطن
ان لم تزد على وطنك شيء فانت زائد عليه

دمت

روري

MKSARAT - SAYED SAAD said...

فكره واعتراض مهزب ومقبول جدا احيكي عليه
بس ممكن اطلب منك طلب
نفس كلمات الاغنية الجميله ديه عايز عليها صور معبرة بالحلو برده عن مصر
دمتى بكل ود
سيد سعد

روح said...

ان شاء الله كل شيء يتصلح
وربنا يصبرك علي بعدها
وربنا يهدي علينا
ولاة امورها

Unknown said...

يبقى انت اكيد اكييييييد في مصر

بس برده بنحبها وهنفضل نحبها

ربنا يصلح الاحوال يارب

تحياتى

رينـــــــــــا said...

الطائر الحزين
------------
ربنا يكرمك يارب ودايما كدا مشرف البلوج بحضورك
فعلا كل واحد بيحبها بطريقته
دعواتك
ربنا يبارك فيك
-----------------------------------
همسه قلم
-------
هههههههههههههههههههههههههه
امين يارب العالمين
على فكرة انا والله مقتنعه ان الحاله اللى وصلنالها مش سببها بس اللى خربوها
لا سببها سلبيتنا ومطاطيتن للريح دائما
لحد ما ركبتنا ودلدلت
دمتى با الف خير يا قمر
-----------------------------------
صاحب المضيفه
-----------
كان الله لنا ولها يا اخى الكريم
ومش هنخرج من حاله الحزن دى ابدا طول ما احنا ساكتين
ربنا يخرجنا من اللى احنا فيه على خير
-----------------------------------
محمد مفيد
--------
واضح انه انتشر :)
-----------------------------------
امام الجيل
---------
مش كدا بردوا
ياريتنا نعرف نذيعه :D
طبعا لازم نفرق بس زى ما قلت لهمسه
مش الحكومه بس
الرك علينا احنا كمان حضرتك
امين

رينـــــــــــا said...

محمد فوزى
--------
اولا لا داعى لاى عصبيه خالص انا ملاحظه انك تعصبت اوى يا اخى الفاضل
بس خلينا نتكلم بهدوء
اولا اللى عامل الميل دا اكيد مش جايب الصور من بيتهم والا من افريقيا وبيقول انها من مصر
لا الصورد دى فى مصر وبكتره جدا
ولو حضراتك متابع جيد للاخبار وبتنزل مصر كتير
هتشوف التدهور اللى بيكون كل سهر مش كل سنه

انت فعلا عندك حق كل البلاد فيها قرف
بس صدقنى دى مش بروزة لقرفنا اد ما صورة بتتنقل للسيد الرئيس لعل وعسى قلبه يرق
انا شايفاها مش سلبيه دى ايجابيه على فكرة

وانا مش شايفه ان دا سخريه من الاشخاص اللى فى بلادنا
اد ما هى سخريه للحاله اللى وصلنلها
واللى السبب فيها الحكومه والسرقه والنهب اللى فيها

فعلا لو الناس قدرت تسيبها هتسيبها من الظلم اللى شايفينه فى البلد دى
على رأى هند صبرى فى عمارة يعقوبيان
مصر بقت اسيه اوى على اهلها للاسف

انا كمان برة مصر وفى بلد بترول كمان
لكن مش عايزة ارجع
لانى لو رجعت هظلم نفسى واظلم ولادى فى المستقبل
لانى متهانه جوا بلدى دون اى مبرر

بس كمان لما تسمع وانت بره بلدك
ان اهل بلدك بيقتلوا بعض علشان رغيف العيش اللى هو مجرد رغيف عيش ومش فراخ والا لحمه

لما تعرف ان مرتب شهر لاى موظف حكومه ميجيبش الا حق واجبه فطار طول الشهر دا ان كفا اصلا لغلو الاسعار

يبقى صدقنى لازم تتريق وتتريق على اللى بيتغنى فى الحياه الجميله والرفاهيه اللى بيقولوا ان مصر عايشاها

وبعدين اسال نفسك
بدا مانت بتحب مصر اوى للدرجه دى ليه مش بتدى مجهودك وعملك فيها!!!
ليه قاعد بعدي عنها وبتدى مجهودك لغيرك!!

طبعا دا مش هجوم على شخصك خالص
وانما ردا لكلامك :D

نورتنى يا فندم للمارة الاولى واتمنى متكنش الاخيرة

رينـــــــــــا said...

جنى
--
وعليك السلام
اهلا وسهلا يا فندم
حضرتك نورتنى وان شاء الله ربنا يستجيب لدعائك
ويشرفنى جدا زيارة مدونتك
-----------------------------------
المستنصر بالله
----------
والله تقريبا الحكومه بتاعتنا عايشه فى كوالالمبور حضرتك
مش بيشوفوا اى حاجة
نورتنى
-----------------------------------
رفقه عمر
--------
والله وانتى كمان وحشتينى
الحمد لله انا بخير يارب انتى كمان بخير يارب
تسلميلى يارب على زيارتك
-----------------------------------
مصرواى اوى
----------
يارب يسمع منك
هو فعلا مش هيحصل حاجة الا بايدنا احنا
انا مفرقه طبعا
بس تعرف ان مش الحكومه بس هما الحرميه
الكبير بيسرق من الصغير
والصغير من الاصغر وهكذا يعنى

ربنا يستر
-----------------------------------
مهند
----
يااااااا حمد الله على السلامه
انا قلت انت نسيت الطريق يا عم
رغم ان لين بيت مشترك يعنى لازق فى بيتى
بتاع الاهلى :D

والله اعتقد اننا معندناش فرصه اننا نحافظ على ايه حاجة بما فيهم احنا

الله يسلمك

رينـــــــــــا said...

هوندا
-----
وعليكم السلام يا قمر
انا الحمد لله تمام انتى كمان وحشانى
يارب تكونى با الف خير يارب


مصر معظمها كدا يا هوندا
انزلى روحى الحوارى والا الاماكن الشعبيه انزلى شوفى الغلابه اللى مش لاقيين ياكلوا

انا كنت مرة فى جمعيه خيريه
وكل اسبوع بنوزع اكل على مكان كدا فى اخر مدينه نصر عشوائى

لما كنا بنجيب ليهم كشرى متخيله كشرررررى مش فراخ والا لحمه
بيبقوا فى سعادة الديك الرومى

متخيله الحال وصل لايه!!!

مهو احنا مش هنبقى ايجابين الا لو شفنا كم السلبيه اللى احنا عايشين فيها
ونبتدى نفكر هنتصرف ازاى

نورتينى يا قمر
-----------------------------------
عمرو فكرى
---------
مش كدا :D
نورتنى
-----------------------------------
عمرو المصرى
---------
وعليك السلام
حسبنا الله ونعم الوكيل اخى الكريم
ربنا ينجيبنا ان شاء الله ويوعينا
-----------------------------------
بقلم رصاص
---------
ربنا يكرمكم يارب
ويكون معاكم ان شاء الله
شرفتنى
-----------------------------------
المجهوووووول
----------
شكرا على رأيك ويحترم اختى
المرة الجايه هجيب ان شاء الله
احلى صور
شكلك مش من مصر ))
نورتينى اخت رقيه :D

رينـــــــــــا said...

تامر نبيل
---------
قصدك ايه :D:D:D
عموما ربنا يتقبل منك
نورتنى
-----------------------------------
دنيا محيرانى
--------
الحمد لله يا قمر
ماشاء الله فكرتكوا جميله اوى
بس انا ايه جنب فطاحل التدوين انا على ادى اوى
بس ان شاء الله هبعتلك وربنا ييسر نورتينى
----------------------------------
حمامه
---
ربنا يلطف بينا
وايدينا فى ايد بعض ان شاء الله نغير المستحيل
نورتنى
-----------------------------------
شاعر الاحزان
----------
وعليكم السلام
ربنا معاكم يارب
وكنت اتمنى ابئا فى مصر واحضر
بس الحمد لله قدر الله ماشاء فعل
-------------------------------
اوالله انا بعيد بس حاسه بالمأساة اللى الناس عيشاها وغاضبه جدا

نورتنى
-----------------------------------
MĕŢø & ŘǿŖêĔ
------------
نوتينى يا فندم
وكلامك جميل ماشاء الله

رينـــــــــــا said...

مكسرات
-------
ربنا يكرمك والله
ياريت لو لقيت تبعتلى وانا تحت امرك جدااااااااااااااااااا
ياريت تلاقى
نورتنى
-----------------------------------
روح
---
امين يارب
ربنا يتقبل منك
وحشتينى يا مضروبه فينك
-----------------------------------
حطم القيود
-----------
امين يارب ربنا يتقبل
وانا والله بحب بلادى جدا
ونفسى تبقى احسن من كدا مليييييييون مرة
نورتنى يا فندم

محمد فوزي said...

معلش آسف إذا كنت اتعصبت شويه فعلا او يمكن شويتين والصور دي فعلا من مصر بس لما نقرن مشاعرنا وحبنا تجاه بلدنا بمدى الراحه والرغد وسهولة العيش اللي بتقدمهولنا يبقى ده لا مؤاخذه يعني منطق نفعي , ويبقى ابائنا واجدادنا اللي كانوا عايشين في فقر وكمان احتلال وحاربوا وقاوموا وجاهدوا يبقى دول من عجينه تانيه مش بني آدمين

الدنيا نفسها ناقصه وكلها غم مش الحل ان احنا ننتحر ونسيبها ولو كل واحد بيحب مصر وعنده وعي وثقافه قرر يهاجر ويسيب البلد مين اللي هيصلحها؟ الأمريكان ؟

انا فعلا بره مصر لكن بعتبر دي فتره مؤقته في حياتي لا يمكن اتصور انها تدوم وببصلها من اطار اني لما ارجع هاكون انفع لنفسي واهلي وبلدي

أخيرا ان شاء الله مش هتكون زيارتي الأخيره لأني أحترمت مدونتك وآرائك ومعنديش مشكله أبدا انها تختلف مع آرائي , تحياتي

almasry said...

انت كده كرهت شرين فى نفسها صدقنى تلاقيها قربت توله فى نفسها


تحيــاتى
المصــــرى

 
© 2008 *By Templates para Você*