لما الشتا يدق البيبان

لما الشتا يدق البيبان

لما تنادينى الذكريات

لما المطر يغسل شوارعنا القديمة والحارات

ألقانى جايلك فوق شفايفى بسمتى

كل الدروب التايهة تنده خطوتى

كل اليالى اللى ف قمرها قلبى بات

مش جاى ألومك ع اللى فات

ولا جاى أصحى الذكريات

لكنى باحتاج لك ساعات

لما الشتا يدق البيبان

كنا طفولة حب لسه ف أوله

بنضم بايدينا الحنين وبنوصله

خريف ندانا والشجر دبلان

بردانة كنتى وكنت انا بردان

ضمت قلوبنا بشوق ولهفة نبضها

لما التقينا الخطوة عرفت أرضها

أجمل معانى الحب غنتها النايات

مش جاى ألومك ع اللى فات

ولا جاى أصحى الذكريات

لكنى باحتاج لك ساعات

لما الشتا يدق البيبان

تتصورى

برغم اننا شايفين طريقنا بينتهى

..تتصورى

لا عمرى حاقدر ع الفراق

ولا انتى عمرك تقدرى

تتصورى

لسه حنينى بيندهك رغم البعاد

ولسه زهرة حبنا بتطرح معاد

لكن بيغرق حلمنا ف بحر السكات

مش جاى ألومك ع اللى فات

ولا جاى أصحى الذكريات

لكنى باحتاج لك ساعات

لما الشتا يدق البيبان

على الحجار

دايما الشتا والمطر بيفكرنا بذكرياتنا ..مش شرط ابدا تكون ذكريات زى ما الكلمات بتقول عن حب كان

لكن ذكريات الطفوله الجميله والمدرسه والبيت والبليله السخنه الصبح قبل المدرسه ومريله المدرسه ..ايام الجامعه واصحابك وايام الامتحانات والمذاكرة

بجد مفتقدة اوى كل دا...الشتا دا اجمل حاجة فى الدنيا بجد

حديد عز

انا مش هتكلم عن زيادة الحديد لان متهيئلى الناس صوتها اتنبح فى الموضوع دا

مش هنكر طبعا ان موضوع زيادة الحديد دا استفزنى ومستفزنى لحد دلواقتى وكل ما بنفكر نسأل على اسعار الشقق فى مصر بستفز اكتر واكتر

امال انتى ليه بما انك مش هتتكلمى على اسعار الحديد جايبه سيرة احمد عز؟

الاجابة ببساطه ان فى حاجة حصلت مؤخرا خلتنى بطنطط واحس ان الشعب المصرى كله بيضرب على قفاه واحمد عز بيطلع لنا لسانه ويفرسنا ويغيظنا

الاعلان الجديد اللى عمله

وهو فى الاول بيقول انه عايز يساعد الشباب المصرى فى انه يبنى بيته حلولى وان احمد عز قال اللى هيقدر يبنى بيته من غير حديد هيديله طن حديد هديه!!

قمه الاستفزاز للشعب المصرى

يعنى بيقولهم انكم مهما عملتوا مش هتقدروا تستغنوا عنى وانكم مجبرين عليا وانى مش هتنازل عن زيادة الاسعار واخبطوا راسكم فى الحيط

لا مناخ مصر والا امكانياتنا بتقول ان فى حد مثلا يقدر يبنى بيت من خشب زى بيوت امريكا مثلا

معناه ايه انه ينزل اعلان زى دا

يعنى هو وصل لدرجه جبروت انه يستفز الشعب المصرى بالشكل دا

انا بس حايه اقوله ان الكبير والقوى فيه اللى اكبر واقوى منه

وان ربنا مبيرضاش بالظلم

وان الله يمهل والا يهمل يا امبراطور الحديد

تحديث هام جدا ياجماعه

اكتمالا لحرقه الدم فى حاجة مكنتش واخدة بالى منها فى الاعلان وجوزى الله يكرمه

حب يأكد عندى حرقان الدم وقالى بصى بصى كاتبين ايه

واذا فجأتن بركز لقيت عز كاتب بالبنط العريض فى الاعلان

اللى هيقدر يشترى حديد من اى شركه تانيه غير حديد عز هديه قيمه طن حديد

لا تعليق انا هسيبكم انتوا تعلقوا

الحمد لله

السلام عليكم

ازيكم وازاى حالكم والله ما قادرة اقولك اد ايه وحشتونى ومفقتده دعواتكم

عارفه انى مقصرة مع كل الناس ومش بقيت متابعه اى حد خالص

بس ربى اعلم انه غصب عنى عايزاكم تدعولى كتير اوى الفترة دى لانى بجد محتاجه دعائكم جدا

بقالى فترة تعبانه شويه الحمد لله اتحسنت شويه بس لسه مش مستقرة اوى

فعلا سبحان الله ربنا قال

حملته أمه وهنا على وهن

الحمد لله

عندى مواضيع كتير نفسى اتكلم فيها بس مش بقدر اقعد كتير على الكمبيوتر

ان شاء الله اول ما الامور تتيسر حكتب ان شاء الله

رقصه الحياة

ليل خلاب السماء فيه صافيه والنجوم تتلئلئ على غير عادتها

ارى تلك النجمه البعيدة البديعه تلمع بشدة وكأنها تنظر الى وتبتسم

انظر اليها فإذا هى تتراقص عند القمر المضىء فإن جماله لا ينافسه احد فيه

رأيت ذلك البدر المكتمل فى هذة الليلة المقمرة ونظرت الى البحر فوجته هادئا تتراقص موجاته برقه تعانق الشاطىء المكتسى بالرمال الشبيهة بحبات اللؤلؤ

فقد كان المنظر خلابا لا تستطيع ان تقاوم النظر اليه ...

البحر الكبير العميق الذى تنظر إليه فتشعر ان الدنيا ملكك وانك لم تر فى جماله احد

والقمر ضوئه معكوس على صفحات الماء فجعلته يزداد جمالا على جماله .

عندما رأيت تلك اللوحه تذكرتك وتذكرتنى.ها انا اراك فى هذا البدر الساطع ارى صفاء قلبك فى لونه الابيض النقى

ارى جمال وجهك فى القمر الذى يشبهك ....نعم فهو من يشبهك ولست انت من تشبه....

ارى جمال عينيك شعاع دفء يداعب فؤادى.... نعم اراك وكأنك انت لا احد سواك ..

ارى انعكاسك على حياتى مثل الضوء على صفحة المياه... فضوئك معكوس على حياتى يضيئها ويجعلها اكثر جمالا

ها انا الان اراك تعانقنى تراقصنى على تلك النغمات التى طالما احببنا وحلمنا ان نتراقص عليها ...

تهب لى الحياه التى كنت قد حرمت منها انها رقصة الحياة ....

فلكم اشتقت ان اتخبأ بين يديك استوطن بين نظرات عينيك و ندوروندور دون ان نشعر بمن سوانا

على ذلك الشاطىء الخالى كنت دائما اشعر بطيبة قلبك .... بدفء مشاعرك ها انا اخيرا وجدتك وجدت ما تمنيته وجدته فى شخصك

اراك قويا تحملنى تخبئنى بين رموش عينيك تقول لى لا تخافى فانا معك احميكى من اى شىء

لقد كنت دائما تحمينى حتى من نفسى تحتوينى وانا فى قمة غضبى...

تذوب بين يدى كالطفل الصغير الذى ينتظر امه ان تحنو عليه وتقول له أحبك أحبك!!!

يالها من كلمه لا تصف جزء بسيط من مشاعرى المكنونه فى داخل قلبى

اعترف لك انك اول حب اخترق جدار قلبى

اعترف لك انك اول قلب احتجت اليها

أعترف لك انى احببتك واردت الموت بين يديك

اعترف لك انى عشقتك ولم تر عيناى سوى دربك

فكلماتك كالهمسات تداعب أذناى كما تداعب النسمات الاغصان

اعترف لك انى رغم غضبى المستمر.. فلقد كنت اغضب.. حتى اشعر برقه قلبك

بلمسة يدك الحانية تمسح دمعى فلكم احب لمسه يديك الرقيقه التى دائما ما تنسينى هموم الدنيا وما فيها

اشتاق اليك

اشتاق لعينيك

اشتاق لضحكاتنا

اشتاق الى سمرنا...

نعم اشتاق واشتاق الى مالانهايه

لقد جمعنا القدر رغم انه كان من المحال جمعنا ولكنه جمع قلبين لطالما دعوا الله ان يجمعهما

فاشتبكت ايدينا الى الابد لا يفرقنا الا الموت

فانا اتمنى ان اموت معك بين يديك الحانيتين

وهكذا يمر يومى لا اعرف كيف أطفأ حمما تشتعل فى مهجتى... وكلما اتى يوم جديد يزداد

عشقى لعينيك

أحبــــــــــــــك
اهداء الى زوجى

ذكريات

نظرت حولى شاردة لا أسمع الضجيج الذى يعج من حولى فقط صوتاً عذبا رقيقا يتردد على مسامعى

كنا نتلاقى من عشية.... و نقعد على الجسر العتيق

و ننزل على السهل الضبابي..... يمحي المدى و تمحي الطريق

و ما حدا يعرف بمطرحنا ...غير السما وورق تشرين

ويقولى بحبك انا بحبك ويهرب فينا الغيم الحزين

وجدتنى اطرق بأظافرى على المنضدة طرقا ناعما وشرد عقلى الى تلك الذكريات التى جمعتنا سويا تمر امامى كشريط سينمائى

مقتطفات سريعه متتاليه فأضحك تارة على جنوننا وضحكاتنا وتارة اعبس لشجارانا الذى كان ينتهى فى خلال دقائق من مجرد نظرة ضاحكه من احدا منا

اتذكر تلك الشرفه التى مداها السماء وهوائها الرطب الذى يبعث فينا بالحنين كانت تجمع ضحك ولعب وتصالح مع انفسنا وكثيرا ذكراً لله

كانت ضحكاتنا تخترق سكون الليل..... اتذكر ذلك اليوم عندما كنا ندخن آخر سجارتين فى علبه سجائرنا وكنا نعد ما تبقى لى من ايام كى نفترق

اتذكر كم بكينا وتمنينا ان يقف الزمن والا يعدو بتلك السرعه التى يعدو بها

اتذكرالايام العصيبه التى مرت علينا وكيف كل من كان سندا للاخر فلم يتخلى يوما احد منا عن الاخر

كل منا كان يبحث عن الامان التى طالما افتقده بين اصحابه

والغدر الذىدائما نتضرعه منهم

فوجدنا هذا الامان معاً ولكن كعادة الايام تفرق دائما الاحباب وتنزع الأمان من القلوب

كم اشتاق الى تلك الايام وافتقدها بشدة... اشتاق الى صوت فيروز يطربنا معا فقد كان اجمل بكثيراً حينها

ياسنين اللى راح ترجعيلى ...ارجعيلى شى مرة ارجعيلى

وانسينى على باب الطفوله

لاركض بشمس الطرقات

فيقشعر جسدى من تلك الكلمات واشعر انها فقط تغنى لنا وتصف حالنا

"ميرو ميرو رحتى فين انا جيبت الاكل ياله ناكل"

فانتبهت الى زوجى ونظرت اليه نظرة باسمه فقد أدركت اننى فى وطن غير الوطن وان الزمن الذى كنا نتمنى الايعدو فقد عدا وذهب وفرق شملنا

فتبسمت بسمه دامعه وشرعت فى الاكل ربما انسى مرارة الغربه

بلوجى حبيبى

كل سنه وانا طيبه وعقبال ميه سنه على قلبكم :D

وكل سنه ومدونتى كمااااان طيبه لان فات سنه هنا على قلبها :D

لحسن الحظ عيد ميلادى وعيد ميلاد مدونتى فى يوم واحد اللى هو 27

بس لظروف قهريه محتفلتش بينا فى اليوم دا

اللى عايزة اقوله بئا انى بحمد ربنا جدا على انى فكرت فى يوم اعمل البلوج دا لانى اتعلمت كتيييييير جدا ان كان عن طريق فطاحل التدوين اللى ربنا اكرمنى ودخلت مدوناتهم

او عن طريق الاراء اللى اختلفت فيها مع ناس كتير واتعلمت منها

كمان استفدت با اكبر حاااااااااااااااااجة فى الدنيا وهو الصحبه اللى عرفتها من هنا سواء اللى عرفتهم معرفه سخصيه وبحبهم جدا

زى البنت فتات كلام اللى بموت فيها وبقينا كمان اصحاب فى المسجد هنا

وجهينه

ونسيم الجنه

وياسمين اللى نفسى بئا اشوفها بس ظروفها ياعينى مش مساعداها خالص وانا عذراها

وحبيبه قلبى مناجاة اول ما انزل مصر هزورها بسرعه جدا

وحبيبه قلبى عاشقه الفردوس

أما بئا اللى لسه مش معرفه شخصيه وبجد بحبهم جدا

طبعا رفقه عمر

وفضفوضه

وانسانه

وكل حد هنا عندى فى الفيفورت

واللى بجد استفادت منهم جدا جدا

استاذى واللى بجد بعتبره زى أبى عصفور المدينه بجد كلامه بيفرق معايا جدا

والطائر الحزين

ومهند رغم انى كنت بختلف معاه كتير بس دماغه عجبانى

ومصرواى لو ركز كمان فى الكتابه هيفدنا جدا

والراقص مع الذئاب

وكماااان امام الجيل وبتعجبنى جدا افكاره

وكل حد دخلت عنده بجد استفدت منه جدا وكل حد حطيته فى الفيفورت هو بيمثلى شىء مهم جدا وبشكره من كل قلبى

ربنا يخليكوا ليا يارب

وااااااى حد زعلته او اختلفت معاه فى يوم انا برجوه قدام الجميع انه يسامحنى

كل سنه وانتم جميعين طيبين

وكل سنه وانتم حواليا ياررب

خطاب

كلامي المرة دي مش كاتبه على أي رصيف من أرصفة القاهرة كالعادة إنما من جوه عنبر 2 ج مخدرات بسجن المرج. يوم الأحد 64 نزلت – زي ما أعلنت ودعتكم- لميدان التحرير ماسك أيد حبيبتي وبالأيد التانية بالونتي، بس واضح أن الأتنين ما عجبوش الأمن ف فرقعوا البالونة وفرقوا بيني وبين حبيبتي
جوه علبة صفيح مصرية بتدعي أنها عربية ترحيلات أتحدفت زي شباب كتير لقيتهم جواها أو أتحدفوا ورايا، فيهم اللي أعرفه وفيهم العكس بس بسرعة بدأت أتعرف على شاب غريب اسمه محمد فريد، العربية اتحركت تلف شوارع القاهرة واحنا بنهتف ونغني ونتعرف ونتدحرج على بعض بفضل القائد اللعين. وصلنا معسكر الأمن المركزي ف طرة أحتجزونا هناك حوالي ساعة قابلنا فيها محتجزين واحد منهم هو دمجدي حسين، رجعونا تاني العربية، في الطريق سابوا شاب بيقول أنه صحفي في جريدة المصري اليوم، وكملت دوران بينا لغاية ما وصلنا لمعسكر تاني بس ف الدراسة
في الدراسة أتعرضنا على مجموعة من ظباط أمن الدولة الجبناء اللي حققوا معانا وسط حشد من العساكر عصيانهم متحفزلنا وقلوبهم معانا، ورغم كترهم وقلة عددنا إلا أن ظباط أمن الدولة خافوا يواجهونا ف أمروا العساكر بتعصيب عنين قبل العرض عليهم واللي رفض يلبس العصابة رفضوا استجوابه وفي الأخر أحتاروا مننا 15 شخص رجعوهم العربية وجابوا علينا 3 أفراد جداد
وصلنا قسم قصر النيل أنضم علينا هناك 3 أشخاص تاني ف وصل عددنا لـ27. تم أحتجازنا في مساحة فاضية بين زنازين الأحتجاز لغاية ما صُبيان المأمور يسجلوا اسامينا في محضر سابق التجهيز قبل ما جنابه يمضي عليه، كان معايا في المجموعة عدد من الشباب أعرفهم قبل كده
1- بهاء صابر 2- شادي العدل 3- محمد عواد 4- وليد صلاح بس مش عارف ليه أنجذبت لفتحي. في الفترة كانت المجموعة بتتكون من 2 غير مسيسين والباقي عُد على كفاية
نقلونا لنيابة قصر النيل – نيابة مسائية- لقينا هناك كمان 4 بنات بنفس المحضر، 2 افرجت عنهم النيابة لأن فيهم واحدة مصرية-أمريكية والتانية معاها أما باقي الناس فأمرت النيابة بأن يعرضوا باكر- الـ23 رجل ونادية مبروك وإسراء عبد الفتاح-.قضينا الليلة في حجز ترحيلات الخليفة وهناك أتبرأ مجموعة من أعضاء كفاية من هذا الأنتماء وأعلنوا أنهم قيادات وكوادر بحزب العمل المنحل – أحدهم سائق أ. مجدي حسين-
الصبح ف النيابة ما تمش عرضنا على حد فِضِلِّنا في العربية تحت وفجأة قرروا يتحركوا بالعربية أهالينا وأصدقائنا حاولوا يمنعوها من الحركة إلا أن عساكر الأمن المركزي قدرت تفتح لها الطريق وشفت من حديد العربية حبيبتي وهي بتضرب وتتسحل مع بقية الناس وفي نفس الوقت نجحت العربية تتحرك من غير ما أي حد يعرف هي رايحة فين أو حتى قرار النيابة إيه
العربية لفت بينا كتير جدًا المرة دي لدرجة أنها وصلت طريق مصر- إسماعيلية الصحراوي وأخيرًا حطت العربية رحالها بسجن المرج نزلنا أنا وفتحي ف نفس الكلبش ولما اتحجزنا كلنا ف عنبر واحد اختارنا أنا وفتحي تكون سرايرنا جنب بعض
نمنا كلنا وسط جحافل الناموس المهجن مع طيارات اباتشي صحينا على دخول محمد الشرقاوي والمهندس محمد الأشقر وعرفنا منهم إن الأمن أفرج عن د. مجدي حسين
مساوئ الحبسة ظهرت فورًا.. الناموس المرعب ليل ونهار الزنزانة ما بتتفتحش إلا لدخول أكل السجن الرديء فأتحرم جسمنا من الشمس لما جلدنا نسي ملمسها وأخيرًا كريزة التورتة أعضاء حزب العمل بقى عندنا جامع جوه الزنزانة فيه أدان وإقامة رغم أن صوت بيوصل الزنزانة بوضوح.. وبعد الصلاة مقرأة وبعدها درس وبعده تعليم تجويد و...... إلخ
خلال ندوة الزنزانة كلمنا فيها د.مجدي قرقر عن الإسلام السياسي قدم لينا حزب العمل كنموذج، ومع الأسئلة والمداخلات أقر حد الردة على من يخرج عن الدين وينتقضه.
ومع أول جمعة ألقى الشيخ عبد الرحمن بن محمد بن لطفي- على حد قوله- ألقى خطبة قصيرة لا تتجاوز 41 ساعة كفر خلالها كل خلق الله إلا هو وكل مسلم ملتزم ويعمل على تحويل مصر لدولة تحكمها الشريعة ووصف المسلم الملتزم بفروض الله ثم يعمل على تحقيق دولة مدنية وصفه بالفاسق، ثم أخرجه أصلًا عن الملة في حوار جانبي مع شادي العدل
في تالت يوم هنا وصل لنا الناشط العجوز في حركة كفاية عم فتحي الحفناوي ومع د. سامي فرنسيس والأخير هو الهجب العُجاب شخصيًا فهو زي ما واضح من اسمه مسيحي لكنه قدم نفسه كعضو في حزب العمل وفي ذات الوقت شيوعي وناشط في حركة كفاية ويساند الإخوان المسلمين وصلي على رسول الله
ده كان ملخص الأحداث من صباح الأحد 642008 حتى فجر الخميس 1642008
في النهاية شكرًا لكل إنسان وقف جنبي ولو بالسؤال
بدون ترتيب
أ. جميلة إسماعيل أ. بثينة كامل الفنانة فيروز كراوية رهام قبطان ألآن حازم أ. رشا طاهر لؤي نبيل أحمد مهران أحمد ليبتون أسامة تكعيبة طاهر فتحي صفا محمد عبد الرحيم أيمن فتحي محمد فريد أشرف ماضي شرف أحمد عبد النعيم عاصم عبد الغفار ميدو زهير هيثم عبيد عماد مبارك مها مبارك أ. سيدة المحامية أصدقائي بأسوان الجميلة كما أخص بالشكر أختي القوية غادة
ونصفي الرائع مقاتلتي الجميلة جانيت عبد العليم
من عنبر 2 ج مخدرات
بـ سجن المرج
رامي يحيى
الخميس 1742008"

الخطاب دا زى مهو واضح انه من الاستاذ رامى يحيى وهو مدون وكاتب والكلام دا هو وصله بنفسه لاحد اصدقائه ونشره على البلوج بتاعه وانا استئذنته انى اساعد فى نشره

ودا بس لتوضيح الامور اكثر لما حدث فى 6 ابريل ...تقبلوا تحياتى

بلادنا امانة فى ايدينا

بلدنا آمانة فى إيدينا

نعليها مادام عايشين

نعيش فيها سنين و سنين

و إحنا مطمين

ما شربتش من نيلها؟

طب جربت تغنيلها؟؟

جربت فى عز ما تحزن تمشى فى شوارعها و تشكيلها

ما مشيتش فى ضواحيها؟

طيب ما كبرتش فيها؟؟

ولا ليك صورة ع الرمله كانت ع الشط

بموانيها؟؟

دور جواك تلقاها هى الصحبة و هى الأهل

عشرة بلدى بتبقى نسيانها ع البال مش سهل

يمكن ناسى لإنك فيها

مش واحشاك و لا غيبت عليها

بس اللى مجرب و فارقها قال فى الدنيا ما فيش بعديها

إن غبت بحنلها و أنسى الدنيا و أجيلها

و إن جيت أنسى تفكرنا بمليون ذكرى القلب شايلها

غالية بلدنا علينا... و ها تفضل فى عنينا

**** و مدام بنحب بلدنا... تبقى ها تتغير بإيدنا ****

إحنا اللى نعليها... بإيدينا نخليها

أجمل لينا و لولادنا مهما العمر يعدى عليها

ايميل جانى وحبيه تشاركونى فييييييييه

مهزله والله مهزله

الحجاب لم يكن يوما فريضة دينية أو ركنا من أركان الإسلام و لأنه رمز استعباد المرأة
ليكن يوم 8 مارس يوما عالميا لنزع الحجاب ، لتوعية المخدوعات بشعارات الاسلامويين بخطر مشروعهم في اظطهادها و تحويلها لعورة و نصف انسان و تضامنا مع اللواتي يجبرن على وضع هاته الخرقة على رؤوسهن
التاريخ ليس نهائي و لا يهم كثيرا بقدر ان تصل الفكرة لأكبر عدد ممكن، هي ليست دعوة للإجبار أو التهديد بالقتل أو الاهانة كما يفعل الاخوانجية بل هي دعوة للاقناع و الفكر و النور
دى مقدمه لكاتبه بتدعو لنزع حجاب المرأة المسلمه وماشاء الله شغاله فتى ان الحجاب دا مش من الدين اصلا وانه دعوة للتخلف وانه وانه وانه وكلام غريب عجيب كدا لا واستعانات باأمراة مرتديه النقاب وبتتعرى منه ومن ملابسها كمان فى الحمله
المودام الكاتبه المفروض انها بتنادى بالحريه فى نزع الحجاب وان مش من حق اى حد انه يجبر حد على الحجاب طيب حضرتك يعنى بما انك بتتكلمى عن الحريات وان مش من حق اى حد انه يجبر حد على حاجة حضرتك مش بحملتك دى بتجبرى الناس على نزع الحجاب والا ايه يعنى ياريت تفهمينى مهو احنا لو انتى حملتك ردا على اليوم العالمى للحجاب وشيفاه فرض وكبت حريات

انتى بحملتك دى بردوا فرض وكبت حريات

اللى انا مستغرباه جدا ان كثير من المواقع على الانترنت تبنت الحمله دى وشغالين ماشاء الله نشر فى الحمله وفى مقاله الكاتبه دى واللى انا معرفهاش ومش عايزة اعرفها
طبعا دلواقتى هيدخلوا يقولوا انتى بتستخفى من واحدة بتقول وجهه نظرها...وجهه نظرها على عينى وراسى لو هتخصها هى حرة محدش بيتحاسب مكان حد اصلا لكن لما تتبنى حامله كامله وتناااادى بيها يبقى كدا هى بتهاجمنى وبتهاجم عقيدة من معتقداتى ومن حقى ادافع عنها

الصمت على الحجاب كفريضة سادسة و قدس اقداس الاسلام و هذه كذبة كبيرة تعني السكوت على تغلغل افكار سلفية لن تتردد يوما في تحويل تونس و دول أخرى لايران أو السعودية

اعتقد ان كمان انتشار العرى ونزع الحجاب هيحولنا لدوله اوربيه وتغلغل افكار اوربيه ملهاش علاقه بدينا واسلامنا حضرتك
دعوة لك أختي المسلمة لنزع الحجاب.دعوة صادقة. ليست خبيثة. وهي طاهرة.لا تسعى إلى تدنيس طرفك. كما لا تحثك من خلالها على الانحلال.بل تدعوك إلى إعمال عقلك، وإلى استخدامه،وحدك.فأنت وعقلك، وحدكما تكفيان. دون حاجة إلى البحث في الكتب والتاريخ.دون حاجة إلى التنقيب في الدفاتر عن آراء المفسرين.وأسألك لذلك وأنا أحدثك عدم الخوف مني.أسألك الاستماع إلي والتمعن في كلماتي دون تشكيك في نواياي.وأنت فيما بعد حرة. حرة في قرارك. حرة في مصيرك. تفعلين ما تشاءين.أنتِ أنتِ سيدة نفسك. وحدك.لا وصاية لأحد عليك. لا أحد غيرك.البسي الحجاب بعد ذلك، أو اخلعيه، سأحترم قرارك مهما كان. ففي النهاية يجب أن يكون القرار قرارك
والله ماشاء الله ونعم الحريه يعنى هو الحجاب والالتزام بيه بيفقد المرأة عقلها يعنى انتى قصدك تقولى ان كل المحجبات متخلفات...طيب هو دا مش معناه انك بتيجى على عقيدتى!!

طيب على الاقل مفيش واحدة محجبه قالت على واحدة بشعرها حد مش كويس محدش فينا بيصدر احكام

وبعدين ليه مدورش فى كتب المفسرين احنا مش لينا دستور بنلجأ ليه والا احنا ماشين كدا اعتباطا

وبعدين مهو ماشاء الله بدؤا فى تونس حمله نزع الحجاب عن المسلمات بالقوة كما حدث فى فرنسا وكثير من البلاد يعنى هو المفروض الحريه ليكم بس فى نزع الحجاب فين حريتنا احنا فى الالتزام بيه

!!!
لا وياريت الموضوع افتصر بس على الحجاب لا كمان استغلوا الفرصه وكمان نزلوا شعار ادعموا الدنمارك

ياحلولى

يعنى النبى صلى الله عليه وسلم يسب والمفروض انهم احرار فى معتقداتهم وفى بلدهم

واحنا مش احرار فى الدفاع عن خير البشر

ر هما احرار انهم يهاجموا معتقداتنا واحنا مش احرار اننا نقول لا انتوا بتمسوا دينا ومعتقداتنا

بجد حسبنا الله ونعم الوكيل

يعنى لو كانت بلدة مسلمه سبت سيدنا عيسى مع ان دا عمره ما يحصل اصلا لاننا نؤمن به كما نؤمن بكل الانبياء كانوا سكتوا!!!!

وكانوا هيقولوا اادعموا المسلمين هما احرار فى معتقداتهم!!!

طيب احنا كل اللى فى ايدينا اننا بس تقاطع منتجاتهم وماشاء الله فى مسلمين اصلا مش بيهتمواهما بئا كانوا هيعملوا مجاززززر
بجد اتقوا الله فى دين الله انتوا احرار تقلعوا والا تلبسوا بس مش تفتوا وتقولوا مش من الدين فى شىء

وان كان فى اراء بتقول ان الحجاب مش فرض فى اراء اكثر ثقه بتقول ان الحجاب فرض

انتى مش مقتنعه انتى حرة ياستى متلبسيش ومقلناش عليكى كافرة والا متخلفه!!!

لكن متجيش تقولى ان الحجاب بيلغى عقل المرأة وتدعيهم لتتحرر
لكم دينكم ولى دينى

الحمد لله

زيارة اشتقت لها كثيرا ...الحمد لله ربنا اكرمنى وادانى شرف انى ازور بيته الحرام

مش قادرة اوصفلكم فرحتى والا مدى الراحه اللى انا حاسه بيها وبدعى ربنا انه يقدرنى واكون من المتقبلين ان شاء الله

الناس اللى كانت دايما تطلب الجائزة ان شاء الله ستكون الدعاء امام الكعبه

اللى عنده دعاء بئا يجهز كدا ويطلب وانا تحت امركم جميعاااااااااا

كل سنه وانت حبيبى

كل سنه وانت طيب يا حبيبى عقبال مليييييون سنه ونكون مع بعض ان شاء الله

دا اول عيد ميلاد ليك واحنا مع بعض ربنا يدميها نعمه ويخلينا لبعض يارب

بحبك اوى :)

my new blog

بلوجى الجديد

http://klam-nwa3m.blogspot.com/

عندما أفكر

عندما أفكر في أن اكتب إليك قصيدة
فإنها فكرة جنونية
وإبحار بين المستحيل
والما فوق المستحيل
وخوض في معركة لا تنتهي مع حروف الأبجدية
وخروج عن قانون الكلمات
وحتى استطيع ان أجد عنوان القصيدة
فاسمح لي ان استغرق بضع قرون
فأنت يا حبيبي.اللغه
أنت الجمال
أنت العشق
أنت النسيان
أنت الثورة
أنت الهذيان
فأرجوك اعذرني عن كتابة القصيدة

من اوراقى القديمة

تلومنى الدنيا

تلومني الدنيا إذا أحببتهُ
كأنني.. أنا خلقتُ الحبَّ واخترعتُهُ
كأنني أنا على خدودِ الوردِ قد رسمتهُ
كأنني أنا التي..
للطيرِ في السماءِ قد علّمتهُ
وفي حقولِ القمحِ قد زرعتهُ
وفي مياهِ البحرِ قد ذوّبتهُ..
كأنني.. أنا التي
كالقمرِ الجميلِ في السماءِ..
قد علّقتُه..
تلومُني الدنيا إذا..
سمّيتُ منْ أحبُّ.. أو ذكرتُهُ..
كأنني أنا الهوى..
وأمُّهُ.. وأختُهُ..

هذا الهوى الذي أتى..
من حيثُ ما انتظرتهُ
مختلفٌ عن كلِّ ما عرفتهُ
مختلفٌ عن كلِّ ما قرأتهُ
وكلِّ ما سمعتهُ
لو كنتُ أدري أنهُ..
نوعٌ منَ الإدمانِ.. ما أدمنتهُ
لو كنتُ أدري أنهُ..
بابٌ كثيرُ الريحِ.. ما فتحتهُ
لو كنتُ أدري أنهُ..
عودٌ من الكبريتِ.. ما أشعلتهُ
هذا الهوى.. أعنفُ حبٍّ عشتهُ
فليتني حينَ أتاني فاتحاً
يديهِ لي.. رددْتُهُ
وليتني من قبلِ أن يقتلَني.. قتلتُهُ..

هذا الهوى الذي أراهُ في الليلِ..
على ستائري..
أراهُ.. في ثوبي..
وفي عطري.. وفي أساوري
أراهُ.. مرسوماً على وجهِ يدي..
أراهُ منقوشاً على مشاعري
لو أخبروني أنهُ
طفلٌ كثيرُ اللهوِ والضوضاءِ ما أدخلتهُ
وأنهُ سيكسرُ الزجاجَ في قلبي لما تركتهُ
لو أخبروني أنهُ..
سيضرمُ النيرانَ في دقائقٍ
ويقلبُ الأشياءَ في دقائقٍ
ويصبغُ الجدرانَ بالأحمرِ والأزرقِ في دقائقٍ
لكنتُ قد طردتهُ..

يا أيّها الغالي الذي..
أرضيتُ عني الله.. إذْ أحببتهُ
هذا الهوى أجملُ حبٍّ عشتُهُ
أروعُ حبٍّ عشتهُ
فليتني حينَ أتاني زائراً
بالوردِ قد طوّقتهُ..
وليتني حينَ أتاني باكياً
فتحتُ أبوابي لهُ.. وبستهُ

نزار قبانى

عدنــــــــا

السلام عليكم ورحمه الله وبركاته جميعا

وحشتونى جدا والله وكل سنة وانتم طيبين على عيد الاضحى وعلى العام الجديد وان شاء الله عام جديد سعيد عليكم كلكم يـــــــــــــــارب

الحمد لله رجعت من اجازتى فى مصر وكانت اجازة سعيـــــــــــدة ومثمرة جدا الحمد لله

رغم انهم كانوا تقريبا اسبوعين الا انى حسيت انهم بس يومين .....الموضوع جى مفاجأة ليا لما زوجى شاف نفسيتى فى الفترة الاخيرة مش متظبطه اوى قالى بما اننا مقضناش شهر العسل ايه رأيك نطلع تركيا!!

قولت تمام اهوا تغير وبلد جديدة وهنتفسح وبتاع بس من جوايا قولت ياااااا لو الاجازة دى تحولت الى مصر وكأن زوجى كان بيسمعنى من جوا قالى ايه رايك بدام سفر بسفر تنزلى مصر؟

طبعا دووووووون تفكير صرخت وقلتله طبعاااااااااااااااااااا طيرت من الفرح وسبحان الله لقينا عرض على مصر للطيران وبسرعه بسرعه حجزنا وبسرعه لقيت نفسى فى المطار وكأن ربنا رايد اوى اننا ننزل مصر

انا كمان حبيت اعمل مفاجأة ليهم ومقولتش لحد خاااااالص انى نازله مصر والا اى مخلوق وياريتنى ما عملت كدا

وصلت البيت الساعه 4 ونص الفجر وتخيلوا الحاله اللى كانوا فيها امى كان قلبها هيقف وفضلت تعيط لحد الصبح كلهم كانوا مزبهلين ومخضوضين وبجد مش هعمل كدا تانى لانى خفت عليهم جدا لان منظرهم لا يشجع على اى مفاجأت

الحمد لله الاجازة كانت سعيدة وان كان يشوبها بعض الاشمئزاز...الطيارة وصلت الساعه 2 بالظبط فضلنا واقفين فى الجوازات ساعتين تخيلوا!! ســــــــــــــــاعتيــــــــــــــــــــــــن وكنا اربع طيارات بس وجايين ورا بعض يعنى مش مع بعض طوابير مش بتمشى واسلوب سىء جدا فى المعامله وخرجنا لقينا الشنط مرميه على الارض كأنها كياس زباله والدنيا اتبهدلت وناس بتزعق وتتخانق وتشتم لما شفت المنظر دا اول حاجة قلتها انا عايزة ارجع...واحنا خرجين من هنا كنا 8 طيارات عارفين وقفنا اد ايه فى جوازات ووزن شنط والله ربع ساعه ومعامله فى غايه الاحترام وحاجة كدا تحس انك بنى ادم.. وطبعا كان المقابل اللى شفته اول ما وصلت ..دا غير بئا جمال الطيارة والطيار والمطبات اللى ادبينها والنزول اللى كان قلبى هيقف فيه وطبعا قررنا ان دى اخر مرة ننزل فى مصر الطيرااااااان وتعجبت جدا ان افضل طيران هو طيران مصر للطيران

ما علينا

المهم يعنى انى الحمد لله كنت مبسوطه اوى مع اهلى وامى اللى كانت مش عارفه تعملى ايه والا ايه ومكنتش عايزانى امشى اساسا وطبعا كان لازم ازور حبيبتى اسكندريه قعدنا فيها يومين العيد وكانوا يومين بالاجازة كلها الجو كان رائع وان كان لا يتخلله اعراض الانفلونزا اللى تملكتنى منذ خروجى من المطار واللى اشتدت عليا من مجرد خروجى من القطار بس طبعا مكنش فى اى مجال انى انام اخدت كميه ادويه مهوله من المضادات الحيويه وعدت الحمد لله

بس تعرفوا انا كنت عايزة ارجع مكنتش عايزة اقعد هناك وانا مستغربانى جدا من الاحساس اللى جالى دا انا كنت همووووووووت وانزل ان شالله يوم مجرد ما كام يوم عدوا بقيت اقول لماما انا عايزة بئا اروح بيتى.... ولولا وجود اهلى فقط والناس اللى بحبهم فى مصر انا مكنتش نزلت خالص على فكرة

بجد الموضوع مختلف

اسوء لحظات مرت عليا هى لحظه توديع اخواتى ونان ليا فى المطار كان قلبى هيقف من العياط واخويا الصغير اول مرة اشوفه بيعيط بالشكل دا ومكنش عايز يسيبنى ابدا رغم ان هو بردوا اللى وصلنى اول مرة المطار لما كنت عروسه معيطش خالص كان سعيد ليا جدا المرة دى اتفحم بجد من العياط

واللى ذاد وغطا بئا الاخت نان اتفحمت هى كمان من العياط كنا فتحينها مناحه فى المطار ويعينى جوزى مبقاش عارف يهدينى ازاى وفضل العياط معايا مستمر الى ان وصلت الكويت اول ما وصلت المطار الحمد لله هديت رغم ان لسه جوايا الم

الحمد لله رب العالمين