ذكريات


نظرت حولى شاردة لا أسمع الضجيج الذى يعج من حولى فقط صوتاً عذبا رقيقا يتردد على مسامعى

كنا نتلاقى من عشية.... و نقعد على الجسر العتيق
و ننزل على السهل الضبابي..... يمحي المدى و تمحي الطريق
و ما حدا يعرف بمطرحنا ...غير السما وورق تشرين

ويقولى بحبك انا بحبك ويهرب فينا الغيم الحزين


وجدتنى اطرق بأظافرى على المنضدة طرقا ناعما وشرد عقلى الى تلك الذكريات التى جمعتنا سويا تمر امامى كشريط سينمائى

مقتطفات سريعه متتاليه فأضحك تارة على جنوننا وضحكاتنا وتارة اعبس لشجارانا الذى كان ينتهى فى خلال دقائق من مجرد نظرة ضاحكه من احدا منا

اتذكر تلك الشرفه التى مداها السماء وهوائها الرطب الذى يبعث فينا بالحنين كانت تجمع ضحك ولعب وتصالح مع انفسنا وكثيرا ذكراً لله


كانت ضحكاتنا تخترق سكون الليل..... اتذكر ذلك اليوم عندما كنا ندخن آخر سجارتين فى علبه سجائرنا وكنا نعد ما تبقى لى من ايام كى نفترق

اتذكر كم بكينا وتمنينا ان يقف الزمن والا يعدو بتلك السرعه التى يعدو بها


اتذكرالايام العصيبه التى مرت علينا وكيف كل من كان سندا للاخر فلم يتخلى يوما احد منا عن الاخر

كل منا كان يبحث عن الامان التى طالما افتقده بين اصحابه

والغدر الذىدائما نتضرعه منهم

فوجدنا هذا الامان معاً ولكن كعادة الايام تفرق دائما الاحباب وتنزع الأمان من القلوب


كم اشتاق الى تلك الايام وافتقدها بشدة... اشتاق الى صوت فيروز يطربنا معا فقد كان اجمل بكثيراً حينها


ياسنين اللى راح ترجعيلى ...ارجعيلى شى مرة ارجعيلى

وانسينى على باب الطفوله

لاركض بشمس الطرقات


فيقشعر جسدى من تلك الكلمات واشعر انها فقط تغنى لنا وتصف حالنا


"ميرو ميرو رحتى فين انا جيبت الاكل ياله ناكل"


فانتبهت الى زوجى ونظرت اليه نظرة باسمه فقد أدركت اننى فى وطن غير الوطن وان الزمن الذى كنا نتمنى الايعدو فقد عدا وذهب وفرق شملنا

فتبسمت بسمه دامعه وشرعت فى الاكل ربما انسى مرارة الغربه

20 comments:

حل وسط said...

ربنا يعينك في غربتك
ويرجعك سالمه لاحبائك

تحياتي

mohand said...

:)

يا مراكبي said...

مرارة الغربة لا ننساها

مرارة الغربة نتناساها

وقد لا ننجح

همسات دافئه said...

:(
أمقت حروف هذه الكلمه

الطائر الحزين said...

هكذا الذكريات امل وألم
اما الغربة
فلها مراره خاصة

روح said...

لية كدة يارينا حرام عليكي
بكتيني انا بجد مفتقداكي
خلي بالك من نفسك
ومن حبيبك
ربنا يرجعكم بالسلامة
بحبك

BinO said...

ربنا يسترك
:)
كويس أن لسه في حد بيتكلم في حاجة تانية غير العلاوة
:)
ربنا يحفظك ويأمنك

Incomplete said...

نكدتي عليا يااختي وكمان خليتيني أدمع
ربنا يعلم قد إيه واحشني تكوني هنا معانا
:(
ربنا يسعدك يارب ويرجعك لينا بالسلامة
مع إني هجرت المدونات بقالي زمن
بس البوست ده رجعني غصب عني
--
بعيد عن الموضوع يابت ياميرو
اللوك الجديد بتاع المدونة جاااااااامد جداً
والصورة اللي فوق حلوة قوي
مبروك ولو ان شكلها اجاي متأخر
:)
(k)

رفقة عمر said...

انا معاكى فعلا الغربه صعبه قوى ربنا يهونها علييكى يارب
شوفتى وانا باعلق لاقيت النت فصل
دخلت دايل اب علشان قلت لازم انزل التعليق بدل ما انسى

المستنصر بالله said...

اولا كل سنه وانتى طييبه وعقبال 100 سنه
ثانيا احيك على احاسيسك الجميله جمعك الله باحبائك قريبا

kaed said...

الغربة جحيم والقعدة فى البلد دى برضة جحيم
طب نعمل إية

رينـــــــــــا said...

none
-----
:( :( :(
___________________________________
حل وسط
------
امين يارب ربنا يسمع منك يارب
نورتنى
___________________________________
مهند
----
:)؟؟؟
___________________________________
يامراكبى
--------
احنا دايما لا ننجح يا مراكبى والله :(
متغبش عننا تانى
___________________________________
همسات دافئه
-------
ومين فينا مش بيمقتها
ربنا يهون على كل من فى الغربه يارب
نورتينى

رينـــــــــــا said...

الطائر الحزين
-----------
الغربه دى احساس مفيش حاجة فى الدنيا توازيها ابدا
كفايه انك بضيع عمرك وانت بعيد عن اهلك
دى بالدنيا وما فيها
نورتنى
___________________________________
روح
---
انا كمان مفتقداكى انتى فين مش بتيجى النت ليه
امين يارب اعالمين فى عنيا لا تقلقى
أحبك الله ي قمر
___________________________________
بينو
-----
هههههههههههههههههه
لا ما انا زهقت والله من كتر الكلام فى حال البلد
امين يارب ربنا يستجيب ليك
لهو انت مبتجيش ليه؟
___________________________________
انكمبليت
--------
:( :(
انا كمان مفتقده جدا وجودى معاكم
امين يارب يا مون
والله التدوين خسرك :D
--------
تبعا تبعا انتى عارفه زوقى يا مون ))
الله يبارك فيكى يارب
___________________________________
رفقه عمر
--------
ربنا يخليكى ليا يارب والله
ويعافيكى من الدايل اب يــــــــارب
ربنا يسمع منك يارب
منورانى دايما
___________________________________

رينـــــــــــا said...

المستنصر بالله
-----------
وحضرتك طيب يارب
اللهم امين
نورتنى
-----------------------------------
kaed
---
ننتحر :D:D:D:D
نورتنى

Diyaa' said...

في ناس بتكون مغتربة في وطنها
بعتقد إن الغربة الحقيقة في قدرة الإنسان علي التكيف مع اللي حواليه وتحمل الصعب
علي فكرة مش عايز سجاير تتشرب تاني
هي هي هي
أصلي بتخنق منها ليس إلا
رقيقة أوي الذكريات..ربنا يرجعك بالسلامة
وتبقي مرارتها زي الدوا..مؤقتة بس ضرورية
تحياتي

انا من اهوى ومن اهوى انا said...

رينا:

ربنا معاكى وترجعيلنا بألف سلامه

وبعدين كلنا اخواتك ومعاكى وحواليكى

غربة اية بقى

أسف على التأخير

وربنا يجمع شملك مع العائلة قريبا انشاء الله

تحياتى

رفقة عمر said...

رينا ازيك عامله ايه
وحشانى كتيير
طمنيننا عليكى

momken said...

الغربه الحقيقيه ليست بعد المكان
لكن الغربه هى غربه النفس

ان تعيش وسط اهلك غريب
وحيد
ان تشعر بالوحده وانت فى وسط الزحام

البوست بتاعك رائع
جدا
تحياتى

ياسر سليم said...

طيب وايه اللى يخليكوا مضطرين انكوا تسيبوا بعض ؟!

ما فى طريقه ( على رأى السودانيين ) انكوا تكونوا فى بلد واحدة ؟

عموماً ربنا يجمعكوا على خير !؟

ويارب تكونى بطلتى سجاير :)

رينـــــــــــا said...

ضياء
----
ربنا يسمع منك وارجع يــــــــــــــارب
الغربه هى انك تكون متغرب عن كل اللى بتحبهم بما فيهم نفسك
نورتنى
-----------------------------------
انا من اهوى ومن اهوى انا
-----------------------
حمد الله على السلامه كل دى غيبه :D
اللهم امين ربنا يسمع منك يارب
نورتنى يا فندم
----------------------------------
رفقه عمر
-------
ربنا يخليكى ليا يارب انا مأثرة معاكى اوى والله انا عارفه
بس انتى عارفه الظروف
ربنا يخليككى ليا ويخليلى سؤالك
-----------------------------------
ممكن
---
كلامك صحيح جدا
ربنا يكرمك على اطرائك
نورتنى
----------------------------------
ياسر سليم
---------
اللى يخلينا نسيب بعض ان جوزى بيشتغل فى بلد تانيه غير مصر فمضطرين نسيب بعض :D
امين نورتنى

 
© 2008 *By Templates para Você*